Matyu 23:31 - Yesus Aqa Anjam Bole

³¹ Nuŋgo gisaŋ anjam dena niŋgi segi qa ubtosib endegsib marobuleqnub, ‘Gago moma naŋgi nami Qotei aqa medabu o tamo naŋgi ñumoqneb qaji naŋgo leŋ deqaji agi iga.’

Matyu 23:31 ပူးပေါင်းရင်းမြစ်များ

Matyu 23:30

Osib niŋgi endegsib mareqnub, ‘Iga nami so qamu iga gago moma naŋgi ti beterosim Qotei aqa medabu o qaji tamo naŋgi ñumosai qamu.’ Di gisaŋ koba. Niŋgi nuŋgo moma naŋgi ti areqalo qujai.

Matyu 23:32

Niŋgi degsib marobuleqnub. Deqa uŋgum. Nuŋgo moma naŋgo kumbra uge di niŋgi na olo keretosib yoqniye.

Matyu 23:34

“Deqa niŋgi quiye. E na Qotei aqa medabu o qaji tamo naŋgi ti Qotei aqa powo tamo ti Qotei aqa dal anjam qalie tamo naŋgi ti qariŋnjroqnit nuŋgoq boqnqab. Nuŋgoq boqnibqa niŋgi na naŋgi qudei ñumoqnsib moiotnjroqnqab. Osib naŋgi qudei ŋamburbasq di gaintnjrqab. Osib naŋgi qudei ojeleŋosib nuŋgo Qotei tal miligiq dia kumbaiŋnjroqnqab. Osib naŋgi qudei teteinjribqa naŋgi jaraiosib qure bei beiq giloqnqab.

Matyu 23:37

Osiqa Yesus a olo anjam endegsi minjrej, “O Jerusalem qure, O Jerusalem qure, ni na Qotei aqa medabu o qaji tamo naŋgi ñumsim moiotnjreqnum. Osim tamo naŋgi Qotei na ni qa qariŋnjreqnu qaji naŋgi meniŋ na ñumeqnaq moreŋeqnub. Bati gargekoba e na ino aŋgro naŋgi tuwe du du bul koroinjrqajqa yeqnam niŋgi urateqnub.

Luk 19:22

“Onaqa tamo koba dena kamba endegsi minjej, ‘Ni wau tamo uge. Ino segi anjam dena e na ino une qa pegimqai. Ni nami qalieem, e tamo ŋiriŋ ani. Tamo qudei na waueqnab silali branteqnaqa e segi na eqnum. Tamo qudei na iŋgi yageqnab melieqnaqa e segi na otorosim uyeqnum. Ni nami e qa degsim qalieem.