Matyu 24:43 - Yesus Aqa Anjam Bole

⁴³ Niŋgi are qaliye. Bati gembu bajiŋ tamo bosim tal paratqas di tal lanja a qalieqasai. A nami qalieosiq qamu a ŋam atsiq sonaq qamu bajiŋ tamo bosiq tal paratqa yonaq unsiq wiyej qamu.

Matyu 24:43 ပူးပေါင်းရင်းမြစ်များ

Matyu 14:25

Nobqolo ambru Yesus a aqa aŋgro naŋgi qa bosiqa ya baŋgaq na walwelosiqa naŋgi daurnjrsiq gilej.

Matyu 20:11

Onaqa naŋgi degsi unsibqa naŋgi wau lanja ŋiriŋtosib minjeb,

Matyu 24:42

E nuŋgo Tamo Koba. E bati gembu bqajqa di niŋgi qaliesai.

Matyu 24:44

Dego kere e Tamo Aŋgro ijo bqajqa bati niŋgi qaliesai. E bosiy niŋgi pruqtŋgaim deqa niŋgi geregere ŋam atsib e qa tariŋosib soqniye.”

Matyu 25:10

Onaqa duŋgeŋge nanari 5-pela naŋgi tigelosib lam ya awaiyqajqa sumeqnabqa tamo di a uŋa baŋ ojqa sawaq giloqnej. Gileqnaqa duŋgeŋge powo ti naŋgi nami naŋgo lam gereiysib soqneb deqa naŋgi na tamo di dauryosib uŋa baŋ ojqa sawaq gileb. Gilsib tal miligiq gilekritsib siraŋ kabuteb.

Matyu 25:13

Yesus a na aqa aŋgro naŋgi yawo anjam degsi minjrsiqa olo minjrej, “Dego kere niŋgi geregere ŋam atsib soqniye. Di kiyaqa? Ijo bqajqa bati niŋgi qaliesai deqa.”

Mak 13:35

Dego kere niŋgi geregere ŋam atsib soqniye. Di kiyaqa? Tal lanja a olo bqajqa bati niŋgi qaliesai. A bilaq kio, qolo kio, tuwe anjamoqnimqa kio, nobqolo kio bqas.

Luk 12:38

A qolo jige kio nebeqa laqnimqa kio bosim aqa wau tamo naŋgi a qa tariŋosib ŋam atoqnibqa degsi unjrimqa naŋgi tulaŋ areboleboleinjrqas.

Luk 12:39

“Niŋgi are qaliye. Bati gembu bajiŋ tamo bosim tal paratqas di tal lanja a qalieqasai. A nami qalieosiq qamu a ŋam atsiq sonaq qamu bajiŋ tamo bosiq tal paratqa yonaq unsiq wiyej qamu.

Luk 21:36

Deqa niŋgi bati gaigai ŋam atoqnsib Qotei pailyoqnsib soqniye. Qotei pailyoqnsib soqnibqa Qotei na niŋgi siŋgila eŋgoqnimqa kumbra kalil bumbraŋyeleŋqab qaji di nuŋgoq bqasai. Bati deqa e Tamo Aŋgro nuŋgoq botqa niŋgi ijo ulatamuq dia tigelqab.” Yesus a na aqa aŋgro naŋgi anjam degsi minjrej.

Uli Anjam 16:15

Onaqa Yesus a marej, “Niŋgi quiye. E bajiŋ tamo bul niŋgi qa boqujatqai. Deqa tamo bei a ŋam sosim aqa gara tigsim sqas di a areboleboleiyqas. Di kiyaqa? A yosi laqasai. Deqa tamo uŋgasari naŋgi aqa jemai unqasai.”

Uli Anjam 3:3

Anjam bole ni nami qusim dauryem qaji deqa olo are qale. Are qalsim anjam di geregere dauryosim are bulye. Ni ŋam sirosim tigelqasai di e bajiŋ tamo bul ni qa boqujatqai. Bati gembu e inoq bqai di ni qalieqa keresai.