Matyu 26:14 - Yesus Aqa Anjam Bole

¹⁴ Onaqa Judas Iskariot a tigelosiqa atra tamo kokba naŋgoq gilej. Judas a Yesus aqa aŋgro 12-pela naŋgi deqaji bei.

Matyu 26:14 ပူးပေါင်းရင်းမြစ်များ

Matyu 10:4

Bei Saimon agi Rom naŋgi winjrqajqa maroqnej qaji. Ariya bei Judas Iskariot agi Yesus osiqa jeu tamo naŋgo baŋq di atej qaji a di. Yesus aqa aŋgro 12-pela naŋgo ñam agide.

Matyu 26:25

Onaqa Judas a segi na Yesus nenemyej, “O Tamo Koba, ni e qa kio ubtsim maronum?” Onaqa Yesus na kamba minjej, “Od. Anjam agi ni na maronum.”

Matyu 26:47

Onaqa Yesus aqa aŋgro 12-pela naŋgi deqaji bei agi Judas a na qaja tamo gargekoba naŋgi sebru ti torom ti eleŋonab joqsiqa Yesus aqa areq di branteb. Atra tamo kokba ti Juda gate kokba ti naŋgi na naŋgi qariŋnjrnab Yesus ojqa beb.

Matyu 27:3

Ariya atra tamo kokba ti Juda gate kokba ti naŋgi anjam keretosib Yesus qalqajqa marnabqa Judas a qusiqa olo areqalo bei osiqa naŋgo areq bosiq minjrej, “E une kobaquja yonum. Tamo e nuŋgo baŋq di atonum qaji di a une saiqoji. Niŋgi a laŋa qalsib moiotqab. Deqa meniŋ silali 30 niŋgi na ebeb qaji endi olo oiye.” Degsi minjrnaqa naŋgi na kamba minjeb, “Di ino segi une. Silali di olo iga egaim. Di ni ame.”

Jon 12:4

Onaqa Yesus aqa aŋgro bei aqa ñam Judas Iskariot bunuqna Yesus osim jeu tamo naŋgo baŋq di atqas qaji a Maria aqa kumbra di unsiqa ŋiriŋosiq marej,

Jon 13:2

Ariya bilaqtonaqa a na aqa aŋgro naŋgi joqsiqa koba na awoosib iŋgi uyoqneb. Iŋgi uyeqnabqa Satan a Judas Iskariot aqa are miligiq aisiqa Judas na Yesus osim jeu tamo naŋgo baŋq di atqajqa areqalo di tigeltetej. Judas a Saimon Iskariot aqa ŋiri.

Jon 13:26

Onaqa Yesus na minjej, “Aŋgro e na endego bem osiy quiq di tuqtosiy anaiyqai qaji a na e osim jeu tamo naŋgo baŋq di atqas.” Degsi minjsiqa bem quiq di tuqtosiq Saimon Iskariot aqa ŋiri Judas anaiyej.

Jon 13:30

Ariya Judas a bem di uysiqa warum uratosiq oqedej. Di qolo.

Jon 18:2

Bati gaigai Yesus aqa aŋgro naŋgi koba na nañu agu dia korooqneb. Deqa Yesus aqa aŋgro Judas agi Yesus osim jeu tamo naŋgo baŋq di atqas qaji a nañu agu di qaliesoqnej.

Aposel 1:16

“O ijo was niŋgi quiye. Qotei aqa anjam bei nami neŋgreŋyeb qaji di aqa damu bini brantqo. Anjam di aqa damu Qotei a nami brantqa marej deqa bini brantqo. Anjam di Qotei aqa Mondor na Devit minjnaqa qusiqa neŋgreŋyonaq soqnej. A Judas qa neŋgreŋyej. Judas agi a na jeu tamo naŋgi gam osornjrnaqa Yesus ojeb.

Aposel 1:18

O Tiofilus, e Judas qa kiñala saqai. Judas a nami Yesus osiqa jeu tamo naŋgo baŋq di atej. Judas aqa kumbra di tulaŋ uge. Aqa kumbra dena Juda tamo kokba naŋgi na silali yonabqa osiqa mandam taqal bei awaiyej. Awaiyosiqa bunuqna a mandam dia uloŋosiqa aqa mene paraonaqa bi bileŋej.