Matyu 2:17 - Yesus Aqa Anjam Bole

¹⁷ Herot a kumbra di yej deqa anjam bei Qotei aqa medabu o tamo Jeremaia nami marej qaji di aqa damu brantej. A endegsi marej,

Matyu 2:17 ပူးပေါင်းရင်းမြစ်များ

Matyu 2:15

Gilsib di sonabqa bunuqna Herot a moiej. Josep a kumbra di yej deqa anjam bei Tamo Koba Qotei aqa medabu o tamo bei nami marej qaji di aqa damu brantej. A endegsi marej, “Ijo aŋgro mel a Isip sawaq di soqnimqa e dena metit a Isip sawa uratosim ijoq olo bqas.”

Matyu 2:16

Ariya Herot a bongar sisiyo qaji tamo naŋgi qa tariŋonaq ugeiyej. Naŋgi a qa bosai. Deqa a qalieej, bongar sisiyo qaji tamo naŋgi a gisaŋyeb. A degsi qalieosiqa minjiŋ ani oqetonaqa aqa qaja tamo qudei naŋgi qariŋnjrnaqa naŋgi aisib Betlehem qureq dia aŋgro mel kiñilala wausau aiyel osaisoqneb qaji di unjrsib kalil ñumeleŋosib moiotnjreb. Qure kiñilala Betlehem jojomq di soqneb qaji dia dego aŋgro mel kiñilala wausau aiyel osaisoqneb qaji naŋgi kalil moiotnjreb. Nami Herot a bongar brantej qaji aqa bati di qalieqa osiqa bongar sisiyo qaji tamo naŋgi nenemnjrej. Di kiyaqa? A are qalej, a na aŋgro mel naŋgi bati deqa ŋambabeb qaji di moiotnjrqajqa deqa.

Matyu 2:18

“Rama qureq dia Resel a akamkobaoqnsiq pailoqnej. Aqa aŋgro kalil naŋgi ñumnab moreŋeb deqa akameqnaqa tamo uŋgasari naŋgi aqa are latetqa yeqnab a naŋgo anjam quqwa uratetnjroqnej. Di kiyaqa? Aqa aŋgro kalil naŋgi moreŋekriteb deqa.”

Matyu 27:9

Naŋgi degyeb deqa anjam bei Qotei aqa medabu o tamo Jeremaia a nami marej qaji di aqa damu brantej. A endegsi marej, “Israel tamo uŋgasari naŋgi Kristus aqa jejamu qalib moiqajqa aqa awai meniŋ silali 30 atqab. Amqa silali di osib web gereiyo qaji tamo bei aqa mandam taqal bei awaiyqab. Tamo Koba Qotei a na anjam degsi merbqo.” Jeremaia a nami degsi marej.