Matyu 24:14 - Yesus Aqa Anjam Bole

¹⁴ Yim naŋgi sawa sawa kalil keretoqnsib Qotei a tamo uŋgasari naŋgo Mandor Koba sosiq naŋgi taqatnjreqnu anjam bole di mare mare laqnib tamo uŋgasari kalil naŋgi quoqnqab. Ariya bunuqna diŋo bati brantqas.”

Matyu 24:14 ပူးပေါင်းရင်းမြစ်များ

Matyu 10:7

Deqa niŋgi Israel naŋgo segiq giloqnsibqa anjam endegsib minjroqniye, ‘Qotei a bosim nuŋgo Mandor Koba sosim niŋgi taqatŋgwajqa bati jojomqo.’

Matyu 18:19

“Niŋgi quiye. E bole merŋgwai. Mandamq endia nuŋgo ambleq di tamo aiyel naŋgi iŋgi bei oqa marsibqa naŋgi ombla na areqalo qujaitosib ijo Abu laŋ qureq di unu qaji a pailyqab di a na naŋgi iŋgi di enjrqas.

Matyu 24:3

Yesus a na naŋgi degsi minjrsiqa Oliv manaq oqsiq goge di awesonaqa aqa aŋgro naŋgi aqa areq bosibqa lumu nenemyeb, “Ni iga merge. Bati gembu jeu tamo naŋgi bosib atra tal niñaqyqab? Mandam endi koboqa laqnim ni olo mandamq aioqnim kumbra kie namoqna bamqa iga unsim poigwas?”

Matyu 24:6

Ariya diŋo bati jojomoqnimqa niŋgi anjam endegsib quoqnqab, ‘Sawa bei beiq dia naŋgi aŋ na qotokobaiyeqnub.’ Ariya niŋgi anjam di qusibqa niŋgi deqa tulaŋ prugaib. Qotei a nami marej, ‘Kumbra di brantqas.’ Deqa branteme. Ariya kumbra di brantimqa diŋo bati urur brantqasai. Soboleiyosim brantqas.

Matyu 4:23

Yesus a dena walwelosiqa Galili sawa keretoqnsiqa Juda naŋgo Qotei tal miligiq giloqnsiqa Qotei aqa anjam palontosiq minjroqnej. Qotei a tamo uŋgasari naŋgo Mandor Koba sosiq naŋgi taqatnjreqnu. Anjam bole di Yesus na palontosiq minjroqnej. Osiqa tamo ma utru segi segi so qaji naŋgi boletnjroqnej.

Matyu 9:35

Ariya Yesus a dena walwelosiqa qure kokba ti qure kiñilala ti dia brantoqnsiqa Juda naŋgo Qotei tal miligiq giloqnsiqa Qotei aqa anjam palontosiq minjroqnej. Qotei a tamo uŋgasari naŋgo Mandor Koba sosiq naŋgi taqatnjreqnu. Anjam bole di Yesus na palontosiq minjroqnej. Osiqa tamo ma utru segi segi naŋgi boletnjroqnej.

Mak 13:10

Sawa sawa kalilq dia dego niŋgi ijo anjam bole ubtsib mare mare laqnibqa tamo uŋgasari kalil naŋgi quoqnqab. Yimqa bati deqa diŋo bati brantqas.

Luk 2:1

Bati deqa Rom naŋgo mandor koba Sisar Ogastus a marej, “Iga na tamo uŋgasari sawa sawa kalilq di unub qaji naŋgo ñam sisiyqom.”

Luk 24:47

Deqa niŋgi gilsib e qa mare mare laqnsibqa sawa sawa kalilq dia tamo uŋgasari naŋgi anjam endegsib minjroqniye, ‘Niŋgi are bulyiye. Yibqa Qotei a Yesus aqa ñam na nuŋgo une kalil kobotetŋgwas.’ Niŋgi tamo uŋgasari naŋgi anjam degsib minjroqnsib kumbra kalil e nami nuŋgo ŋamdamuq di yoqnem qaji deqa naŋgi sainjroqniye. Niŋgi Jerusalem dia wau utru atsib dena walwelosib sawa sawa kalilq dia ijo anjam minjre minjre laqniye.

Luk 4:5

Onaqa Satan na Yesus olo osiqa mana goge kobaq oqsiqa goge dia Yesus tigeltsiqa sawa sawa kalil mandor kokba naŋgi na taqatejunub qaji di Yesus osoryej.

Aposel 1:2

Neŋgreŋyosim gilsimqa Qotei na Yesus osiq laŋ qureq oqej di patem. Yesus a laŋ qureq oqosaisosiqa aqa segi aŋgro giltnjrej qaji naŋgi koroinjrsiqa Qotei aqa Mondor na medabu siŋgilatetonaqa minjrej, “Niŋgi walweloqnsib ijo anjam mare mare laqniye.” Degsi minjrsiqa naŋgi uratnjrsiq laŋ qureq oqej.

Aposel 11:28

Bei aqa ñam Agabus. Naŋgi Antiok qureq bonabqa Qotei aqa Mondor na Agabus aqa medabu siŋgilatetonaqa a tigelosiqa marej, “Bunuqna sawa sawa kalilq dia naŋgi mam koba oqab.” Onaqa bunuqna Rom naŋgo mandor koba Klodius aqa bati brantonaqa mam koba di aiej.

Aposel 17:31

Qotei a na bati atej unu. Bati di brantimqa a na tamo uŋgasari kalil naŋgo une qa peginjrqas. Aqa segi kumbra bole na ti aqa Ŋiri Yesus Kristus giltej qaji aqa baŋ na ti naŋgo une qa peginjrqas. Tamo uŋgasari naŋgi di qalieqajqa deqa Qotei na Yesus subq na olo tigeltej.”

Aposel 17:6

Aisib ŋam ateb Pol wo Sailas wo naŋgi Jeson aqa talq di sosai. Deqa naŋgi Jeson laŋa ojsib Yesus aqa tamo uŋgasari qudei dego ojeleŋosib joqsib aisib qure deqa gate kokba naŋgo ulatamuq dia tigeltnjreb. Tigeltnjrsib olo murqumyoqnsib naŋgo aiyel jejamu laŋa gisaŋnjrsib mareb, “Pol wo Sailas wo naŋgi qure qure kalilq dia tamo uŋgasari naŋgo are niñaqyetnjroqnsib laqnub. Agi bini naŋgi gago qure endeq bonubqa Jeson na naŋgi joqsiqa aqa talq di ulitnjrqo unub. Tamo aiyel dena gago mandor koba Sisar aqa dal anjam uratoqnsib mareqnub, ‘Mandor koba bei unu aqa ñam Yesus.’ Naŋgi aiyel degsib mareqnub.”

Aposel 19:27

Pol aqa kumbra dena gago silali wau endi uloŋqas. Di segi sai. Gago qotei koba Artemis aqa atra tal aqa ñam dego ugeqas. Amqa tamo uŋgasari kalil naŋgi Artemis aqa ñam soqtqa uratqab. Niŋgi qalie, Esia sawaq endia tamo uŋgasari naŋgi Artemis aqa ñam soqtoqnsibqa a qa loueqnub. Sawa sawa kalilq dia dego tamo uŋgasari naŋgi Artemis aqa ñam soqteqnub. Deqa iga Pol siŋgila na ŋiriŋtosim wiyqom. Aqa anjam dena Artemis aqa ñam torei uloŋo uge.”

Aposel 20:25

“Deqa niŋgi quiye. E nami nuŋgo ambleq di sosimqa anjam endegsi plaltosim merŋgoqnem, ‘Qotei a nuŋgo Mandor Koba sosiq niŋgi taqatŋgeqnu.’ Ariya bini e qalieonum, e niŋgi uratŋgitqa niŋgi ijo ulatamu olo unqasai.

Rom 10:18

Ariya e niŋgi endegsi nenemŋgwai. Israel naŋgi Kristus aqa anjam bole di nami quosai kio? Sai. Naŋgi quoqneb. Agi Qotei aqa anjam endegsi unu, “Qotei aqa anjam di gilsiq sawa sawa kalil keretonaqa tamo uŋgasari kalil naŋgi quoqneb.”

Kolosi 1:23

Ariya une bei na niŋgi titŋgimqa Kristus aqa anjam bole niŋgi nami queb qaji di nuŋgo areqaloq di olo siŋgilatqa urataib deqa niŋgi nuŋgo areqalo Yesus qa bole siŋgilatoqnsib siŋgila na tigelesoqniye. E Pol. E Yesus aqa wau tamo deqa e anjam bole di tamo uŋgasari kalil mandamq endi unub qaji naŋgi minjroqnsim laqnum.

Hibru 1:6

Nami Qotei na aqa Ŋiri matu Yesus qariŋyim mandamq aiqa osiqa a qa olo anjam bei endegsi marej, “Ijo laŋ aŋgro kalil naŋgi a qa louoqnqab.”

Hibru 2:5

Mondoŋ Qotei na mandam bunuj olo atqas. Iga qalieonum, laŋ aŋgro naŋgi na mandam bunuj di taqatqasai. Qotei na laŋ aŋgro naŋgi mandam taqatqajqa minjrosai.

Uli Anjam 14:6

Ariya e olo ŋam atsimqa laŋ aŋgro bei laŋ sorgomq dia pururueqnaqa unem. Laŋ aŋgro dena Qotei aqa anjam bole bati gaigai sqas qaji di osi giloqnsiqa tamo uŋgasari kalil mandamq di unub qaji naŋgi minjroqnsiq laqnej. Tamo uŋgasari leŋ segi segi qaji, sawa segi segi qaji, anjam maro segi segi qaji, jejamu segi segi qaji naŋgi turtnjroqnsiq anjam bole di minjroqnsiq laqnej.

Uli Anjam 16:14

Mondor uge qalub dena maŋwa uge uge siŋgila kokba yoqnsibqa mandor kokba sawa sawa kalil taqate-junub qaji naŋgoq giloqnsib minjreqnub, “Niŋgi na nuŋgo qaja tamo kalil koroinjrsib minjribqa tamo uŋgasari naŋgo une qa peginjrqa batiamqa naŋgi qoteleŋqab.” Naŋgi degsib minjreqnub. Qotqajqa bati di agi Qotei siŋgila koba ti unu qaji aqa bati koba.

Uli Anjam 3:10

Ni ijo anjam geregere dauryoqnsimqa gulube kalil qoboiyoqnsim siŋgila na tigelejunum deqa e ni taqatmesoqnitqa Satan a bosim tamo uŋgasari kalil sawa sawa kalilq di unub qaji naŋgi gulube enjrqa batiamqa gulube di ni qa bqasai.