Matyu 17:17 - Yesus Aqa Anjam Bole

¹⁷ Onaqa Yesus a anjam di qusiqa endegsi marej, “Niŋgi tamo uŋgasari bini bati endeqa unub qaji nuŋgo areqalo e qa siŋgilatosai bolesai. Nuŋgo kumbra ti nuŋgo areqalo ti tulaŋ uge. Bati gembub e niŋgi koba na sosiyqa nuŋgo gulube di qoboiyoqnqai? Aŋgro mel di ijo areq osi boiye.”

Matyu 17:17 ပူးပေါင်းရင်းမြစ်များ

Matyu 13:58

Yesus a na naŋgi degsi minjrej. Osiqa aqa segi qure utruq dia a maŋwa gargekoba yosai. Di kiyaqa? Naŋgi a qa naŋgo areqalo siŋgilatosai deqa.

Matyu 16:8

Onaqa Yesus a naŋgo anjam di qalieosiqa minjrej, “Nuŋgo areqalo e qa siŋgilatqa yonub tulaŋ keresaiiŋgwo. Niŋgi kiyaqa bem osai deqa mareqnub?

Matyu 17:16

Deqa e na a osim ino aŋgro naŋgi qa osi bonumqa naŋgi na boletqa yonub keresaiinjrqo.”

Matyu 17:18

Onaqa osi bonabqa Yesus na mondor uge di ŋiriŋtosiq minjej, “Ni aŋgro di uratosim ulaŋ.” Degsi minjnaqa mondor uge na aŋgro di uratosiq ulaŋej. Onaqa bati qujai deqa aŋgro a boleej.

Matyu 6:30

Maŋ laŋaj bini oqwas nebe tamo naŋgi na giŋgeŋyosib olo ŋamyuoq waiyqab. Maŋ laŋaj di Qotei na wala enjreqnu. Deqa niŋgi kiyaqa Qotei qa nuŋgo areqalo siŋgilatqa yonub keresaiiŋgwo? Niŋgi maŋ laŋaj sai. Niŋgi tamo qunuŋ ti. Deqa niŋgi endegsi poiŋgem. Qotei a niŋgi dego gara eŋgoqnqas.

Matyu 8:26

Onaqa Yesus a tigelosiqa minjrej, “Niŋgi e qa nuŋgo areqalo siŋgilatqa yonub tulaŋ keresaiiŋgwo. Niŋgi kiyaqa ulaonub?” Degsi minjrsiqa jagwa ti ya ti ŋiriŋtnjrnaqa jagwa ti ya ti laeb.

Mak 16:14

Olo bati bei Yesus aqa aŋgro 11-pela naŋgi tal miligiq di awoosib iŋgi uyeqnabqa Yesus a naŋgoq di brantej. Yesus a nami subq na tigelonaqa tamo qudei naŋgi na unsib naŋgi sainjrnab qunab ugeinjrej. Naŋgo areqalo geteŋnjresoqnej. Deqa Yesus a naŋgoq di brantosiqa naŋgi ŋiriŋtnjrej.

Mak 9:19

Onaqa Yesus a anjam di qusiqa marej, “Niŋgi tamo uŋgasari bini bati endeqa unub qaji nuŋgo areqalo e qa siŋgilatosai bolesai? Bati gembub e niŋgi koba na sosiyqa nuŋgo gulube di qoboiyoqnqai? Aŋgro mel di ijo areq osi boiye.”

Luk 24:25

Onaqa Yesus na kamba minjrej, “Nuŋgo areqalo tulaŋ truquiŋgwo. Qotei aqa medabu o qaji tamo naŋgo anjam nami maroqneb qaji di niŋgi poiŋgosai.

Luk 9:41

Onaqa Yesus a anjam di qusiqa marej, “Niŋgi tamo uŋgasari bini bati endeqa unub qaji nuŋgo areqalo e qa siŋgilatosai bolesai. Nuŋgo kumbra ti nuŋgo areqalo ti tulaŋ uge. Bati gembub e niŋgi koba na sosiyqa nuŋgo gulube di qoboiyoqnqai?” Degsi marsiqa aŋgro di aqa abu minjej, “Ino aŋgro mel di osau.”

Jon 20:27

Osiqa Tomas minjej, “O Tomas, ni ino baŋ gei na ijo baŋ bile qameb qaji aqa pirigi qamsim une. Ino baŋ waiysim ijo jar baŋga aqa pirigi dego oje. Areqalo aiyeltaim. Areqalo qujaitosim e qa ino areqalo siŋgilat.”

Aposel 13:18

Naŋgi gilsib wadau sawaq di brantosib wausau 40 qa wadau sawaq di sosibqa gulube koba oqneb. Bati deqa Qotei na naŋgi geregere taqatnjroqnej.

Aposel 2:40

Pita a anjam deqaji gargekoba siŋgila na naŋgi minjroqnej. Osiqa olo endegsi minjrej, “Niŋgi geregere ŋam atsib soqniye. Tamo uŋgasari bini bati endeqa unub qaji naŋgi kumbra uge uge yoqnsib laqnub. Deqa niŋgi naŋgo kumbra uge di dauryoqnaib. Uratosib soqniye. Niŋgi naŋgi ti Qotei na padaltŋgo uge.”

2 Korin 11:1

Niŋgi e odbibqa e olo nanari anjam kiñala merŋgwai. Niŋgi e odbqa kereamqa e odbiye.