Matyu 2:2 - Yesus Aqa Anjam Bole

² “Juda naŋgo mandor koba ŋambabqo qaji a qabi unu? Iga seŋ oqo sawaq dia aqa bongar unsimqa dauryosim bonum. Iga a qa louqajqa deqa bonum.”

Matyu 2:2 ပူးပေါင်းရင်းမြစ်များ

Matyu 2:3

Onaqa Mandor Koba Herot a naŋgo anjam di qusiqa a are koba qaloqnej. Tamo uŋgasari kalil Jerusalem qureq di soqneb qaji naŋgi dego naŋgo anjam di qusib are koba qaloqneb.

Matyu 21:5

“Niŋgi na nuŋgo medabu waqtosib Saion qure qaji naŋgi endegsib minjriye, ‘Niŋgi uniye. Nuŋgo Mandor Koba a nuŋgoq beqnu. A are lawo na beqnu. A areqalo minjiŋ saiqoji. Deqa a donki du quraq di awoosiq beqnu.’”

Matyu 27:11

Onaqa naŋgi Yesus osib Pailat aqa ulatamuq dia tigeltonabqa Pailat na nenemyej, “Ni Juda naŋgo Mandor Koba e?” Onaqa Yesus na minjej, “Od. Anjam agi ni na maronum di kere.”

Luk 19:38

“Tamo a bqo endi Tamo Koba Qotei aqa ñam na bqo. A gago Mandor Koba. Deqa Qotei na a tulaŋ geregereiyoqnqas. Deqa iga Qotei laŋ qureq di unu qaji aqa ñam soqtoqnqom! A na gago are latetgeqnu.” Yesus aqa aŋgro naŋgi degoqnsib leleŋ ti Yesus dauryoqneb.

Luk 2:11

Anjam bole agiende. Bini Qotei na aqa segi Ŋiri qariŋyqoqa Devit aqa qure utruq dia ŋambabqo. A gago Tamo Koba Kristus. A na qujai tamo uŋgasari naŋgi eleŋamqa naŋgi ŋambile gaigai sqab. Naŋgi padalqasai.

Luk 23:3

Onaqa Pailat a naŋgo anjam di qusiqa Yesus nenemyej, “Ni Juda naŋgo Mandor Koba e?” Onaqa Yesus na minjej, “Od. Anjam agi ni na maronum di kere.”

Luk 23:38

Onaqa qaja tamo naŋgi ŋam sarqei bei osib quraq di anjam endegsib neŋgreŋyeb, “Tamo endi a Juda naŋgo Mandor Koba.” Degsib neŋgreŋyosib ŋam sarqei di osib Yesus aqa ŋamburbas mutu gogeq di qameb.

Jon 1:49

Onaqa Nataniel a Yesus aqa anjam di qusiqa minjej, “O Qalie Tamo Koba, ni degsi maronum deqa e poibqo, ni Qotei aqa Ŋiri. Ni Israel naŋgo Mandor Koba.”

Jon 12:13

Naŋgi degsi qusib deqa naŋgi tuwom baŋga eleŋosib Yesus gamq di turqajqa aieb. Aisib Yesus beqnaqa gamq di turosibqa tulaŋ koba leleŋosib endegsib minjeb, “Iga Qotei qa tulaŋ areboleboleigwo. Tamo a bqo endi Tamo Koba Qotei aqa ñam na bqo. Deqa Qotei na a tulaŋ gereiyeme. A Israel naŋgo Mandor Koba.”

Jon 18:37

Onaqa Pailat na olo Yesus nenemyej, “Ni bole mandor e?” Onaqa Yesus na minjej, “Od, ni kere merbonum. E mandor. E anjam bole ubtqajqa deqa mandamq aisim ŋambabem. Tamo kalil anjam bole dauryeqnub qaji naŋgi ijo anjam queqnub.”

Jon 19:19

Onaqa Pailat a ŋam sarqei bei osiqa quraq di anjam endegsi neŋgreŋyej, “Yesus Nasaret qaji a Juda naŋgo Mandor Koba.” Degsi neŋgreŋyosiq ŋam sarqei di osi gilsiqa qaja tamo naŋgi enjrnaqa naŋgi na osib Yesus aqa ŋamburbas mutu gogeq di qameb.

Jon 20:28

Onaqa Tomas a na Yesus minjej, “O Yesus, endego e poibqo, ni ijo Tamo Koba. Ni ijo Qotei dego.”

Jon 5:23

E wau di yeqnum deqa tamo kalil naŋgi ijo Abu aqa ñam soqteqnub dego kere naŋgi ijo ñam dego soqtetboqnqab. Di kiyaqa? E Qotei aqa Ŋiri deqa. Tamo naŋgi ijo ñam soqtosaieqnub qaji naŋgi ijo Abu e qariŋbej qaji aqa ñam dego soqtosaieqnub.

Jon 9:38

Onaqa a na Yesus minjej, “O Tamo Koba, e ni qa ijo areqalo siŋgilatonum.” A degsi Yesus minjsiqa aqa areq di siŋga pulutosiqa a biŋiyej.

Hibru 1:6

Nami Qotei na aqa Ŋiri matu Yesus qariŋyim mandamq aiqa osiqa a qa olo anjam bei endegsi marej, “Ijo laŋ aŋgro kalil naŋgi a qa louoqnqab.”

Uli Anjam 22:16

E Yesus. E na ijo laŋ aŋgro qariŋyo-numqa niŋgi e qa loueqnub qaji niŋgi qa aisiq anjam endi palontosiq merŋgwo. E Mandor Koba Devit aqa leŋq dena ŋambabem qaji. E Devit aqa Aŋgro. Nebeqa laqnaqa burbas bunuj oqeqnu dego kere e minjaleqnum.”