Matyu 15:6 - Yesus Aqa Anjam Bole

⁶ A degsi minjqas di niŋgi marqab, ‘A keretqo. A na aqa ai wo abu wo naŋgi aqaryainjraiq.’ Niŋgi degsib marqab. Nuŋgo kumbra dena niŋgi Qotei aqa anjam gotraŋyoqnsibqa olo nuŋgo segi moma naŋgo kumbra soqteqnub.

Matyu 15:6 ပူးပေါင်းရင်းမြစ်များ

Matyu 15:5

Ariya niŋgi mareqnub, ‘Tamo bei aqa ai kio aqa abu kio iŋgi qa truquamqa a na minjqas, “Ijo iŋgi iŋgi ejunum endi e ni emqa kere. Eo. E ni emqasai. E nami Qotei atraiyqa giltem deqa e ni aqaryaimqasai.” ’

Matyu 15:7

“Niŋgi gisaŋ tamo. Agi Qotei aqa medabu o qaji tamo Aisaia a nami niŋgi qa keretsiqa anjam endegsi marej,

Mak 7:13

Nuŋgo kumbra dena niŋgi Qotei aqa anjam gotraŋyoqnsibqa nuŋgo segi moma naŋgo kumbra dauryeqnub. Niŋgi kumbra deqaji gargekoba yeqnub.”

Rom 3:31

Iga maronum, iga Yesus qa gago areqalo siŋgilatqajqa kumbra di tulaŋ boledamu. Ariya iga degsi maronum dena iga olo dal anjam taqal ateqnum e? Sai. Iga Qotei aqa dal anjam olo siŋgilateqnum.

1 Timoti 5:16

Ariya uŋa qudei Kristus qa naŋgo areqalo siŋgilateqnub qaji naŋgo ai naŋgi qobulonub deqa ni na naŋgi minjrimqa naŋgi na naŋgo ai naŋgi taqatnjrsib iŋgi iŋgi enjroqnqab. Yimqa Kristen naŋgi gulube di qoboiyqasai. Uŋa qobul aŋgro saiqoji unub qaji naŋgi segi Kristen naŋgi na taqatnjroqnsib iŋgi iŋgi qa aqaryainjroqnqab.

1 Timoti 5:8

Ariya ni que. Tamo bei na aqa segi leŋ naŋgi ti aqa tal qujai naŋgi ti geregereinjrqasai di a kumbra tulaŋ ugedamu yqo. A Yesus qa aqa areqalo siŋgilatqa uratobulqo. Ni une. Tamo naŋgi Qotei qaliesai qaji naŋgi kumbra uge deqaji yosaieqnub.