Matyu 21:28 - Yesus Aqa Anjam Bole

²⁸ Yesus a na atra tamo kokba ti Israel naŋgo tamo bole bole ti naŋgi degsi minjrsiq koboonaqa olo yawo anjam bei endegsi minjrej, “Niŋgi kiersib are qalonub? Tamo bei aqa ŋiri aiyel soqneb. Bati bei a gilsiqa aqa ŋiri matu minjej, ‘O ijo aŋgro, ni gilsim ijo iŋgi wauq di wauame.’

Matyu 21:28 ပူးပေါင်းရင်းမြစ်များ

Matyu 17:25

Onaqa Pita na minjrej, “Od, a ateqnu.” Osiqa tal gogetosiqa anjam di Yesus minjqa laqnaqa Yesus a nami qalieosiq deqa minjoqujatej, “O Saimon, ni kiersi are qalonum? Mandam endeqaji mandor kokba naŋgi yai naŋgoq dena takis eleŋeqnub? Naŋgo segi aŋgro naŋgoq dena eqnub kio tamo laŋaj naŋgoq dena eqnub kio?”

Matyu 20:1

Osiqa Yesus a olo anjam endegsi minjrej, “Qotei laŋ qureq di unu qaji a tamo uŋgasari naŋgo Mandor Koba sosiq naŋgi taqatnjreqnu. Kumbra di wau lanja a nobqolo tigelosiqa gilsiq tamo qudei naŋgi aqa iŋgi wauq di wauetqajqa minjrej dego kere.

Matyu 21:27

Naŋgi degsib marsib deqa olo Yesus minjeb, “Yai na kio Jon qariŋyej di iga qaliesai.” Onaqa Yesus na kamba minjrej, “Niŋgi degsi merbonub deqa e dego yai na qariŋbonaq bosim wau endi yeqnum di niŋgi merŋgwasai.”

Matyu 21:29

Onaqa aqa ŋiri matu na minjej, ‘Sai. E wauqa uratonum.’ Degsi aqa abu saidyosiqa olo areqalo bei osiqa gilsiq wauetej.

Matyu 21:33

Yesus a na naŋgi degsi minjrsiqa olo endegsi minjrej, “E niŋgi yawo anjam bei merŋgitqa niŋgi quiye. Tamo bei a tigelosiqa aqa wauq gilej. Gilsiqa wain sil yageleŋosiqa jeŋ qosej. Qoso koboonaqa meniŋ qura gogeq di tabir kuru bul gereiyej. Wain sil geitimqa wain gei koroiyosib paraparayosib aqa ya di bilentqajqa deqa gereiyej. Osiqa wauq di tal atsiqa wau taqato tamo qudei naŋgo baŋq di aqa wau uratetnjrsiqa sawa isaq gilsiq di soqnej.

Matyu 22:17

Deqa ni iga merge. Iga Sisar takis yqom e? Yqasai e? Ni kiersi are qalonum?”

Mak 13:34

Niŋgi ijo anjam endi poiŋgwajqa deqa yawo anjam bei endegsi merŋgwai. Tamo kobaquja bei a sawa isaq gilqa osimqa aqa wau tamo naŋgo baŋq di aqa tal ti iŋgi iŋgi ti uratetnjrsimqa naŋgi wau segi segi enjrqas. Osim aqa wau tamo bei minjqas, ‘Ni siraŋmeq di tigelesosim geregere ŋam atoqne.’

Luk 13:4

Jerusalem dia tal olekoba aqa ñam Siloam di puosiqa tamo 18-pela naŋgi ñumnaq moreŋeb. Deqa niŋgi kiersib are qalonub? Tamo 18-pela moreŋeb qaji naŋgi Qotei aqa ŋamdamuq di une kokba ti soqneb deqa kio naŋgi degsib moreŋeb? Ariya tamo uŋgasari kalil Jerusalem di unub qaji naŋgi une kiñilala ti unub deqa naŋgi moreŋosai. Niŋgi degsib are qalonub kio?

1 Korin 10:15

Niŋgi powo ti unub deqa e na anjam di niŋgi merŋgonum. Deqa niŋgi ijo anjam di qusib geregere peleiyiye.

1 Korin 15:58

Deqa ijo was bole, niŋgi siŋgila na soqniye. Sosib niŋgi Tamo Koba Yesus qa waukobaoqniye. Niŋgi wau di urataib. Niŋgi qalie, niŋgi Tamo Koba Yesus aqa wau ojeqnub di uloŋqa keresai. Deqa niŋgi gaigai Tamo Koba Yesus aqa wau siŋgila na yoqniye.