Matyu 22:11 - Yesus Aqa Anjam Bole

¹¹ “Onaqa mandor koba a na tamo uŋgasari naŋgi unjrqa marsiqa tal miligiq gilej. Gilsiq ŋam atej tamo bei a maruro qa gara wala jugosai di unsiqa minjej,

Matyu 22:11 ပူးပေါင်းရင်းမြစ်များ

Matyu 13:30

Deqa niŋgi uratib soqneb. Wit ti pilagiŋ ti koba na oqsib geiteleŋabqa e na ijo wau tamo naŋgi minjrqai, “Niŋgi pilagiŋ otorosib ruwoeleŋosib ŋamyuoq di koitiye. Ariya niŋgi wit osib ijo talq di ateleŋiye.” ’”

Matyu 22:10

Onaqa naŋgi gilsib gamq dia tamo bole ti tamo uge ti naŋgi turosib metnjrnabqa naŋgi kalil maruro unqajqa bosib koroonabqa tal tamo na maqej.

Matyu 3:12

Aqa baŋq di a savol ojejunu. A bosim savol dena wit ñoqoryosim damu eleŋosim aqa talq di atqas. Ariya a suwi olo eleŋosim ŋamyuo gaigai yuejunu qaji dia breinjrimqa yuekritqab.”

Rom 13:14

Niŋgi Tamo Koba Yesus Kristus beteryosib a gara bul jigsib soqniye. Sosib deqa niŋgi nuŋgo jejamu qa areqalo uge uge di dauryqajqa are qaloqnqasai.

Rom 3:22

Gam agiende. Tamo uŋgasari Yesus Kristus qa naŋgo areqalo siŋgilateqnub qaji naŋgi segi Qotei na tamo bole une saiqoji qa minjreqnu. Gam di segi. Gam bei saiqoji.

1 Korin 4:5

Qotei na tamo naŋgo une qa peginjrqa bati brantosaiunu deqa niŋgi na tamo qudei naŋgi une ti qa minjraib. Niŋgi mati tariŋesoqnibqa mondoŋ Tamo Koba Yesus a bosimqa a segi na iŋgi iŋgi kalil ambruq di uliejunub qaji di suwaŋoq di atqas. Osim tamo kalil naŋgo areqalo dego boleq atqas. Yim bati deqa Qotei a gago segi segi kumbra geregere pegiyosim mergwas.

2 Korin 5:3

Di kiyaqa? Iga gago laŋ qaji tal osim gara bul jigsim di iga olo laŋa sqasai. Iga jejamu bunuj ti sqom.

Galesia 3:27

Niŋgi kalil yanso osib Kristus beteryejunub deqa niŋgi Kristus a gara bul jigsib unub.

Efesus 4:24

Osib dena niŋgi tamo uŋgasari bunuj soqniye. Qotei na niŋgi a bul sqa marsiq deqa nuŋgo so bunuj gereiyetŋgej. Niŋgi qalie, tamo naŋgi so bunujq di unub qaji naŋgo kumbra tulaŋ bole tiŋtiŋo. Naŋgi Qotei aqa segi kumbra boleq di unub.

Uli Anjam 16:15

Onaqa Yesus a marej, “Niŋgi quiye. E bajiŋ tamo bul niŋgi qa boqujatqai. Deqa tamo bei a ŋam sosim aqa gara tigsim sqas di a areboleboleiyqas. Di kiyaqa? A yosi laqasai. Deqa tamo uŋgasari naŋgi aqa jemai unqasai.”

Uli Anjam 19:8

Qotei na a gara qat tulaŋ naimyo jigetqo. Gara di tulaŋ milalosiq suwaŋejunu.” Gara qat naimyo di agi kumbra bole tiŋtiŋ kalil Qotei aqa segi tamo uŋgasari naŋgi yeqnub qaji.

Uli Anjam 2:23

Aqa aŋgro naŋgi dego ñumit moreŋqab. Amqa tamo uŋgasari qure kalilq dia ijo ñam qa koroosib loueqnub qaji naŋgi qalieqab, e tamo kalil naŋgo are miligi ti areqalo ti geregere unsim peleiyeqnum. Deqa niŋgi quiye. E na nuŋgo kumbra kalil geregere keretosiy nuŋgo awai dego segi segi eŋgwai.

Uli Anjam 3:18

Deqa e ni endegsi mermqai. Ni ijoq dena gol ŋamyuo na yusiq milalej qaji di awaiyosim dena ni laŋ qure qa ñoro koba ti sqam. Gara qat dego awaiyosim jugwam dena ino jejamu kabutim tamo bei na ino yosi unqasai. Amqa ni jemaimqasai. Goreŋ dego awaiyosim dena ino ŋamdamu piyim ŋam poimqas.