Matyu 18:14 - Yesus Aqa Anjam Bole

¹⁴ Dego kere aŋgro kiñala endego bei a padalqas di nuŋgo Abu laŋ qureq di unu qaji a deqa areboleboleiyqasai. A are ugeiyqas.”

Matyu 18:14 ပူးပေါင်းရင်းမြစ်များ

Matyu 18:13

Niŋgi quiye. E bole merŋgwai. A na kaja du qujai di itosim tulaŋ areboleboleiyqas. Kaja du du 99 alelosai qaji naŋgi qa tulaŋ areboleboleiyqasai. Ariya qujai alelqo qaji a qa tulaŋ areboleboleiyqas.

Matyu 18:15

Osiqa Yesus a olo anjam endegsi minjrej, “Ino was bei na ni une bei emimqa niŋgi segi aiyel ombla awoosib aqa une ni emqo qaji di minje. Minjimqa a ino anjam qusim are bulyqas di ni na ino was olo onum.

Matyu 5:16

Dego kere niŋgi puloŋ bul sosibqa boleq di kumbra bole bole yoqnibqa tamo uŋgasari naŋgi na nuŋgo kumbra di unoqnsib nuŋgo Abu laŋ qureq di unu qaji aqa ñam soqtoqnqab.”

Matyu 6:32

Tamo uŋgasari Qotei qaliesai qaji naŋgi iŋgi iŋgi deqa are koba qaleqnub. Ariya niŋgi deqa are koba qalaib. Nuŋgo Abu laŋ qureq di unu qaji a qalie, niŋgi laŋa sqa keresai. Niŋgi iŋgi iŋgi deqaji oqnsib sqab.

Matyu 6:9

“Deqa niŋgi endegsib Qotei pailyoqniye, ‘O gago Abu, ni laŋ goge di unum. Ino ñam tulaŋ boledamu. Deqa iga na ino ñam getentoqnqom.

Luk 12:32

Osiqa Yesus a olo anjam endegsi minjrej, “O ijo kaja du du niŋgi ulaaib. Nuŋgo Abu a nami niŋgi qa osiqa endegsi merŋgej, ‘E nuŋgo Mandor Koba sosiy niŋgi taqatŋgwai.’ Qotei a nami degsi merŋgej.

Jon 17:12

E naŋgi ti sosimqa ino ñam kobaquja ni na ebem qaji ñam dena naŋgi taqatnjroqnem. Deqa ijo aŋgro bei padalosai. Ijo aŋgro qujai agi ni na nami padalqajqa giltem qaji a segi padalqas. A padalamqa ino anjam bei nami neŋgreŋyeb qaji di aqa damu brantqas.

Jon 21:15

Naŋgi iŋgi uynab menetnjrnaqa Yesus na Saimon Pita nenemyej, “O Saimon, Jon aqa ŋiri, ni ijo aŋgro kalil buŋnjrsimqa ni segi e tulaŋ qalaqalaibeqnum e?” Onaqa Pita na minjej, “Od, Tamo Koba, ni qalieonum, e ni qalaqalaimeqnum.” Onaqa Yesus na minjej, “Deqa ni na ijo kaja du du naŋgi geregereinjroqnime.”

2 Timoti 2:10

Deqa e na ijo are miligi siŋgilatoqnsim gulube kalil di qoboiyoqnsim unum. E tamo uŋgasari Qotei na aqa segi qa giltnjrej qaji naŋgi aqaryainjrqajqa deqa osim gulube di qoboiyeqnum. Yimqa Qotei na naŋgi eleŋamqa naŋgi dego Kristus Yesus aqa ñam na ŋambile osib a ombla gaigai sqajqa deqa.

Hibru 12:13

Tigelesosib gam bole dauryosib walweloqniye. Niŋgi degyqab di nuŋgo siŋga ugeqasai. Nuŋgo siŋga olo boleqas.

2 Pita 3:9

Tamo qudei naŋgi endegsib mareqnub, “Tamo Koba Qotei aqa anjam nami marej qaji di a olo dauryqajqa tariŋoqnsiq laŋa sokobaiyeqnu.” Di sai. A na tamo naŋgi padaltnjrqajqa arearetosaieqnu. A na tamo kalil naŋgi are bulyqajqa marsiq deqa a jiŋga na niŋgi qa tariŋoqnsiq unu.