Matyu 23:24 - Yesus Aqa Anjam Bole

²⁴ Niŋgi tamo ŋam qandimo bul. Deqa niŋgi na tamo naŋgi gam osornjrqa keresai. Agi niŋgi qui uyqa oqnsib añiñig kiñala quiq di sonaqa unoqnsib taqal ateqnub. Ariya kamel a quiq di sonaqa niŋgi unosaieqnub. Qoji uyeqnub.

Matyu 23:24 ပူးပေါင်းရင်းမြစ်များ

Matyu 15:14

Deqa niŋgi Farisi naŋgi qa are koba qalaib. Naŋgi tamo ŋam qandimo bul. Deqa naŋgi na tamo naŋgi gam osornjrqa keresai. Tamo ŋam qandimo bei na tamo ŋam qandimo bei aqa baŋ ojsim ombla walwelqab ombla maŋgalsib subq aiqab.”

Matyu 19:24

E niŋgi olo merŋgwai. Kamel a yumba miligiq gilqajqa tulaŋ baŋgi koba. Dego kere tamo uŋgasari iŋgi iŋgi koba ti unub qaji naŋgi Qotei na taqatnjrsim naŋgo Mandor Koba sqa marsibqa laŋ qureq oqwajqa tulaŋ baŋgi koba.”

Matyu 23:16

“Niŋgi tamo ŋam qandimo bul. Deqa niŋgi na tamo naŋgi gam osornjrqa keresai. Agi niŋgi endegsib mareqnub, ‘Tamo bei a anjam bei siŋgilatqa osimqa atra tal aqa ñam na siŋgilatqas di aqa anjam siŋgilaqasai. Deqa a na aqa anjam di dauryqa uratqas di kere. Uratem. Ariya a gol atra tal miligiq di unu qaji di aqa ñam na anjam siŋgilatqas di aqa anjam bole siŋgilaqas. Deqa a na anjam di dauryosim yem. A urataiq.’ Niŋgi degsib mareqnub di gisaŋ koba. Nuŋgo kumbra deqa niŋgi tulaŋ padalougetqab.

Matyu 7:4

Kiyaqa ino segi ŋamgalaq dia ŋampaŋ kobaquja soqnimqa tentosim ino was minjqam, ‘Was, e ino ŋamgalaq dia ŋam ñeŋgi kiñala unonum di osiy taqal waiyetmqai’?

Jon 18:28

Onaqa nobqolo malu qameqnaq Juda tamo kokba naŋgi na Kaiafas aqa talq dena Yesus osib Rom naŋgo mandor koba Pailat aqa tal kobaqujaq osi gileb. Osi gilsib naŋgi segi Pailat aqa tal miligiq gilosai. Naŋgi endegsib are qaleb, “Pailat a Juda tamo sai. A sawa bei qaji tamo. Deqa iga aqa tal miligiq gilqa keresai. Gago dal anjam degsi unu. Iga aqa tal miligiq gilqom di iga une ti sqom. Sonamqa gago yori bati koba brantqas di iga iŋgi uyqa keresai.” Naŋgi degsi are qalsib deqa naŋgi segi Pailat aqa tal miligiq gilosai.

Jon 18:40

Onaqa Juda tamo kokba naŋgi olo tulaŋ siŋgila na saidosib minjeb, “Ni Yesus uratim oqedaiq. Tonto tamo Barabas uratim oqedem.” Barabas a leŋ ojo tamo bei.

Uli Anjam 12:16

Onaqa mandam na uŋa aqaryaiyosiqa meaŋonaqa ya amal na beqyej qaji di kalil aqa miligiq aiej.