Matyu 18:10 - Yesus Aqa Anjam Bole

¹⁰ “Deqa niŋgi aŋgro kiñilala e qa naŋgo areqalo siŋgilateqnub qaji naŋgi qa ugeaib. E niŋgi endegsi merŋgwai. Naŋgo laŋ aŋgro naŋgi na naŋgi taqatnjroqnsibqa ijo Abu laŋ qureq di unu qaji aqa ulatamu bati gaigai unoqnsib naŋgi qa pailyeqnub.

Matyu 18:10 ပူးပေါင်းရင်းမြစ်များ

Matyu 1:20

Degsi are qaleqnaqa bati bei Tamo Koba Qotei aqa laŋ aŋgro bei aqaq ainaqa ŋeiobilqei na unej. Unnaqa laŋ aŋgro na minjej, “O Josep, Devit aqa moma, ni Maria ame. Ni ulaaim. Ni que. Qotei aqa Mondor aqaq aiqoqa a gumaŋqo.

Matyu 12:20

Silai aqa baŋga a geŋqa laqnimqa a na torei gentqasai. Lam aqa puloŋ kiñalaamqa a na torei mosotqasai. A degsim wauosim gilsim gilsim a na kumbra tiŋtiŋ torei siŋgilatqas.

Matyu 18:14

Dego kere aŋgro kiñala endego bei a padalqas di nuŋgo Abu laŋ qureq di unu qaji a deqa areboleboleiyqasai. A are ugeiyqas.”

Matyu 18:6

Osiqa Yesus a olo anjam endegsi minjrej, “Tamo bei na ijo aŋgro kiñala endego bei e qa aqa areqalo siŋgilatqo qaji di osim uneq waiyqas di uge. Tamo qudei naŋgi na tamo di ojsib meniŋ kobaquja osib sil na aqa kakoroq di tontosib waiyib ya robuq aisim moiqas di kere.

Matyu 2:13

Naŋgi gilnabqa bati di Tamo Koba Qotei aqa laŋ aŋgro bei a Josep aqaq aisiq ŋeiobilqei na minjej, “Herot a na aŋgro Yesus qalsim moiotqajqa bosim ŋamqas. Deqa ni tigelosim aŋgro aqa aniqali wo joqsim Isip sawaq giliye. Gilsib di soqnibqa bunuqna e ni mermitqa sawa endeq olo bqab.”

Matyu 2:19

Ariya Herot a moinaqa Tamo Koba Qotei aqa laŋ aŋgro bei a Isip sawaq dia Josep aqaq di brantosiqa ŋeiobilqei na minjej,

Matyu 24:31

Yimqa e siŋgila na gul anjamosiy ijo laŋ aŋgro naŋgi qariŋnjritqa naŋgi sawa sawa kalil keretosib Qotei aqa segi tamo uŋgasari nami giltnjrej qaji naŋgi laŋ utru utruq dena koroinjrqab.”

Luk 1:19

Onaqa laŋ aŋgro na Sekaraia minjej, “Ijo ñam Gebriel. E Qotei aqa ulatamuq di tigelejunum qaji. Qotei a segi na e qariŋbqoqa bosim anjam bole endi ni mermonum.

Luk 10:16

Yesus a anjam degsi marsiqa aqa aŋgro naŋgi endegsi minjrej, “Tamo bei a nuŋgo anjam qusim dauryqas di a ijo anjam dego qusim dauryqas. Ariya tamo a niŋgi qoreiŋgwas di a e dego qoreibqas. Tamo a e qoreibqas di ijo Abu e qariŋbej qaji a dego qoreiyqas.”

Luk 16:22

“Bati bei Lasarus moiej. Moinaqa Qotei aqa laŋ aŋgro naŋgi bosib aqa qunuŋ osib Abraham aqa areq di awoteb. Ariya bunuqna ñoro tamo a dego moinaqa subq ateb.

Aposel 10:3

Ariya bati bei seŋ keliŋtonaqa Qotei na Kornilius aqa areqalo waqtetonaqa ŋeiobilqeiobulosiqa Qotei aqa laŋ aŋgro bei aqaq bonaq unej. Onaqa laŋ aŋgro dena minjej, “O Kornilius.”

Aposel 12:15

Onaqa naŋgi na minjeb, “Ni nanarionum. Di Pita sai.” Degsi minjnabqa a tulaŋ siŋgilaosiqa minjrej, “E nanariosai. E bole maronum. Pita a bqo aqa kakoro quonum.” Onaqa naŋgi na minjeb, “Di Pita sai. Di aqa laŋ aŋgro kio?”

Aposel 12:23

Herot aqa kumbra dena a Qotei aqa ñam soqtosai. Aqa segi ñam soqtoqnsiqa anjam maroqnej. Deqa Tamo Koba Qotei a Herot qa ŋiriŋosiqa aqa laŋ aŋgro bei qariŋyonaqa urur aisiq Herot a ma uge yonaqa aqa bi ani ambli na uynab a moiej.

Aposel 27:23

Ya qolo ijo Qotei agi e bati gaigai a qa loueqnum qaji aqa laŋ aŋgro bei bosiqa ijo areq di tigelosiq merbej, ‘O Pol, ni ulaaim. Ni Mandor Koba Sisar aqa ulatamuq di tigelqam. Deqa Qotei na ni taqatmim ni padalqasai. Tamo kalil ni ombla qobuŋ na gileqnub qaji naŋgi dego taqatnjrim naŋgi padalqasai.’ Laŋ aŋgro na e degsi merbej.

Aposel 5:19

Sonabqa qoloej. Onaqa Tamo Koba Qotei aqa laŋ aŋgro bei aisiqa tonto tal siraŋme waqtosiq naŋgi joqsiq oqedeb. Oqedonabqa laŋ aŋgro na minjrej,

Rom 14:10

Niŋgi kiyaqa nuŋgo Kristen was naŋgo kumbra laŋa tenemtoqnsib naŋgi uge qa minjreqnub? Osib naŋgi misiliŋnjreqnub? Niŋgi qalie, mondoŋ iga kalil Qotei aqa ulatamuq di tigelamqa a na iga pegigwas.

Rom 14:21

Deqa niŋgi kumbra di uratiye. Niŋgi wagme kio niŋgi wain kio uysibqa o kumbra bei kio ysibqa dena nuŋgo was bei uneq waiyqab di niŋgi kumbra uge yonub.

Rom 15:1

Iga Kristen tamo siŋgila ti unum qaji iga na Kristen was qudei siŋgila saiqoji unub qaji naŋgi aqaryainjroqnsim naŋgo gulube qoboiyetnjroqnqom. Iga gago segi jejamu aqaryaiyqajqa are qalqasai.

1 Korin 11:22

Nuŋgo kumbra dena niŋgi Qotei tal ugetoqnsib tamo iŋgi saiqoji unub qaji naŋgi jemai enjreqnub. Nuŋgo segi segi tal unub. Deqa niŋgi mati nuŋgo segi talq di iŋgi ti ya ti uysib bunuqna bosib Qotei louqa korooiye. Ariya niŋgi degyosaieqnub deqa e anjam kiersiy merŋgwai? E nuŋgo kumbra deqa areboleboleibqo degsi merŋgwai e? Sai. E degsi merŋgwasai.

1 Korin 16:11

Deqa nuŋgo ambleq di tamo bei na Timoti aqa ñam ugetetosim a qoreiyaiq. Ariya a olo niŋgi uratŋgosim walwelqa laqnimqa niŋgi na silali qa aqaryaiyosib lawo na suweiyib a olo e qa bqas. A Kristen was qudei naŋgi koba na e qa bqab deqa e naŋgi qa tariŋoqnqai.

1 Korin 9:22

Tamo naŋgi siŋgila saiqoji unub qaji naŋgi dego e na oqajqa deqa e naŋgo kumbra dauryoqnsim siŋgila saiqoji sobulosim dena e na naŋgi are bulyetnjreqnam naŋgi Kristus aqaq beqnub. O was qu, e tamo kalil naŋgo sorgomq di sosim naŋgo kumbra dauryeqnum. Di kiyaqa? E na naŋgi qudei are bulyetnjroqnit naŋgi Kristus aqaq bqajqa deqa.

2 Korin 10:1

Tamo qudei naŋgi e qa yomuosib endegsib mareqnub, “Pol a iga koba na sosiqa a aqa segi ñam aguq atoqnsiqa laesoqnej. Ariya a sawa isaq di sosiqa a anjam siŋgila na neŋgreŋyosiq iga qa ŋiriŋeqnu.” Tamo qudei naŋgi e qa degsib yomueqnub. Ariya niŋgi mati Kristus aqa kumbra qa are qaliye. A aqa segi ñam aguq atoqnsiqa tamo uŋgasari naŋgi lawo kumbra osornjroqnej. Deqa niŋgi ijo anjam endeqa geregere are qaliye.

2 Korin 10:10

Bole, tamo qudei naŋgi e qa endegsib yomueqnub, “Pol a anjam siŋgila na neŋgreŋyosiq iga qa qariŋyeqnu. Ariya a iga koba na sosim anjam mergoqnsim iga a unoqnem di a siŋgila saiqoji. Anjam palontqajqa wau di dego a qaliesai bolesai.”

Galesia 6:1

O was qu, nuŋgo ambleq di tamo bei a une bei atim unsibqa niŋgi Qotei aqa Mondor dauryeqnub qaji niŋgi na tamo di lawo na osib aqa kumbra gereiyetiye. Ariya niŋgi geregere ŋam atsib soqniye. Satan a na niŋgi dego uneq waiŋgimqa niŋgi uloŋo uge.

1 Tesalonaika 4:8

Deqa tamo bei a gago anjam endi gotraŋyqas di a tamo naŋgo anjam gotraŋyosai. A Qotei agi aqa Mondor Bole niŋgi eŋgeqnu qaji aqa anjam gotraŋyqo.

1 Timoti 4:12

Tamo qudei naŋgi ni qa mareqnub, ni aŋgro kiñala. O Timoti, tamo naŋgi dena ino ñam ugetetmaib. Ni kumbra bole segi yoqnimqa Kristen tamo naŋgi na ni numoqnsib daurmoqnqab. Ino anjam maro na ti ino walwel na ti ni kumbra bole segi yoqne. Osim qalaqalaiyo kumbra dauryoqnsim Qotei qa ino areqalo siŋgila-toqnsim Qotei aqa ŋamgalaq di tamo bole une saiqoji soqne.

Hibru 1:14

Laŋ aŋgro naŋgi mondor. Naŋgi Qotei aqa wau ojeqnub. Agi Qotei na naŋgi qariŋnjreqnaqa naŋgi giloqnsib tamo uŋgasari a na oqas qaji naŋgi aqaryainjreqnub.

Hibru 9:24

Iga qalie, Kristus a mandam qaji atra tal tamo naŋgi na gereiyeb qaji di miligiq gilosai. Mandam qaji atra tal di Qotei aqa atra tal bole laŋa sigitejunu. Kristus a laŋ qureq oqej. Deqa bini a Qotei aqa areq di sosiqa iga qa waueqnu.

Uli Anjam 8:2

Sokiñalayonaq e olo ŋam atsimqa laŋ aŋgro 7-pela Qotei aqa ulatamuq di tigelesoqneb qaji naŋgi unjrem. Unjrem di naŋgi gul 7-pela ojsib tigelesoqneb.