Matyu 18:24 - Yesus Aqa Anjam Bole

²⁴ Aqa kaŋgal tamo bei nami 10 milion kina yaiyej qaji di naŋgi na osib aqa ulatamuq dia tigelteb.

Matyu 18:24 ပူးပေါင်းရင်းမြစ်များ

Matyu 18:23

“Niŋgi quiye. Qotei a tamo uŋgasari naŋgo Mandor Koba sosiq naŋgi taqatnjreqnu. Qotei aqa kumbra di mandor koba bei aqa kaŋgal tamo qudei naŋgi na silali nami yaiyeb qaji di kamba olo yqajqa minjrej dego kere.

Matyu 18:25

Tigeltonabqa a na silali di kamba olo yqajqa keresaiiyej. Deqa mandor koba a na minjej, ‘Ni silali di kamba olo ebqa keresaiimqo deqa e ni ti ino ŋauŋ ti ino aŋgro naŋgi ti osiy tamo bei aqa baŋq di uratŋgitqa tamo dena silali ebimqa niŋgi a laŋa wauetoqnqab. Ino iŋgi iŋgi kalil dego e ni yaimosiy tamo qudei naŋgi enjritqa naŋgi na kamba silali ebqab. Gam dena ni silali nami yaibem qaji di kobotqam.’

Matyu 25:15

Aqa kaŋgal tamo naŋgi wau yqa kere dego silali pupoiyosiqa segi segi enjrej. Bei 5,000 kina yej. Bei 2,000 kina yej. Bei 1,000 kina yej. Osiqa a sawa isaq gilsiq di soqnej.

Matyu 25:16

Sonaqa kaŋgal tamo 5,000 kina ej qaji a silali dena wauosiqa olo 5,000 kina bei ej.

Matyu 25:20

Onaqa kaŋgal tamo 5,000 kina ej qaji a na 5,000 kina bei olo osi bosiqa aqa tamo koba minjej, ‘O Tamo Koba, ni unime. Ino 5,000 kina nami ebem qaji dena wauonamqa olo 5,000 kina bei brantej agiende.’

Matyu 25:22

“Onaqa kaŋgal tamo 2,000 kina ej qaji a bosiqa aqa tamo koba minjej, ‘O Tamo Koba, ni unime. Ino 2,000 kina ebem qaji dena wauonamqa olo 2,000 kina bei brantej agiende.’

Matyu 25:24

“Onaqa kaŋgal tamo 1,000 kina ej qaji a bosiqa aqa tamo koba minjej, ‘O Tamo Koba, ni que. E nami qalieem, ni tamo ŋiriŋ ani. Tamo qudei naŋgi iŋgi yageqnab melieqnaqa ni segi na otorosim uyeqnum. Tamo qudei naŋgi saga yago breiyeqnab boleeqnaq ni segi na gei koroiyosim uyeqnum.

Luk 13:4

Jerusalem dia tal olekoba aqa ñam Siloam di puosiqa tamo 18-pela naŋgi ñumnaq moreŋeb. Deqa niŋgi kiersib are qalonub? Tamo 18-pela moreŋeb qaji naŋgi Qotei aqa ŋamdamuq di une kokba ti soqneb deqa kio naŋgi degsib moreŋeb? Ariya tamo uŋgasari kalil Jerusalem di unub qaji naŋgi une kiñilala ti unub deqa naŋgi moreŋosai. Niŋgi degsib are qalonub kio?

Luk 16:5

A degsi are qalsiqa tamo kalil nami aqa tamo koba aqaq dena ñoro eb qaji naŋgi metnjrnaq bonabqa tamo namo bej qaji di nenemyej, ‘Ni ñoro gembub ijo tamo koba aqaq dena em?’

Luk 16:7

Osiqa olo tamo bei nenemyej, ‘Ni ñoro gembub ijo tamo koba aqaq dena em?’ Onaqa minjej, ‘E bem sum aqa quŋ 100 em.’ Degsi minjnaqa ñoro taqato tamo na minjej, ‘Pepa naŋgi nami neŋgreŋyeb qaji di osim bem sum aqa quŋ 80 segi neŋgreŋye. Amqa ijo tamo koba a bosim pepa di unsim bem sum aqa quŋ 80 segi olo yaimqas.’