Matyu 20:27 - Yesus Aqa Anjam Bole

²⁷ Nuŋgo ambleq di aŋgro bei a tamo kobaquja sqa marsimqa a mati nuŋgo wau tamo sosimqa niŋgi kaŋgalŋgoqnem. Osimqa a tamo kobaqujaqas.

Matyu 20:27 ပူးပေါင်းရင်းမြစ်များ

Matyu 18:4

Tamo bei na aqa segi ñam aguq atsim aŋgro kiñala endego bulqas di mondoŋ Qotei laŋ qureq di unu qaji a na tamo di aqa ñam olo soqtetimqa a na tamo kalil naŋgi buŋnjrsim tamo ñam ti tigelqas.

Matyu 20:26

Ariya kumbra di nuŋgoq di saiq. Nuŋgo ambleq di aŋgro bei a ñam ti tigelqa marsimqa a mati nuŋgo wau tamo soqnem. Osim a ñam ti tigelqas.

Matyu 20:28

E Tamo Aŋgro. Niŋgi ijo kumbra qalieosib degsib dauryoqniye. Tamo naŋgi na e aqaryaibosib wauetbqajqa e deqa bosai. E na tamo naŋgi wauetnjrqa bem. E na tamo uŋgasari gargekoba naŋgi aqaryainjrsiy ijo segi ŋambile uratosiy naŋgi eleŋqai. E deqa bem.”

Luk 22:26

Ariya niŋgi kumbra degyaib. Nuŋgo ambleq di aŋgro bei a ñam ti tigelqa marsimqa a mati aŋgro kiñala bulem. Osimqa a ñam ti tigelqas. Nuŋgo ambleq di aŋgro bei a tamo kobaquja tigelqa osimqa a mati nuŋgo kaŋgal tamo soqnem. Osimqa a tamo kobaqujaqas.

Rom 1:14

E na Grik tamo naŋgi ti yauŋ tamo naŋgi ti powo tamo ti nanari tamo naŋgi ti Yesus aqa anjam minjroqnit quqwajqa deqa Qotei na e wau ebej.

2 Korin 11:5

Niŋgi are qaleb, “Tamo naŋgi di Qotei na bole qariŋnjrej.” Sai. Niŋgi quiye. Tamo naŋgi dena e buŋbosai. Tamo naŋgi di ñam ti unub ariya e dego ñam ti unum.

2 Korin 12:15

E na ijo iŋgi iŋgi kalil ti ijo jejamu dego niŋgi torei eŋgwajqa areboleboleibqo. E niŋgi tulaŋ qalaqalaiŋgeqnum. Ariya kiyaqa niŋgi kamba olo e kiñala segi qalaqalaibeqnub?

2 Korin 4:5

Niŋgi quiye. Iga gago segi kumbra qa marosaieqnum. Iga endegsi mareqnum, “Kristus Yesus a gago Tamo Koba. Iga Yesus aqa anjam dauryeqnum deqa iga nuŋgo wau tamo unum.” Iga degsi segi mareqnum.