Matyu 15:27 - Yesus Aqa Anjam Bole

²⁷ Onaqa uŋa dena olo Yesus minjej, “O Tamo Koba, ni kere maronum. Ariya e kamba anjam bei mermit ni que. Aŋgro du du naŋgi iŋgi uyeqnabqa iŋgi ñeŋgi ululoŋeqnaqa bauŋ naŋgi dego uyeqnub.”

Matyu 15:27 ပူးပေါင်းရင်းမြစ်များ

Matyu 15:26

Onaqa Yesus na kamba minjej, “Iga aŋgro du du naŋgo iŋgi yainjrsim olo bauŋ naŋgi anainjrqom di kumbra bolesai.”

Matyu 15:28

Onaqa Yesus a anjam di qusiqa minjej, “O uŋa, ni e qa ino areqalo tulaŋ siŋgilatonum deqa ni anjam degsi merbonum. Deqa ni gilime. Ino anjam di e na dauryosiy ino aŋgro boletqai.” Degsi minjnaqa bati qujai deqa mondor uge na aqa aŋgro di uratonaqa a boleej.

Matyu 5:45

Niŋgi kumbra degyqab di niŋgi nuŋgo Abu laŋ qureq di unu qaji aqa aŋgro bole sqab. Niŋgi qalie, Qotei a dego tamo bole ti tamo uge ti naŋgi turtnjroqnsiq kumbra bole bole enjreqnu. Agi a na aqa seŋ qariŋyeqnaqa tamo bole ti tamo uge ti naŋgoq aieqnu. Awa dego qariŋyeqnaqa tamo bole ti tamo uge ti naŋgoq aieqnu.

Matyu 8:8

Degsi minjnaqa qaja tamo naŋgo gate na olo minjej, “O Tamo Koba, e tamo bolesai. Deqa ni ijo talq baim. Ni endia sosim anjam segi marimqa ijo kaŋgal tamo a boleqas.

Mak 7:28

Onaqa uŋa dena olo Yesus minjej, “O Tamo Koba, ni kere maronum. Ariya e kamba anjam bei mermit ni que. Aŋgro du du naŋgi iŋgi uyeqnabqa iŋgi ñeŋgi ululoŋeqnaqa bauŋ naŋgi dego uyeqnub.”

Luk 16:21

Deqa a tal meq dia awesonaqa ñoro tamo a iŋgi uyeqnaqa ñeŋgi ululoŋeqnaqa osiq uyoqnej. Aqa yuq dena leŋ aieqnaqa bauŋ naŋgi boqnsib naŋgo meŋ na yu bilgetoqneb.

Luk 18:13

Farisi tamo a degsiqa Qotei pailyej. Onaqa takis o qaji tamo a kiñala isaq di tigelesosiqa laŋ goge koqyosim pailyqajqa jemaiyonaqa turuosiqa are soqoŋyosiqa marej, ‘O Qotei, e une ti. Deqa ni e qa dulosimqa ijo une kalil kobotetbe.’ Takis o qaji tamo a degsiqa Qotei pailyej.”

Rom 10:12

Iga Juda tamo ti Grik tamo ti iga kalil kerekere unum. Tamo Koba Kristus a gago kalil qa Tamo Koba. Deqa a na tamo kalil Kristus metoqnsib pailyeqnub qaji naŋgi tulaŋ geregereinjreqnu.

Rom 3:19

Iga qalie, Moses a dal anjam neŋgreŋyej di tamo naŋgi dal anjam aqa sorgomq di unub qaji naŋgi qa osiq deqa neŋgreŋyej. Deqa tamo bei a endegsi marqa keresai, “E tamo bole. E une saiqoji.” A degsi marqa keresai. Iga tamo uŋgasari kalil sawa sawa kalilq di unum qaji iga Qotei aqa ŋamgalaq di une ti unum.

Rom 3:29

Deqa iga kiersi marqom? Qotei a Juda naŋgo segi Qotei e? A sawa bei bei qaji tamo naŋgo Qotei sai e? Sai. A sawa bei bei qaji tamo naŋgo Qotei dego.

Rom 3:4

O was qu, iga degsi marqasai. Iga endegsi marqom. Tamo kalil naŋgi gisaŋ tamo. Ariya Qotei a segi qujai gisaŋ tamo sai. A anjam bole segi gaigai mareqnu. Agi Qotei aqa anjam bei nami endegsib neŋgreŋyeb unu, “O Qotei, ni gaigai kumbra tiŋtiŋ na e pegibeqnum. Ariya tamo qudei naŋgi na ni pegimqa maribqa ni na olo naŋgi buŋnjrsim ni une saiqoji sqam.”

Efesus 3:8

Qotei aqa tamo uŋgasari kalil naŋgi na e tulaŋ buŋbejunub. Ariya Qotei a e qa are boleiyosiq wau ebej. E na sawa bei bei qaji tamo naŋgi Kristus aqa anjam bole minjre minjre laqajqa deqa osiq e wau ebej. Anjam bole di aqa utru agiende. Kristus na iga laŋ qaji iŋgi bole bole egeqnu. Iŋgi bole bole di aqa utru iga na ubtsim marqa keresai.