Matyu 16:24 - Yesus Aqa Anjam Bole

²⁴ Osiqa aqa aŋgro kalil naŋgi endegsi minjrej, “Tamo bei na e daurbqa osimqa aqa segi areqalo kalil uratekritosim di aqa segi ŋamburbas qoboiyosim e daurbem.

Matyu 16:24 ပူးပေါင်းရင်းမြစ်များ

Matyu 10:38

Tamo bei na aqa segi ŋamburbas qoboiyosim e daurbqasai di a ijo aŋgro sqa keresai.

Matyu 27:32

A osi giloqnsibqa gamq dia tamo bei walwelosiq aieqnaqa a turosib ojsib Yesus aqa qawarq dena ŋamburbas yaiyosib tamo di yonabqa a kamba qoboiyosiqa Yesus gam na dauryosiq giloqnej. Tamo di aqa ñam Saimon. A Sairini qure qaji.

Mak 10:21

Onaqa Yesus a tamo di koqyosiqa qalaiyosiq minjej, “Ni dal anjam di kalil daurysim keretonum. Ariya kumbra qujai ni keretosai. Deqa e ni mermqai. Ni gilsim ino iŋgi iŋgi kalil qariŋyosim silali osim tamo iŋgi iŋgi saiqoji unub qaji naŋgi jeisi enjre. Degsim enjrsim bosim e daurbe. Yimqa bunuqna ni laŋ qureq dia awai bole itqam.”

Mak 15:21

A osi giloqnsibqa gamq dia tamo bei walwelosiq Jerusalem qureq aieqnaqa a turosib ojsib Yesus aqa qawarq dena ŋamburbas yaiyosib tamo di yonabqa a kamba qoboiyosiqa Yesus gam na dauryosiq giloqnej. Tamo di aqa ñam Saimon. A Sairini qure qaji. A Aleksander wo Rufus wo naŋgo siqali.

Mak 8:34

Osiqa tamo uŋgasari kalil naŋgi ti aqa segi aŋgro naŋgi ti metnjrnaqa aqa areq bonabqa minjrej, “Tamo bei na e daurbqa osimqa a aqa segi areqalo kalil uratosim bati gaigai aqa segi ŋamburbas qoboiyosim e daurboqnem.

Luk 14:27

Tamo bei na aqa segi ŋamburbas qoboiyosim e daurbqasai di a ijo aŋgro sqa keresai.”

Luk 23:26

A osi giloqnsibqa gamq dia tamo bei walwelosiq Jerusalem qureq aieqnaqa a turosib ojsib Yesus aqa qawarq dena ŋamburbas yaiyosib tamo di yonabqa a kamba qoboiyosiqa Yesus gam na dauryosiq giloqnej. Tamo di aqa ñam Saimon. A Sairini qure qaji.

Jon 19:17

Degsi minjrnaqa ariya qaja tamo naŋgi na Yesus osib aqa qawarq di aqa segi ŋamburbas qoboiyetosib a baŋ ojsib Jerusalem qure uratosib osi gilsib sawa agu kiñala bei aqa ñam Tamo Gate Tanu di branteb. Ñam di Hibru anjam na Golgota mareqnub.

Jon 21:19

Pita aqa moiqajqa gam di Yesus na ubtetqa osiqa deqa degsi minjej. Pita a gam kie na moisim dena Qotei aqa ñam soqtqas di Pita a qalieqajqa deqa Yesus na degsi minjej. Osiqa Pita minjej, “Ni e daurbe.”

Jon 21:22

Onaqa Yesus na Pita minjej, “Aŋgro di a moiosaisoqnimqa e olo bqai degsi minjitqa ni deqa are koba qalaim. Di ino wau sai. Di ijo wau. Ni e daurbe.”

Aposel 14:22

Naŋgi aiyel degsib giloqnsibqa tamo uŋgasari Yesus dauryoqneb qaji naŋgo are siŋgilatetnjroqnsib minjroqneb, “Niŋgi Yesus qa nuŋgo areqalo siŋgilatosib soqniye. Bole, niŋgi gulube gargekoba iteleŋoqnqab. Di uŋgum. Gulube nuŋgoq boqnibqa Qotei a nuŋgo Mandor Koba sosim niŋgi taqatŋgoqnqas.”

Kolosi 1:24

E niŋgi aqaryaiŋgwa osim deqa e jaqatiŋ koba eqnum. E ijo jaqatiŋ deqa tulaŋ areboleboleibeqnu. E na Kristus aqa segi tamo uŋgasari naŋgi aqaryainjreqnum. Naŋgi aqa segi jejamu bul. A naŋgo gate. A na naŋgi aqaryainjrqa marsiq jaqatiŋ koba ej. Aqa jaqatiŋ di koboosaiunu. Deqa e dego tamo uŋgasari naŋgi qa osimqa ijo segi jejamuq di jaqatiŋ koba eqnum. Ijo kumbra dena e na Kristus aqa jaqatiŋ dauryosim kereteqnum.

1 Tesalonaika 3:3

Yimqa gulube ti jaqatiŋ ti niŋgi eqnub qaji dena nuŋgo areqalo olo ugetetŋgaim deqa. Niŋgi qalie, Qotei a nami iga gulube deqaji oqajqa marsiq giltgej.

2 Timoti 3:12

Bole, jeu tamo naŋgi na tamo kalil Kristus Yesus beteryosib Qotei aqa kumbra dauryqa siŋgilaeqnub qaji naŋgi kumbra uge uge enjroqnqab.

1 Pita 2:21

Qotei a niŋgi kumbra degyqa osiqa niŋgi metŋgej. Di kiyaqa? Kristus a segi dego niŋgi aqaryaiŋgwa osiqa jaqatiŋ qoboiyosiq moiej. Niŋgi kamba aqa kumbra di dauryosib jaqatiŋ oqnsib sqajqa deqa are qalsiqa aqa kumbra di niŋgi osorŋgej.