Matyu 21:19 - Yesus Aqa Anjam Bole

¹⁹ Mamyonaqa ŋam atsiqa qura baŋga ti gam qalaq di tigelesonaq unsiqa aqa gei unqajqa utruq gilej. Gilsiq unej qura gei bei saiqoji. Baŋga segi sonab unej. Unsiqa qura di minjej, “Ni olo bunu geitqasai.” Degsi minjnaqa bati qujai deqa qura di utru ti kalil laosiq moiej.

Matyu 21:19 ပူးပေါင်းရင်းမြစ်များ

Matyu 21:20

Onaqa Yesus aqa aŋgro naŋgi aqa kumbra di unsibqa naŋgi tulaŋ prugeleŋosib Yesus nenemyeb, “Qura di kiersi urur laosiq moiqo?”

Mak 11:14

Unsiqa qura di minjej, “Ni olo bunu geitqasai. Tamo bei a bosim ino gei bei oqasai.” Degsi minjnaqa aqa aŋgro naŋgi queb.

Mak 11:20

Nebeonaqa naŋgi olo tigelosib gam dauryosib giloqnsib qura di olo uneb utru ti kalil laosiq moiej.

Luk 3:9

Tapor qalat agi Qotei na ojsiqa ŋam utruq di qomqajqa ojsiqa tigelejunu. Deqa ŋam kalil gei boletosaieqnub qaji di Qotei na tapor dena qomeleŋosim ŋamyuoq di breinjrqas.”

Jon 15:2

Ijo dani qudei naŋgi gei bole atqasai di ijo Abu na naŋgi giŋgeŋnjrsim taqal breinjrqas. Ijo dani gei bole ateleŋeqnub qaji di ijo Abu na gereinjreqnaqa naŋgi olo gei koba ateleŋeqnub.

Jon 15:6

Tamo bei a e beterbqasai di a ŋam dani bul giŋgeŋyosib taqal breiyib kaŋgraŋamqa koroiyosib ŋamyuoq di breiyib yugwas.

2 Timoti 3:5

Naŋgi laŋa babaŋ na Qotei aqa kumbra dauryobulosib sqab. Qotei aqa kumbra bole di siŋgila ti unu. Ariya siŋgila di naŋgi poinjrqasai. O Timoti, ni na tamo naŋgi deqaji beternjraim. Torei uratnjrsim isaq gile.

Taitus 1:16

Naŋgi segi mareqnub, “Iga Qotei qa qalie bole.” Di gisaŋ. Naŋgi kumbra uge uge yeqnub dena iga poigeqnu, naŋgi Qotei qoreiyeqnub. Deqa Qotei a na naŋgi uratnjreqnu. Naŋgi Qotei aqa anjam gotraŋyeqnub qaji tamo. Naŋgi kumbra bole bei dauryqa keresai.

Jut 1:12

Bati gaigai niŋgi nuŋgo iŋgi goioq di awooqnsib Qotei aqa qalaqalaiyo kumbra dauryeqnab tamo uge naŋgi di uli na boqnsib nuŋgo ambleq di kumbra tulaŋ jigat yeqnub. Naŋgi kumbra di yqajqa jemainjrosaieqnu. Naŋgi naŋgo segi jejamu qa are qaleqnub. Jagwa na awa puyeqnaqa urur koboeqnu dego kere tamo naŋgi di kumbra bole bei babtosaieqnub. Qura geitqa batieqnaqa a geitosaieqnu dego kere tamo uge naŋgi di kumbra bole bei babtosaieqnub. Iga ŋamtaŋ moio otoroqnsim taqal breinjreqnum dego kere tamo naŋgi di Qotei na osim sawa ugeq breinjrqas. Deqa mondoŋ naŋgi moiougetosib torei padalqab.

Uli Anjam 22:11

Bati jojomqo deqa uŋgum. Tamo uŋgasari kumbra uge uge yeqnub qaji naŋgi olo kumbra uge uge yoqnebe. Tamo uŋgasari kumbra jigat yeqnub qaji naŋgi olo kumbra jigat yoqnebe. Tamo uŋgasari kumbra bole bole yeqnub qaji naŋgi olo kumbra bole bole yoqnebe. Tamo uŋgasari Qotei na aqa segi kumbra boleq di sqajqa giltnjrej qaji naŋgi olo aqa kumbra bole di yoqnebe.”