Matyu 20:18 - Yesus Aqa Anjam Bole

¹⁸ “Niŋgi quiye. Iga Jerusalem aieqnum. E Tamo Aŋgro deqa Jerusalem dia jeu tamo naŋgi na e osib atra tamo kokba ti dal anjam qalie tamo ti naŋgo baŋq di e atqab. Yimqa naŋgi na e ojsib ijo jejamu laŋa gisaŋyosib merbqab, ‘Ni une ti. Deqa ni moiqam.’

Matyu 20:18 ပူးပေါင်းရင်းမြစ်များ

Matyu 10:4

Bei Saimon agi Rom naŋgi winjrqajqa maroqnej qaji. Ariya bei Judas Iskariot agi Yesus osiqa jeu tamo naŋgo baŋq di atej qaji a di. Yesus aqa aŋgro 12-pela naŋgo ñam agide.

Matyu 16:21

Bati deqa Yesus na aqa aŋgro naŋgi endegsi minjrej, “E Jerusalem aieqnum. Dia Juda tamo kokba ti atra tamo kokba ti dal anjam qalie tamo naŋgi ti e jaqatiŋ koba ebsib lubsib moiotbqab. Bati qalub koboamqa e olo subq na tigelqai.” Yesus a anjam di ubtsiq minjrej.

Matyu 26:2

“Niŋgi qalie, Juda naŋgo yori bati koba jojomqo. Bati aiyel unu. Qotei a nami Israel naŋgi Isip sawaq dia padalqa laqnabqa eleŋosiq aqaryainjrej. Iga deqa olo are qalqajqa bati agi jojomqo. Deqa yori bati di brantimqa Juda gate kokba naŋgi na e Tamo Aŋgro ojsib jeu tamo naŋgo baŋq di e atibqa naŋgi na e ŋamburbasq di lubib moiqai.” Yesus a na aqa aŋgro naŋgi degsi minjrej.

Matyu 26:66

Deqa niŋgi kiersib marqab?” Onaqa naŋgi kalil mareb, “A bole une ti. Deqa qalib moiem.”

Matyu 27:1

Onaqa nobqolo malu qameqnaq atra tamo kokba ti Juda gate kokba ti naŋgi kalil koroesosibqa Yesus qalib moiqajqa anjam keretoqneb. Anjam kereonaq naŋgi Yesus aqa baŋ tontetosib osi gilsib Rom naŋgo Tamo Koba Pailat aqa baŋq di ateb.

Luk 22:71

Onaqa naŋgi Yesus aqa anjam di qusib tulaŋ minjiŋ oqetnjrnaqa segi segi maroqneb, “Aqa une agi a segi babtqo iga quonum. Deqa kiyaqa tamo bei olo metonam bosim aqa une marqas?”

Aposel 2:23

Qotei na tamo di osiq nuŋgo baŋq di atej. A nami kumbra degyqa are qalsiq deqa anjam keretej. Onaqa niŋgi na Yesus osib tamo uge naŋgo baŋq di atnabqa naŋgi na osib ŋamburbasq di qalnab moiej. Nuŋgo kumbra dena niŋgi segi na Yesus qalsib moioteb.