Matyu 19:21 - Yesus Aqa Anjam Bole

²¹ Onaqa Yesus na kamba minjej, “Ni Qotei aqa kumbra keretqa osimqa endegye. Ni gilsim ino iŋgi iŋgi kalil qariŋyosim silali osim tamo iŋgi iŋgi saiqoji unub qaji naŋgi jeisi enjre. Degsim enjrsim bosim e daurbe. Osim bunuqna ni laŋ qureq dia awai bole itqam.”

Matyu 19:21 ပူးပေါင်းရင်းမြစ်များ

Matyu 16:24

Osiqa aqa aŋgro kalil naŋgi endegsi minjrej, “Tamo bei na e daurbqa osimqa aqa segi areqalo kalil uratekritosim di aqa segi ŋamburbas qoboiyosim e daurbem.

Matyu 19:20

Onaqa aŋgro wala dena olo minjej, “E dal anjam di kalil nami dauryosim boqnem agi bini degsi unum. E Qotei aqa kumbra kie keretosaiunum?”

Matyu 19:22

Yesus a na tamo di degsi minjnaq qusiqa aqa iŋgi iŋgi kalil qa are tulaŋ gulubeiyej. A iŋgi iŋgi koba ti soqnej deqa ulatamu ugeiyonaqa ulaŋej.

Matyu 19:28

Onaqa Yesus na minjrej, “Niŋgi quiye. E bole merŋgwai. Mondoŋ Qotei a laŋ bunuj ti mandam bunuj ti atimqa bati deqa e Tamo Aŋgro ñam kobaquja osiy ijo segi awo jaram kobaq di awesqai. Sosiyqa niŋgi tamo uŋgasari e daurbeqnub qaji metŋgitqa niŋgi dego awo jaram kokba 12-pelaq di awoeleŋqab. Awoeleŋosib Israel naŋgo moma 12-pela naŋgo leŋ kalil naŋgi taqatnjroqnqab.

Matyu 4:19

“Niŋgi aiyel e daurbiye. Niŋgi qe o qaji tamo deqa niŋgi qe eqnub. Dego kere e wau eŋgitqa niŋgi degsib olo tamo oqnqab.”

Matyu 5:48

Nuŋgo Abu laŋ qureq di unu qaji a gaigai kumbra bole tiŋtiŋ keretsiq yeqnu dego kere niŋgi nuŋgo Abu aqa kumbra di dauryosib kumbra bole tiŋtiŋ keretsib yoqniye.”

Matyu 8:22

Onaqa Yesus na minjej, “Uŋgum. Tamo moio qaji naŋgi segi na tamo moio qaji naŋgi subq ateleŋoqnqab. Ariya ni bosim e daurbe.”

Matyu 9:9

Onaqa Yesus a dena walwelosiqa takis o qaji tamo bei aqa ñam Matyu a takis o qaji talq di awesonaq gilsiq itej. Osiqa minjej, “Ni e daurbe.” Degsi minjnaqa a tigelosiqa Yesus dauryej.

Mak 10:21

Onaqa Yesus a tamo di koqyosiqa qalaiyosiq minjej, “Ni dal anjam di kalil daurysim keretonum. Ariya kumbra qujai ni keretosai. Deqa e ni mermqai. Ni gilsim ino iŋgi iŋgi kalil qariŋyosim silali osim tamo iŋgi iŋgi saiqoji unub qaji naŋgi jeisi enjre. Degsim enjrsim bosim e daurbe. Yimqa bunuqna ni laŋ qureq dia awai bole itqam.”

Mak 2:14

Dena walwelosiq takis o qaji tamo bei aqa ñam Livai a takis o qaji talq di awesonaq gilsiq itej. A Alfias aqa ŋiri. A itosiqa minjej, “Ni e daurbe.” Degsi minjnaqa a tigelosiqa Yesus dauryej.

Mak 8:34

Osiqa tamo uŋgasari kalil naŋgi ti aqa segi aŋgro naŋgi ti metnjrnaqa aqa areq bonabqa minjrej, “Tamo bei na e daurbqa osimqa a aqa segi areqalo kalil uratosim bati gaigai aqa segi ŋamburbas qoboiyosim e daurboqnem.

Luk 12:33

Deqa niŋgi kumbra endegyiye. Niŋgi nuŋgo ñoro kalil qariŋyosib silali osib tamo iŋgi iŋgi saiqoji unub qaji naŋgi di jeisi enjriye. Osib silali jugwajqa quŋ ugeosaieqnu qaji di gereiyiye. Osib laŋ qure qa iŋgi iŋgi eleŋosib di jigeleŋoiye. Iŋgi iŋgi di koboqa keresai. Bajiŋ tamo naŋgi bosib oqasai. Sisimbiŋ na ugetqasai. Iŋgi iŋgi di gaigai sqas.

Luk 14:33

“Dego kere tamo bei na e daurbqa osimqa a mati aqa segi iŋgi iŋgi kalil uratosim di a e daurbqa kere. Aqa iŋgi iŋgi kalil uratqasai di a ijo aŋgro sqa keresai.”

Luk 16:9

“Deqa e niŋgi endegsi merŋgwai. Niŋgi mandam qa ñoro na tamo uŋgasari naŋgi aqaryainjroqnibqa naŋgi na niŋgi kadoiŋgwab. Osib bunuqna mandam qa ñoro kalil koboamqa naŋgi na niŋgi joqsib tal gaigai sqas qaji dia niŋgi geregereiŋgoqnqab.

Luk 18:22

Degsi minjnaqa qusiqa kamba minjej, “Ni dal anjam kalil dauryosim keretonum. Ariya kumbra qujai ni keretosai. Deqa e ni mermqai. Ni gilsim ino iŋgi iŋgi kalil qariŋyosim silali osim tamo iŋgi iŋgi saiqoji unub qaji naŋgi jeisi enjre. Degsim enjrsim bosim e daurbe. Osim bunuqna ni laŋ qureq dia awai bole itqam.”

Luk 5:27

Yesus a dena walwelosiqa takis o qaji tamo bei aqa ñam Livai a takis o talq di awesonaq gilsiq itej. Osiqa minjej, “Ni e daurbe.”

Luk 6:40

Aŋgro kiñala bei na aqa abu buŋyqa keresai. A kobaqujaosimqa di aqa abu ombla kerekereqab.

Luk 9:23

Osiqa aqa aŋgro kalil naŋgi endegsi minjrej, “Tamo bei na e daurbqa osimqa a aqa segi areqalo kalil uratekritosim bati gaigai aqa segi ŋamburbas qoboiyosim e daurboqnem.

Jon 10:27

Ijo kaja naŋgi ijo medabu queqnub. E naŋgi qa qalie. Naŋgi e daurbeqnub.

Jon 12:26

Tamo bei a ijo wau yqa osimqa a e daurbem. Yimqa qure e sqai qaji di ijo wau tamo a dego e ombla sqas. Tamo bei a ijo wau yoqnqas di ijo Abu na a ñam kobaquja yqas.”

Aposel 2:45

Naŋgo mandam ti naŋgo iŋgi iŋgi ti qariŋyeleŋeqnab tamo qudei naŋgi na awaiyoqnsib silali enjreqnab oqnsib Yesus aqa tamo uŋgasari iŋgi iŋgi saiqoji soqneb qaji naŋgi jeisib enjroqneb.

Hibru 10:34

Jeu tamo naŋgi dena nuŋgo ambleq na tamo qudei ojsibqa tonto talq di breiŋgonab sonabqa niŋgi na tonto tamo naŋgi deqa are qaloqnsib naŋgi geregereinjroqneb. Bati di jeu tamo naŋgi dena niŋgi qudei nuŋgo iŋgi iŋgi yaiŋgoqneb. Ariya niŋgi deqa are ugeiŋgosai. Niŋgi areboleboleiŋgej. Di kiyaqa? Niŋgi qalie, iŋgi di laŋa mandam qaji iŋgi. Ariya laŋ qure qaji iŋgi a bati gaigai sqas. Iŋgi di niŋgi oqsib oqab.