Matyu 20:21 - Yesus Aqa Anjam Bole

²¹ Onaqa Yesus na kamba minjej, “Ni iŋgi kie qa merbqam?” Onaqa a na Yesus minjej, “Mondoŋ ni gago Mandor Koba sosimqa bati deqa ni marimqa ijo aŋgro aiyel endi naŋgi ino baŋ woq di ino baŋ qonaŋq di awoqab.”

Matyu 20:21 ပူးပေါင်းရင်းမြစ်များ

Matyu 18:1

Bati deqa Yesus aqa aŋgro naŋgi aqa areq bosib nenemyeb, “O Tamo Koba, mondoŋ Qotei na aqa segi tamo uŋgasari naŋgi taqatnjrsim naŋgo Mandor Koba soqnimqa bati deqa tamo yai a segi qujai tamo kalil buŋnjrsimqa tamo ñam ti tigelqas?”

Matyu 19:28

Onaqa Yesus na minjrej, “Niŋgi quiye. E bole merŋgwai. Mondoŋ Qotei a laŋ bunuj ti mandam bunuj ti atimqa bati deqa e Tamo Aŋgro ñam kobaquja osiy ijo segi awo jaram kobaq di awesqai. Sosiyqa niŋgi tamo uŋgasari e daurbeqnub qaji metŋgitqa niŋgi dego awo jaram kokba 12-pelaq di awoeleŋqab. Awoeleŋosib Israel naŋgo moma 12-pela naŋgo leŋ kalil naŋgi taqatnjroqnqab.

Matyu 20:22

Onaqa Yesus na kamba naŋgi aiyel minjrej, “Anjam niŋgi merbonub di aqa utru niŋgi geregere poiŋgosai. E jaqatiŋ koba oqai. Jaqatiŋ di ya uge uyo bul. Jaqatiŋ e oqai di niŋgi aiyel dego oqa kere e?” Onaqa naŋgi na minjeb, “Od, aqo aiyel oqa kere.”

Matyu 20:32

Onaqa Yesus a tigelosiqa naŋgi aiyel metnjrnaqa aqa areq bonabqa minjrej, “E niŋgi aiyel kierŋgwajqa deqa niŋgi e qa leleŋoqnab?”

Mak 10:51

Bonaqa Yesus na nenemyej, “E ni kiermqajqa deqa ni e qa leleŋoqnam?” Onaqa minjej, “O Tamo Koba, e olo ŋam poibim sawa unqajqa deqa e ni qa leleŋoqnam.”

Mak 16:19

Tamo Koba Yesus a na aqa aŋgro naŋgi anjam degsi minjrnaqa Qotei na laŋ qureq osi oqnaqa aqa baŋ woq di awoej.

Mak 6:22

Koroosib iŋgi uyeqnabqa Herot aqa ŋauqali aqa asi a warum miligiq bosiqa naŋgi lou tuetnjroqnej. Onaqa naŋgi a unsibqa tulaŋ areboleboleinjrej. Deqa Herot na aŋgro sebiŋ di minjej, “Ni ijo iŋgi kie oqajqa merbqam emqai.”

Luk 18:41

“E ni kiermqajqa deqa ni e qa leleŋoqnam?” Onaqa minjej, “O Tamo Koba, e olo ŋam poibim sawa unqajqa deqa e ni qa leleŋoqnam.”

Luk 19:11

Onaqa tamo uŋgasari naŋgi Yesus aqa anjam di qusibqa are qaleb, “Bini Qotei a gago Mandor Koba sosim iga taqatgwajqa bati brantqo kio?”

Luk 22:24

Ariya naŋgi segi segi ŋiriŋosib anjam na qotoqneb. Osib maroqneb, “Gago ambleq endena Yesus aqa aŋgro yai a ñam ti tigelqas?”

Jon 15:7

“Niŋgi e beterbesosib ijo anjam nuŋgoq di soqnimqa niŋgi iŋgi bei qa osib Qotei pailyqab di a na iŋgi di eŋgwas.

Aposel 1:6

Onaqa bati bei Yesus na aqa aŋgro naŋgi olo koroinjrnaqa naŋgi na endegsib nenemyeb, “O Tamo Koba, bini bati endeqa kio ni na Rom naŋgo siŋgila kobotosim iga Israel tamo uŋgasari siŋgila egimqa iga na kamba mandam endi taqatqom?”

Rom 12:10

Niŋgi gaigai Qotei aqa segi tamo uŋgasari naŋgi nuŋgo was tiŋtiŋ edegosib naŋgi qalaqalainjroqniye. Niŋgi nuŋgo segi ñam tentoqnsib Kristen was naŋgo ñam olo soqtoqniye.

Rom 8:34

Deqa tamo yai na iga gago une aqa awai uge olo oqa mergwas? Tamo dego bei sosai. Kristus Yesus a moisiq olo subq na tigelej. Deqa bini a Qotei aqa baŋ woq di awejunu. Awesosiqa iga qa Qotei pailyeqnu.

Kolosi 3:1

O was qu, Qotei a niŋgi Kristus koba na subq na tigeltŋgej. Deqa niŋgi laŋ goge qaji iŋgi iŋgi oqajqa deqa wauoqniye. Kristus agi laŋ goge oqsiq Qotei aqa baŋ woq di awejunu.