Matyu 18:31 - Yesus Aqa Anjam Bole

³¹ “A kumbra degyonaqa aqa wau qujai naŋgi unsibqa are ugeinjrnaqa gilsib naŋgo tamo kobaquja deqa saiyosib minjeb.

Matyu 18:31 ပူးပေါင်းရင်းမြစ်များ

Matyu 14:9

Onaqa Herot a aŋgro sebiŋ aqa anjam di qusiqa a Jon qalim moiqajqa are sosai deqa a are tulaŋ gulubekobaiyej. Aqa segi anjam tamo kalil naŋgo ulatamuq dia marsiq siŋgilatej qaji deqa ti are qalsiq are gulubekobaiyej. Aqa anjam di olo beltosim anjam bei marqas di a jemaiyqas.

Matyu 18:28

“Ariya kaŋgal tamo di a gilsiqa kaŋgal tamo bei ombla wauo qaji a itosiqa ojsiq kakoro apiyetosiq minjej, ‘Ni nami 10 kina yaibem qaji di kamba olo ebe.’

Matyu 18:30

Degsi minjnaqa a aqa anjam di quetqa uratosiqa a osi gilsiqa tonto talq waiyosiq minjej, ‘Ni tonto talq di soqne. Bunuqna ni silali 10 kina nami yaibem qaji di kamba ebekritimqa di e ni olo uratmit oqedqam.’

Matyu 18:32

Minjnab qusiqa kaŋgal tamo di metonaq bonaqa minjej, ‘Ni kaŋgal tamo uge. Ni e pailbonumqa silali ni nami yaibem qaji di e na kobotonum.

Mak 3:5

Onaqa Yesus a naŋgi koqnjrej. Naŋgi Yesus aqa anjam quqwajqa are sosai deqa a naŋgi qa are minjiŋ oqej. Osiqa tamo baŋ qandamyej qaji di minjej, “Ni ino baŋ waiy.” Degsi minjnaqa aqa baŋ waiyonaq boleej.

Luk 14:21

“Naŋgi degsi marnabqa kaŋgal tamo a olo puluosiq gilsiq anjam kalil naŋgi na minjeb qaji di goio lanja minjnaqa a minjiŋ oqetonaqa olo qariŋyosiqa minjej, ‘Ni urur aisimqa gam kokbaq dia gam kiñilalaq dia tamo iŋgi iŋgi saiqoji unub qaji naŋgi ti tamo jejamu lainjro qaji naŋgi ti tamo ŋam qandimnjro qaji naŋgi ti tamo siŋga ugeinjro qaji naŋgi ti kalil joqsimqa ijo talq beleŋoiye.’

Luk 19:41

Yesus a naŋgi degsi minjrsiqa aisiq Jerusalem qure jojomyosiqa ŋam atej. Ŋam atsiqa Jerusalem qure unsiqa akamej.

Rom 12:15

Kristen was qudei naŋgi areboleboleinjrimqa niŋgi kamba dego naŋgi koba na areboleboleiŋgeme. Ariya was qudei naŋgi akamoqnibqa niŋgi kamba dego naŋgi koba na akamoiye.

2 Korin 11:21

O was qu, iga siŋgila saiqoji unum deqa kumbra naŋgi niŋgi eŋgeqnub qaji di iga niŋgi eŋgwa keresai. E gago une deqa niŋgi merŋgonum deqa e jemaibqo. Ariya tamo qudei naŋgi naŋgo segi kumbra ubtsib marqajqa siŋgilaeqnub deqa e kamba dego ijo segi kumbra ubtsiy marqai. O was qu, e nanari tamo bulosim deqa anjam mareqnum.

Hibru 13:17

Nuŋgo Kristen gate naŋgi na nuŋgo qunuŋ taqateqnub. Deqa mondoŋ Qotei a naŋgo wau deqa nenemnjrimqa naŋgi kamba a minjqab. Deqa niŋgi naŋgo medabu geregere dauryoqnsib naŋgo sorgomq di soqniye. Niŋgi degyqab di naŋgi arebolebole na niŋgi taqatŋgwab. Naŋgi are gulube ti niŋgi taqatŋgwasai. Ariya naŋgi are gulube ti niŋgi taqatŋgwab di naŋgi na niŋgi geregere aqaryaiŋgwa keresai.

Hibru 13:3

Ariya Qotei aqa tamo uŋgasari qudei naŋgi tonto talq di unub. Deqa niŋgi naŋgi uratnjraib. Niŋgi naŋgi qa are qaloqnsib koba na tonto talq di sobulosib naŋgi geregereinjroqniye. Ariya jeu tamo naŋgi na Kristen tamo qudei naŋgi ugeugeinjroqnsib jaqatiŋ enjreqnub. Deqa niŋgi naŋgi qa dego are qaloqnsib koba na jaqatiŋ obuloqnsib naŋgi geregereinjroqniye. Di kiyaqa? Niŋgi naŋgi ti Kristen was qu deqa. Niŋgi qalie, niŋgi mandamq endi sonabqa jeu tamo naŋgi na niŋgi dego ugeugeiŋgeqnub.