Matyu 15:28 - Yesus Aqa Anjam Bole

²⁸ Onaqa Yesus a anjam di qusiqa minjej, “O uŋa, ni e qa ino areqalo tulaŋ siŋgilatonum deqa ni anjam degsi merbonum. Deqa ni gilime. Ino anjam di e na dauryosiy ino aŋgro boletqai.” Degsi minjnaqa bati qujai deqa mondor uge na aqa aŋgro di uratonaqa a boleej.

Matyu 15:28 ပူးပေါင်းရင်းမြစ်များ

Matyu 14:31

Onaqa Yesus na aqa baŋ waiysiq Pita ojsiq soqtej. Osiqa minjej, “Kiyaqa ni areqalo aiyeltonum? Ni e qa ino areqalo siŋgilatqa yonum keresaiimqo deqa ni tuqonum.”

Matyu 15:27

Onaqa uŋa dena olo Yesus minjej, “O Tamo Koba, ni kere maronum. Ariya e kamba anjam bei mermit ni que. Aŋgro du du naŋgi iŋgi uyeqnabqa iŋgi ñeŋgi ululoŋeqnaqa bauŋ naŋgi dego uyeqnub.”

Matyu 8:10

Onaqa Yesus a qaja tamo naŋgo gate aqa anjam di qusiqa a tulaŋ prugugetej. Osiqa bulosiq tamo uŋgasari gargekoba a dauryoqneb qaji naŋgi minjrej, “Niŋgi quiye. E bole merŋgwai. Qaja tamo naŋgo gate endi a e qa aqa areqalo tulaŋ siŋgilatqo. Israel tamo bei nami e qa degsi aqa areqalo siŋgilato qaji bei unosai. Qaja tamo naŋgo gate endi a sawa bei qaji. A Israel tamo sai. Di uŋgum. A e qa aqa areqalo tulaŋ siŋgilatqo.

Matyu 8:13

Osiqa Yesus a qaja tamo naŋgo gate di minjej, “Ni gile. Ni endegsi are qalonum, ‘Yesus a na ijo kaŋgal tamo boletqa kere.’ Ni degsi are qalonum deqa ino kaŋgal tamo a boleqo unu. Ni gilsim une.” Degsi minjnaqa bati qujai deqa aqa kaŋgal tamo aqa ma koboonaqa a boleej.

Matyu 9:22

Ojnaqa Yesus a bulosiqa uŋa di unsiqa minjej, “O ijo aŋgro, ni are lawo soqnime. Ni ino areqalo e qa siŋgilatosim ijoq bonum deqa ino ma agi koboqo.” Onaqa bati qujai deqa aqa leŋ aioqnej qaji di koboej.

Mak 5:34

Onaqa Yesus na minjej, “O uŋa, ni ino areqalo e qa siŋgilatosim ijoq bonum deqa ino ma agi koboqo. Deqa ni are lawo na gilsim bole soqnime.”

Luk 17:5

Onaqa Yesus aqa aŋgro nami giltnjrej qaji naŋgi na Yesus minjeb, “O Tamo Koba, ni na gago areqalo siŋgilatetgimqa iga ni qa gago areqalo geregere siŋgilatsim sqom.”

Luk 7:50

Onaqa Yesus na uŋa di minjej, “Ni ino areqalo e qa siŋgilatonum deqa ino une kalil e na kobotetmonum. Deqa ni are lawo na gilime.”

Luk 7:9

Onaqa Yesus a qaja tamo gate aqa anjam di qusiqa a tulaŋ prugugetej. Osiqa bulosiq tamo uŋgasari gargekoba a dauryoqneb qaji naŋgi minjrej, “Niŋgi quiye. Qaja tamo gate di a e qa aqa areqalo tulaŋ siŋgilatqo. Juda tamo bei nami e qa degsi aqa areqalo siŋgilato qaji bei unosai.”

2 Tesalonaika 1:3

O was qu, iga gaigai niŋgi qa are qaloqnsim deqa Qotei biŋiyeqnum. Iga kere degyeqnum. Di kiyaqa? Nuŋgo areqalo Yesus qa siŋgilateqnub qaji di tulaŋ kobaqujaeqnu. Niŋgi segi segi na nuŋgo Kristen was qu naŋgi qalaqalainjreqnub. Nuŋgo kumbra di dego tulaŋ kobaqujaeqnu.