Matyu 25:41 - Yesus Aqa Anjam Bole

⁴¹ “Ariya tamo uge ijo baŋ qonaŋq di unub qaji naŋgi endegsi minjrqai, ‘Niŋgi tamo tulaŋ ugedamu. Deqa niŋgi jaraiiye. Jaraiosib aisib ŋamyuo gaigai yuejunu qaji dia soqniye. Satan aqa laŋ aŋgro naŋgi ti dia sqab. Naŋgi dia sqajqa deqa Qotei a nami ŋamyuo di gereiyej.

Matyu 25:41 ပူးပေါင်းရင်းမြစ်များ

Matyu 13:40

Deqa niŋgi quiye. Wau tamo naŋgi bosib pilagiŋ otorosib ŋamyuoq di koiteleŋeb qaji naŋgo utru endegsi merŋgwai. Diŋo batiamqa laŋ aŋgro naŋgi degyqab.

Matyu 13:42

Naŋgi breinjrib ŋamyuo kobaq aisib dia akamkobayoqnsib pailoqnsib naŋgo jaqatiŋ qa qalagei anjam atoqnqas.

Matyu 18:8

Ino baŋ na kio ino siŋga na kio ni titmosim uneq waimqa laqnimqa di gentosim waiy. Ni baŋ geŋo sosimqa ino baŋ na une bei yqasai di kere. Ni siŋga geŋo sosimqa ino siŋga na une bei yqasai di kere. Di ni ŋambile gaigai sqam. Ariya ni baŋ aiyel ti sosimqa ino baŋ na une yqam di keresai. Di Qotei na ni ŋamyuoq waimqas. Ni siŋga aiyel ti sosimqa ino siŋga na une yqam di dego keresai. Di Qotei na ni ŋamyuoq waimqas. Ŋamyuo di gaigai yuoqnsim sqas.

Matyu 25:42

Deqa niŋgi ŋamyuo deq aiiye. Di kiyaqa? E mambonaqa niŋgi na e iŋgi anaibosai. E ya qarbonaqa niŋgi na e ya anaibosai.

Matyu 25:46

E na tamo uge ijo baŋ qonaŋq di unub qaji naŋgi degsi minjrsiyqa naŋgo awai uge enjrsiy breinjrit ŋamyuoq aiqab. Dia naŋgi bati gaigai jaqatiŋ oqnsib sqab. Ariya tamo bole ijo baŋ woq di unub qaji naŋgi ŋambile gaigai sqab.”

Matyu 3:12

Aqa baŋq di a savol ojejunu. A bosim savol dena wit ñoqoryosim damu eleŋosim aqa talq di atqas. Ariya a suwi olo eleŋosim ŋamyuo gaigai yuejunu qaji dia breinjrimqa yuekritqab.”

Matyu 4:10

Onaqa Yesus na minjej, “Satan, ni ulaŋ. Qotei aqa anjam bei nami endegsib neŋgreŋyeb unu, ‘Ino Tamo Koba Qotei a segi qa louoqnsimqa aqa sorgomq di soqne.’”

Matyu 5:22

Ariya e na dal anjam di buŋyosiy niŋgi endegsi merŋgwai. Tamo bei na aqa was laŋa ŋiriŋtqas di a une ti sqas. Tamo bei na aqa was laŋa misiliŋyqas di a une kobaquja yqas. Deqa a ojsib Juda gate kokba naŋgo ulatamuq di tigeltosib aqa une ubtetqab di kere. Ariya tamo bei na aqa was laŋa minjqas, ‘Ni tulaŋ nanari, areqalo saiqoji,’ degyqas aqa une deqa Qotei na a osim ŋamyuoq waiyqas.

Matyu 7:23

Yimqa bati deqa e boleq na minjrqai, ‘Niŋgi tal qabe? E niŋgi qaliesai. Deqa niŋgi jaraiiye. Niŋgi kumbra uge yo qaji tamo.’ E naŋgi degsi minjrqai.”

Luk 13:27

Degsi minjibqa a na kamba merŋgwas, ‘Niŋgi tal qabe? E niŋgi qaliesai. Deqa niŋgi kalil jaraiiye. Niŋgi kumbra uge yo qaji tamo.’

Jon 8:44

Niŋgi nuŋgo abu Satan aqa aŋgro. Niŋgi nuŋgo abu Satan aqa areqalo dauryqajqa tulaŋ siŋgilaeqnub. Satan a nami tamo qalo qaji tamo soqnej agi bini unu. A kumbra bole dauryosaieqnu. Di kiyaqa? A kumbra bole dauryqajqa torei urateqnu. A anjam marqas di a gisaŋ anjam segi marqas. A gisaŋ anjam qa utru. A gisaŋ tamo. A gisaŋ anjam kalil aqa abu.

2 Tesalonaika 1:7

Tamo Koba Yesus aqa laŋ aŋgro naŋgi ti ŋamyuo ti laŋ qureq dena mandamq aisib tamo uŋgasari naŋgo ŋamgalaq di brantoqnib bati deqa Qotei na niŋgi ti iga ti aqaryaigosim gago gulube kalil iga bini qoboiyeqnum qaji di yaigosim kobotim iga aqaratqom.

2 Tesalonaika 1:9

Osim naŋgi awai ugedamu enjrqas. Naŋgo awai uge agiende. Naŋgi Tamo Koba Yesus a ombla sqasai. Naŋgi aqa siŋgila koba ti riaŋ ti unqasai dego. Naŋgi tulaŋ isaq di sosibqa bati gaigai padalosi sqab.

Hibru 6:8

Ariya sil luwit oqsim iŋgi kabutnjrqas di iŋgi bole oqwasai. Mandam di ugeqas. Deqa sokiñala Qotei na mandam di torei waliyosim iŋgi di koroinjrsim ŋamyuoq di breinjrim yugwab.

2 Pita 2:4

Niŋgi qalie, nami laŋ aŋgro qudei naŋgi une ateb. Onaqa Qotei a na naŋgi uratnjrosai. A naŋgi osiqa tontnjrsiqa sub guma kobaq di breinjrej di unub. Sub di ambru koba. Sub dia ŋamyuo unu. Ariya laŋ aŋgro uge naŋgi di subq dia tariŋesoqnibqa mondoŋ Qotei a naŋgo une qa peginjrsim awai uge enjrqas.

1 Jon 3:10

Iga kiersi qalieqom, tamo di a Qotei aqa aŋgro? Tamo di a Satan aqa aŋgro? Iga endegsi qalieqom. Tamo naŋgi kumbra tiŋtiŋ yosaieqnub qaji naŋgi Qotei aqa aŋgro sai. Tamo naŋgi Qotei aqa aŋgro naŋgi qalaqalainjrosaieqnub qaji naŋgi dego Qotei aqa aŋgro sai.