Matyu 22:31 - Yesus Aqa Anjam Bole

³¹ “Ariya tamo naŋgi moisib olo subq na tigelqab deqa e niŋgi endegsi nenemŋgwai. Qotei a nami niŋgi anjam bei merŋgej di niŋgi sisiyosai kio? Agi Qotei a endegsi marej,

Matyu 22:31 ပူးပေါင်းရင်းမြစ်များ

Matyu 12:3

Onaqa Yesus na kamba Farisi naŋgi minjrej, “Nami Devit aqa wau tamo ti naŋgi mamnjrnaqa kumbra yeb qaji di niŋgi buk miligiq di sisiyosai kio?

Matyu 12:7

Osiqa olo minjrej, “Qotei aqa anjam bei dego nami neŋgreŋyeb unu. Agi endegsib neŋgreŋyeb, ‘Niŋgi e laŋa atraiboqnsib ijo ñam soqteqnub. E nuŋgo kumbra deqa arearetbosai. Ariya niŋgi tamo naŋgi qa duloqnsibqa naŋgi geregereinjroqniye. Yimqa e nuŋgo kumbra deqa tulaŋ arearetbqas.’ Niŋgi Qotei aqa anjam di sisiyosib poiŋgwo qamu niŋgi tamo une saiqoji unub qaji naŋgi gulube enjrosai qamu.

Matyu 21:16

Osib Yesus minjeb, “Aŋgro du du naŋgi leleŋoqnsib anjam mareqnub di ni queqnum e?” Onaqa Yesus na kamba minjrej, “Od, e naŋgo anjam queqnum. Deqa e niŋgi merŋgwai. Qotei aqa anjam bei nami endegsib neŋgreŋyeb unu, ‘O Abu, aŋgro du du naŋgi na ino ñam soqteqnub.’ Anjam di niŋgi nami sisiyosai kio?”

Matyu 21:42

Naŋgi degsib Yesus minjnabqa a na olo minjrej, “Qotei aqa anjam bei unu. Niŋgi anjam di nami sisiyosai kio? Agi anjam nami endegsib neŋgreŋyeb unu, ‘Tal gereiyo qaji tamo naŋgi na tal aqa ai arqsibqa uge qa marsib taqal waiyeb. Onaqa tal aqa ai di Qotei na olo osiq tumaq di tigeltej unu. Tal aqa ai di tal siŋgilatqajqa deqa tigeltej unu. Tamo Koba Qotei a segi na tal aqa ai di tigeltej deqa iga unsim mareqnum, “Tal aqa ai di tulaŋ bolequja.” ’

Matyu 22:30

Mondoŋ tamo naŋgi subq na tigelosibqa naŋgi uŋatqasai. Naŋgi tamotqasai. Naŋgi laŋ aŋgro bul laŋa sqab.

Matyu 22:32

‘E Abraham aqa Qotei. E Aisak aqa Qotei. E Jekop aqa Qotei.’ Qotei a degsi marej. Qotei a tamo moreŋo qaji naŋgo Qotei sai. A tamo ŋambile so qaji naŋgo Qotei.”

Matyu 9:13

Qotei aqa anjam bei nami neŋgreŋyeb qaji di niŋgi sisiyoiye. Agi nami endegsib neŋgreŋyeb, ‘Niŋgi e laŋa atraibeqnub. E nuŋgo kumbra deqa arearetbosai. Ariya niŋgi na tamo naŋgi kumbra bole bole enjroqniye. Yimqa e nuŋgo kumbra deqa tulaŋ arearetbqas.’ Niŋgi anjam di sisiyosib geregere poiŋgem.” Osiqa Yesus a olo anjam endegsi minjrej, “Tamo bei a marqas, ‘E tamo bole. E une saiqoji.’ E tamo deqaji naŋgi metnjrit ijoq bqajqa e deqa bosai. Tamo a marqas, ‘E une ti.’ E tamo deqaji naŋgi metnjrit ijoq bqajqa e deqa bem.”