Matyu 16:20 - Yesus Aqa Anjam Bole

²⁰ Osiqa aqa aŋgro naŋgi endegsi minjrej, “E Kristus. Niŋgi ijo ñam di ubtsib tamo qudei minjraib.”

Matyu 16:20 ပူးပေါင်းရင်းမြစ်များ

Matyu 1:16

Jekop a Josep aqa abu. Josep a Maria aqa gumbuluŋ. Maria aqa miligiq na Yesus ŋambabej. Agi naŋgi a qa mareqnub, a Kristus.

Matyu 16:16

Onaqa Saimon Pita na minjej, “Ni Kristus. Ni Qotei ŋambile gaigai unu qaji aqa segi Ŋiri qujai.”

Matyu 17:9

Ariya naŋgi Yesus ombla manaq dena olo aioqnsibqa Yesus a siŋgila na minjrej, “Kumbra niŋgi mana goge di unonub qaji di ubtsib tamo qudei minjraib. Bunuqna e Tamo Aŋgro moisiy olo subq na tigelotqa bati deqa niŋgi na ubtsib minjroqnqab.”

Matyu 8:4

Onaqa Yesus na olo minjej, “Ni une. Ino jejamu boleqo deqa ni tamo qudei naŋgi minjraim. Ni gilsim ino jejamu atra tamo osoryosim atraiyo qaji iŋgi iŋgi Moses a nami marej qaji di osim Qotei atraiyime. Yimqa tamo naŋgi ni numsib qalieqab, ino jejamu boleqo.”

Mak 8:30

Pita a anjam degsi ubtonaqa Yesus na aqa aŋgro naŋgi siŋgila na getentnjrsiqa minjrej, “Niŋgi anjam di tamo qudei minjraib.”

Mak 9:9

Ariya naŋgi Yesus ombla manaq dena olo aioqnsibqa Yesus na minjrej, “Kumbra niŋgi mana goge di unonub qaji di ubtsib tamo qudei minjraib. Bunuqna e Tamo Aŋgro moisiy olo subq na tigelotqa bati deqa niŋgi na ubtsib minjroqnqab.”

Luk 2:11

Anjam bole agiende. Bini Qotei na aqa segi Ŋiri qariŋyqoqa Devit aqa qure utruq dia ŋambabqo. A gago Tamo Koba Kristus. A na qujai tamo uŋgasari naŋgi eleŋamqa naŋgi ŋambile gaigai sqab. Naŋgi padalqasai.

Luk 9:21

Pita a anjam degsi marnaqa Yesus a na aqa aŋgro naŋgi siŋgila na getentnjrsiqa minjrej, “Niŋgi anjam di ubtsib tamo qudei minjraib.”

Luk 9:36

Onaqa Yesus aqa aŋgro naŋgi anjam di qusib ŋam ateb naŋgi tamo aiyel di olo unjrosai. Yesus a segi naŋgi koba na sonab uneb. Bati deqa naŋgi kumbra uneb qaji di tamo qudei naŋgi minjrosaioqneb. Naŋgi mequmosib soqneb.

Jon 1:41

A Yesus uratosiq aqa was Saimon itosiq minjej, “Iga Mesaia unonum.” Ñam “Mesaia” di Hibru anjam. Gago anjam, “Kristus.”

Jon 1:45

Ariya Filip a mati olo aisiqa Nataniel itosiq minjej, “Ni au. Iga tamo a qa nami Moses a dal anjam neŋgreŋyej qaji a unonum. Qotei aqa medabu o qaji tamo naŋgi dego a qa osib neŋgreŋyeleŋeb. Tamo di Yesus Nasaret qure qaji. A Josep aqa ŋiri.”

Jon 11:27

Onaqa Marta na Yesus minjej, “Od, Tamo Koba. E qalieonum, ni Kristus, Qotei aqa Ŋiri. Ni qujai Qotei na nami qariŋmonaqa mandamq aiem qaji. Deqa e ni qa ijo areqalo siŋgilatonum.”

Jon 20:31

Niŋgi ijo anjam endi sisiyosib Yesus qa nuŋgo areqalo siŋgilatosib a bole Kristus Qotei aqa Ŋiri degsi poiŋgwajqa deqa e na anjam endi neŋgreŋyonum. Yimqa niŋgi Yesus aqa ñam na ŋambile gaigai sqab.

Aposel 2:36

“Deqa Israel tamo uŋgasari, niŋgi kalil ijo anjam endi geregere qusib poiŋgem. Yesus agi niŋgi na ŋamburbasq di qalnab moiej qaji a Qotei na olo osiqa gago Tamo Koba Kristus atej.” (Ñam Kristus di aqa damu, “Tamo Qotei na nami giltej qaji”) Pita a na tamo uŋgasari naŋgi anjam degsi minjrej.

1 Jon 2:22

Gisaŋ anjam maro tamo naŋgi di yai? Gisaŋ tamo naŋgi agi endegsib mareqnub, “Yesus a Kristus sai.” Naŋgi degsib maroqnsib deqa naŋgi Abu wo aqa Ŋiri wo qoreiyeqnub. Osib naŋgi Kristus jeuteqnub.

1 Jon 5:1

Yesus a segi Kristus. Tamo kalil degsib maroqnsib Yesus qa naŋgo areqalo siŋgilateqnub qaji naŋgi Qotei aqa aŋgro tiŋtiŋ unub. Tamo kalil Abu Qotei qalaqalaiyeqnub qaji naŋgi na aqa aŋgro naŋgi dego qalaqalainjreqnub.