Matyu 25:20 - Yesus Aqa Anjam Bole

²⁰ Onaqa kaŋgal tamo 5,000 kina ej qaji a na 5,000 kina bei olo osi bosiqa aqa tamo koba minjej, ‘O Tamo Koba, ni unime. Ino 5,000 kina nami ebem qaji dena wauonamqa olo 5,000 kina bei brantej agiende.’

Matyu 25:20 ပူးပေါင်းရင်းမြစ်များ

Matyu 18:24

Aqa kaŋgal tamo bei nami 10 milion kina yaiyej qaji di naŋgi na osib aqa ulatamuq dia tigelteb.

Luk 19:13

A gilqa osiqa aqa wau tamo 10-pela naŋgi metnjrnaqa aqa areq bonabqa naŋgi segi segi 20 kina enjrsiqa minjrej, ‘Silali endena wauosib olo silali aqa oto dego oiye. Bunuqna e olo bosiy unqai.’

Aposel 20:24

“Di uŋgum. E ijo segi jejamu qa are qalosaieqnum. Wau kalil Tamo Koba Yesus na ebej qaji di yosiy kobotqajqa are qaleqnum. Wau di endegsi unu. E siŋgila na Yesus aqa anjam bole tamo uŋgasari naŋgi minjre minjre laqnqai. Anjam bole di aqa damu agiende. Qotei a tamo uŋgasari naŋgi qa are boleiyoqnsiqa naŋgi eleŋeqnu.

1 Korin 15:10

Ariya Qotei a e qa are boleiyej deqa bini e aqa anjam maro tamo unum. A e qa are boleiyej aqa kumbra di laŋa uloŋosai. E aqa kumbra di osim siŋgila na waukobaoqnsim Qotei aqa anjam maro tamo kalil naŋgi tulaŋ buŋnjreqnum. Ariya e ijo segi siŋgila na wau di yosaieqnum. Qotei a e qa are boleiyej deqa a na e siŋgila ebeqnaqa e wau di yeqnum.

Kolosi 1:29

Deqa Kristus aqa siŋgila kobaquja Qotei na e ebej qaji dena e wau koba yoqnsim unum.

Jems 2:18

Ariya tamo bei a endegsi marqas, “Tamo qudei naŋgi Kristus qa naŋgo areqalo siŋgilateqnub. Ariya tamo qudei naŋgi olo kumbra bole bole yeqnub.” Degsi marimqa e na kamba minjqai, “Ni Kristus qa ino areqalo siŋgilatqa maronum. Ariya ni kumbra bole bei babtosaieqnum. Deqa e kiersiy qalieqai, ni Kristus qa ino areqalo siŋgilateqnum? E qalieqa keresai. Ariya e Kristus qa ijo areqalo siŋgilatoqnsiy kumbra bole dego turtsiy yoqnqai di ni e nubsim merbqam, ‘Bole, ni Kristus qa ino areqalo bole siŋgilateqnum.’”