Matyu 20:30 - Yesus Aqa Anjam Bole

³⁰ Aieqnabqa tamo aiyel ŋamdamu geteŋnjro qaji naŋgi gam qalaq di awesosibqa anjam endegsib queb, “Yesus a beqnu.” Naŋgi degsib qusibqa tulaŋ koba leleŋosib mareb, “O Tamo Koba, Devit aqa Ŋiri, ni aqo aiyel qa are ugeimeme.”

Matyu 20:30 ပူးပေါင်းရင်းမြစ်များ

Matyu 13:4

Breiynaqa saga yago qudei gam qalaq aieleŋeb. Onaqa qebari naŋgi bosib uyekriteb.

Matyu 15:22

Gilsiq di sonaqa Kenan qaji uŋa bei a sawa dia soqnej. Sosiqa a Yesus aqa areq bosiqa siŋgila na pailyosiq minjej, “O Tamo Koba, Devit aqa Ŋiri, ni e qa are ugeimeme. Mondor uge na ijo aŋgro sebiŋ a tulaŋ ugeugeiyoqnsiq jaqatiŋ koba yeqnu.”

Matyu 20:31

Onaqa tamo uŋgasari gargekoba Yesus dauryosib aioqneb qaji naŋgi na naŋgi aiyel ŋiriŋtnjrsib minjreb, “Niŋgi leleŋkobaaib. Kirioiye.” Degsib minjrnabqa naŋgi aiyel kiriosai. Naŋgi olo tulaŋ koba leleŋosib Yesus minjoqneb, “O Tamo Koba, Devit aqa Ŋiri, ni aqo aiyel qa are ugeimeme.”

Matyu 21:14

Yesus a atra tal miligiq di sonaqa tamo ŋam qandimnjro qaji ti tamo siŋga qandamnjro qaji ti naŋgi aqa areq beqnabqa a na naŋgi kalil boletnjroqnej.

Matyu 21:9

Onaqa Yesus a donki quraq di awoosiq walweleqnaqa tamo uŋgasari namooqneb qaji naŋgi ti bunuoqneb qaji naŋgi ti tulaŋ koba leleŋoqnsibqa maroqneb, “O Devit aqa Ŋiri, iga ni qa tulaŋ areboleboleigwo. Ni Tamo Koba Qotei aqa ñam na bonum deqa a na ni tulaŋ geregereimoqnqas. Deqa iga Qotei laŋ goge di unu qaji aqa ñam soqtoqnqom.” Tamo uŋgasari naŋgi degoqnsib leleŋ ti Yesus dauryoqneb.

Matyu 22:42

“Niŋgi Kristus qa kiersib are qalonub? A yai aqa ŋiri?” Onaqa naŋgi na kamba minjeb, “Kristus a Devit aqa ŋiri.”

Mak 10:46

Yesus a na aqa aŋgro naŋgi anjam degsi minjrsiq koboonaqa naŋgi joqsiqa koba na walwelosib aisib Jeriko qureq di branteb. Brantosib Jeriko qure ambleq na walwelosib olo Jeriko qure uratosib aieqnabqa tamo uŋgasari tulaŋ gargekoba naŋgi Yesus dauryosib koba na aioqneb. Aieqnabqa tamo bei ŋamdamu geteŋo aqa ñam Bartimeus a gam qalaq di awesosiqa tamo uŋgasari naŋgi silali qa ŋilnjroqnej. Bartimeus a Timeus aqa ŋiri.

Luk 4:18

“Tamo Koba Qotei na e giltbej deqa aqa Mondor ijoq di unu. A na e giltbosiqa endegsi merbej, ‘Ni na tamo uge uge naŋgi ijo anjam bole plaltosim minjroqne.’ Agi Qotei na e qariŋbonaq mandamq aiem deqa e na tamo uŋgasari naŋgo segi une na siŋgila na ojejunu qaji naŋgi Qotei aqa anjam bole minjroqnitqa naŋgo une uratoqnqab. E na tamo ŋam qandimo unub qaji naŋgi boletnjroqnitqa naŋgi olo ŋamdamu poinjroqnqas. Tamo naŋgi naŋgo jeu tamo na ugeugeinjreqnub qaji naŋgi aqaryainjroqnitqa naŋgo gulube kobooqnqas.

Luk 7:21

Bati deqa Yesus a na tamo uŋgasari tulaŋ gargekoba ma utru segi segi so qaji naŋgi ti tamo naŋgo jejamu mondor uge uge na ojeleŋo qaji naŋgi ti boletnjroqnej. Tamo ŋam qandimo gargekoba dego boletnjreqnaqa ŋam poinjroqnej.

Aposel 2:30

Nami Qotei na Devit minjej, ‘Mondoŋ ino leŋ naŋgi paraosibqa dena tamo bei ŋambabqas. Amqa e na tamo di giltitqa ni mandor koba unum dego kere a kamba ino sawa osim Mandor Koba sqas.’ Qotei na nami Devit anjam degsi minjej. Osiqa aqa anjam di siŋgilatosiqa olo minjej, ‘E ijo anjam di uratqasai. E dauryqai.’ Devit a Qotei aqa medabu o qaji tamo bole. Deqa kumbra Qotei na mondoŋ yqas qaji di Devit a nami qalieej. Osiqa Kristus qa endegsi marej, ‘Bunuqna a subq na tigelqas.’ Osiqa marej, ‘Qotei na Kristus moio qureq di uratqasai. Aqa jejamu dego subq di uratim qusaqasai.’