Matyu 18:33 - Yesus Aqa Anjam Bole

³³ E ni qa are ugeibqoqa silali di kobotonum. Ariya kiyaqa ni olo gilsim ino wau qujai a qa are ugeimosaiqoqa silali a na nami yaimej qaji di ni kobotosai?’

Matyu 18:33 ပူးပေါင်းရင်းမြစ်များ

Matyu 18:32

Minjnab qusiqa kaŋgal tamo di metonaq bonaqa minjej, ‘Ni kaŋgal tamo uge. Ni e pailbonumqa silali ni nami yaibem qaji di e na kobotonum.

Matyu 18:34

Degsi minjsiqa a qa tulaŋ minjiŋ oqetonaqa osiq qaja tamo naŋgo baŋq di atsiqa minjrej, ‘Niŋgi a wau koba yibqa a jaqatiŋ ti wauosim gilsim gilsim silali kalil nami yaibej qaji di kamba ebekritimqa niŋgi a olo uratib gilqas.’

Matyu 5:7

“Tamo uŋgasari qudei naŋgi tamo uŋgasari naŋgi qa duleqnub. Tamo uŋgasari naŋgi di tulaŋ areboleboleinjreme. Di kiyaqa? Qotei a kamba naŋgi qa olo duloqnqas.

Matyu 6:12

Tamo naŋgi iga qa une ateqnub qaji naŋgo une kalil iga na kobotetnjreqnum. Deqa ni na gago une kalil dego olo kobotetgime.

Efesus 4:32

Osib nuŋgo Kristen was naŋgi kumbra bole bole enjroqnsib naŋgi qalaqalainjroqnsib naŋgo une kobotetnjroqniye. Qotei a Kristus aqa ñam na nuŋgo une kalil kobotetŋgej deqa niŋgi na kamba olo nuŋgo was naŋgo une dego kobotetnjroqniye.

Kolosi 3:13

Kristen tamo bei na niŋgi gulube eŋgimqa uŋgum gulube di qoboiyosib aqa une kobotetiye. Tamo Koba Kristus a na nuŋgo une kobotetŋgej deqa niŋgi dego degyiye.