Matyu 26:65 - Yesus Aqa Anjam Bole

⁶⁵ Onaqa atra tamo gate a Yesus aqa anjam di qusiqa a tulaŋ minjiŋ oqetonaqa aqa segi gara jugo bumbraŋyosiqa marej, “Aqa une agi a segi babtqo iga quonum. Deqa kiyaqa tamo bei olo metonam bosim aqa une marqas? Aqa misiliŋ anjam agi niŋgi quonub.

Matyu 26:65 ပူးပေါင်းရင်းမြစ်များ

Matyu 9:3

Onaqa dal anjam qalie tamo qudei warum dia awesoqneb qaji naŋgi Yesus aqa anjam di qusibqa naŋgi segi segi maroqneb, “Yesus a Qotei misiliŋyqo.”

Luk 5:21

Onaqa dal anjam qalie tamo naŋgi ti Farisi naŋgi ti tal dia awesoqneb qaji naŋgi Yesus aqa anjam di qusibqa naŋgo areqalo na mareb, “Yesus a Qotei misiliŋyqo. Yai na tamo naŋgo une kobotqa kere? Qotei a segi qujai.”

Jon 10:33

Onaqa Juda naŋgi na kamba endegsib minjeb, “Iga ino wau bole bei qa are qalsim ni meniŋ na lumqasai. Ni Qotei misiliŋyonum deqa lumqom. Agi ni Qotei aqa sawa osim maronum, ‘E segi Qotei.’ Ni degsi maraim. Ni mandam tamo. Deqa ni lumqom.”

Jon 10:36

Ariya ijo Abu a segi na e giltbosiqa qariŋbonaq mandamq aiem. Deqa e maronum, ‘E Qotei aqa Ŋiri.’ E degsi maronumqa niŋgi kiyaqa merbonub, ‘Ni Qotei aqa sawa osim maronum, “E segi Qotei?” ’

Aposel 14:14

Onaqa Yesus aqa anjam maro tamo aiyel Barnabas wo Pol wo naŋgi di qusibqa are tulaŋ gulubeinjrnaqa naŋgo segi gara bumbraŋyosib gurgur ti tamo uŋgasari naŋgo ambleq aisib tulaŋ koba leleŋosib minjreb,