Matyu 15:19 - Yesus Aqa Anjam Bole

¹⁹ Iŋgi iŋgi tamo naŋgo are miligiq na branteqnu qaji agi ubtsiy merŋgwai. Areqalo uge uge, tamo qaloqa, uŋa qa laoqa, was aqa ŋauŋ anjamyoqa, bajiŋoqa, was aqa jejamu laŋa gisaŋyoqa, was yomuiyoqa.

Matyu 15:19 ပူးပေါင်းရင်းမြစ်များ

Matyu 15:20

Kumbra uge uge deqaji tamo naŋgo are miligiq na brantoqnsiq dena tamo jiga yeqnu. Ariya tamo naŋgi baŋ yansosaisosib laŋa iŋgi uyqab dena naŋgi jiga yqasai.”

Matyu 5:28

Ariya e na dal anjam di buŋyosiy niŋgi endegsi merŋgwai. Tamo bei a uŋa bei laŋa kokoqyosiqa are prugyqo di aqa are miligiq na a uŋa di aqa jejamu ojetqo.

Matyu 9:4

Naŋgi degsib mareqnabqa Yesus a naŋgo areqalo di qalieosiqa minjrej, “Niŋgi kiyaqa areqalo uge di onub?

Aposel 8:22

E ni numonum ino areqalo tulaŋ uge. Ino kumbra uge dena ni ojosiŋgilatmqo. Deqa ni are bulye. Osim ino kumbra uge di uratosim Tamo Koba Qotei pailyimqa a ino areqalo uge di taqal waiyetmosim a ni qa olo are boleiyqas.”

Rom 7:18

E qalieonum, ijo are miligiq di iŋgi bole bei sosai. E ijo areqalo namij qa maronum. Bole, e kumbra bole dauryqa are unu. Ariya e dauryqa keresai.