Matyu 25:26 - Yesus Aqa Anjam Bole

²⁶ “Onaqa aqa tamo koba na minjej, ‘Ni wau tamo uge. Ni lola ani. Ni nami qalieem, tamo qudei naŋgi iŋgi yageqnab melieqnaqa e segi na otorosim uyeqnum. Tamo qudei naŋgi saga yago breiyeqnab boleeqnaq e segi na gei koroiyosim uyeqnum. Ni nami e qa degsim qalieem.

Matyu 25:26 ပူးပေါင်းရင်းမြစ်များ

Matyu 18:32

Minjnab qusiqa kaŋgal tamo di metonaq bonaqa minjej, ‘Ni kaŋgal tamo uge. Ni e pailbonumqa silali ni nami yaibem qaji di e na kobotonum.

Matyu 21:8

Awoonaqa donki aiyel naŋgi walwelosib aieqnabqa tamo uŋgasari tulaŋ gargekoba naŋgi beleŋosib naŋgo segi gara jugo piqteleŋosib gamq dia tueleŋoqneb. Tamo qudei naŋgi nañuq dena tuwom baŋga giŋgeŋyosibqa osi bosib di dego gamq dia tueleŋoqneb.

Matyu 25:24

“Onaqa kaŋgal tamo 1,000 kina ej qaji a bosiqa aqa tamo koba minjej, ‘O Tamo Koba, ni que. E nami qalieem, ni tamo ŋiriŋ ani. Tamo qudei naŋgi iŋgi yageqnab melieqnaqa ni segi na otorosim uyeqnum. Tamo qudei naŋgi saga yago breiyeqnab boleeqnaq ni segi na gei koroiyosim uyeqnum.

Matyu 25:25

Deqa e ni qa ulaosim ino 1,000 kina ebem qaji di osi gilsimqa mandamq di sub bogsim sub miligiq di ulitonam soqnej agiende.’

Matyu 25:27

Deqa ni kiyaqa ijo silali di osi gilsim silali talq di atosai? Ni di atem qamu e bosimqa silali talq dena ijo silali aqa oto kobaqo qamu turtsim onum qamu.’