Matyu 16:23 - Yesus Aqa Anjam Bole

²³ Onaqa Yesus a bulosiqa Pita koqyosiqa ŋiriŋtosiq minjej, “Ni Satan bul. Deqa ni ijo qoreq gile. Ni ijo gam getentetbaim. Ni Qotei aqa areqalo dauryosai. Ni mandam tamo naŋgo areqalo dauryonum. Dauryosim agi ni na anjam di merbonum.”

Matyu 16:23 ပူးပေါင်းရင်းမြစ်များ

Matyu 16:22

Onaqa Pita a anjam di qusiqa Yesus osiqa qalaq gilsiqa ŋiriŋtosiq minjej, “O Tamo Koba, kumbra di inoq di degsi brantqa maraim.”

Matyu 18:7

“Mandamq endia tamo qudei naŋgi na tamo qudei naŋgi kumbra ugeq breinjreqnub. Bole, kumbra di gaigai brantoqnqas. Ariya tamo naŋgi kumbra di yeqnub qaji naŋgi tulaŋ padalougetqab.

Matyu 4:10

Onaqa Yesus na minjej, “Satan, ni ulaŋ. Qotei aqa anjam bei nami endegsib neŋgreŋyeb unu, ‘Ino Tamo Koba Qotei a segi qa louoqnsimqa aqa sorgomq di soqne.’”

Mak 8:33

Onaqa Yesus a bulosiqa aqa aŋgro naŋgi kokoqnjrej. Osiqa olo Pita koqyosiqa ŋiriŋtosiq minjej, “Ni Satan bul. Deqa ni ijo qoreq gile. Ni Qotei aqa areqalo dauryosai. Ni mandam tamo naŋgo areqalo dauryonum. Daurysim agi ni na anjam di merbonum.”

Luk 4:8

Onaqa Yesus na minjej, “Moses a nami Qotei aqa anjam endegsi neŋgreŋyej unu, ‘Ino Tamo Koba Qotei a segi qa louoqnsimqa aqa sorgomq di soqne.’”

Jon 6:70

Onaqa Yesus na minjrej, “E segi na ijo aŋgro 12-pela niŋgi giltŋgem. Ariya nuŋgo ambleq di ijo aŋgro bei a mondor uge ti unu.”

Rom 14:13

Deqa iga gago Kristen was naŋgo kumbra laŋa tenemtosim naŋgi uge qa minjrqasai. Iga areqalo bei dauryqom. Gago Kristen was naŋgi une ataib deqa iga na naŋgi kumbra uge beiq breinjrqasai.

Rom 14:21

Deqa niŋgi kumbra di uratiye. Niŋgi wagme kio niŋgi wain kio uysibqa o kumbra bei kio ysibqa dena nuŋgo was bei uneq waiyqab di niŋgi kumbra uge yonub.

Filipai 3:19

Tamo naŋgi di naŋgo segi jejamu qa are qaloqnsib dauryeqnub. Naŋgo areqalo di naŋgo gisaŋ qotei bul ateqnub. Naŋgi bati gaigai mandam qa iŋgi iŋgi oqajqa are tulaŋ prugnjreqnu. Naŋgi jemai kumbra yqajqa tulaŋ areboleboleinjreqnu. Deqa mondoŋ tamo naŋgi di ŋamyuoq di torei padalqab.

Kolosi 3:2

Deqa niŋgi gaigai laŋ goge qaji iŋgi iŋgi oqajqa are qaloqniye. Niŋgi mandam qaji iŋgi iŋgi qa are qaloqnaib.