Matyu 19:11 - Yesus Aqa Anjam Bole

¹¹ Onaqa Yesus na kamba minjrej, “Nuŋgo anjam di tamo kalil naŋgi dauryqa keresai. Tamo qudei Qotei na siŋgila enjrqo qaji naŋgi segi anjam di dauryqa kere.

Matyu 19:11 ပူးပေါင်းရင်းမြစ်များ

Matyu 13:11

Onaqa Yesus na kamba minjrej, “Qotei a tamo uŋgasari naŋgo Mandor Koba sosiq naŋgi taqatnjreqnu. Anjam di aqa utru uliejunu. Di e na babtitqa ijo aŋgro niŋgi segi utru qalieqab. Ariya Qotei na tamo uŋgasari naŋgi di yawo anjam aqa utru osornjrqasai.

Matyu 19:10

Yesus a Farisi naŋgi anjam degsi minjrnaqa Yesus aqa aŋgro naŋgi anjam di qusib minjeb, “Tamo naŋgi kumbra degsib dauryosib uŋa ti sqab deqa uŋgum. Naŋgi uŋa aib. Naŋgi laŋa soqneb.”

Matyu 19:12

Ariya niŋgi quiye. Tamo qudei naŋgo jejamu bolesai. Naŋgi degsib ai miligiq na ŋambabeb. Deqa naŋgi uŋa oqa keresai. Tamo qudei naŋgi tamo qudei na welum etnjreb deqa naŋgi aŋgrotqa keresai. Deqa naŋgi dego uŋa oqa keresai. Naŋgi laŋa unub. Ariya tamo qudei naŋgi segi Qotei aqa wau ojqa marsibqa uŋa oqa urateqnub. Tamo qudei naŋgi kumbra di dauryqa kere deqa naŋgi kumbra degyeqnub.”

1 Korin 7:17

Gam Qotei na iga segi segi dauryqa marsiq giltgej qaji di iga dauryosim sqom. Iga nami gam kie dauryosim sonamqa Qotei na iga metgej degsim olo dauryosim sqom. Anjam di agi e na Kristen tamo uŋgasari sawa sawa kalilq dia koroosib loueqnub qaji naŋgi minjre minjre laqnum.

1 Korin 7:2

Ariya nuŋgo ambleq di sambala kumbra kobaaim deqa niŋgi segi segi uŋa oiye. Uŋa niŋgi dego segi segi tamo oiye.

1 Korin 7:35

E niŋgi aqaryaiŋgwa osim deqa anjam di niŋgi merŋgonum. E na niŋgi gulube eŋgwajqa deqa anjam di merŋgosai. Niŋgi kumbra bole dauryoqnsib gaigai Tamo Koba Yesus aqa wau ojsib sqajqa deqa osim anjam di niŋgi merŋgonum. Yim kumbra bei na niŋgi titŋgim niŋgi olo areqalo bei bei o uge.