Matyu 15:12 - Yesus Aqa Anjam Bole

¹² Yesus a na tamo uŋgasari naŋgi anjam degsi minjrsiq koboonaqa aqa aŋgro naŋgi aqa areq bosib minjeb, “Farisi naŋgi ino anjam di qusib ni qa are ugeinjrqo. Di ni qalie e?”

Matyu 15:12 ပူးပေါင်းရင်းမြစ်များ

Matyu 11:6

Ariya niŋgi quiye. Tamo naŋgi e nubsib e qa naŋgo areqalo siŋgilatosib olo ijo ñam ulontosaieqnub qaji naŋgi tulaŋ areboleboleinjrim sqab.”

Matyu 15:11

Tamo bei a iŋgi uyimqa aqa miligiq aiqas dena tamo jiga yqasai. Anjam kalil tamo aqa miligiq na oqsiq medabuq na branteqnu qaji dena tamo jiga yeqnu.”

Matyu 15:13

Onaqa Yesus na minjrej, “Ijo Abu laŋ qureq di unu qaji a iŋgi wau ejunu. Ŋam kalil a yagosai qaji di a na jirim qoji otorosim taqal breinjrqas.

Matyu 17:27

Deqa e atra tal qaji takis atqa uratqai di kere. Di kiyaqa? E segi Qotei aqa Aŋgro deqa. Uŋgum. Iga takis o qaji tamo naŋgo are ugetetnjrqasai. Deqa ni alile aisim yima waiysim qe namoqna oqam qaji di aqa medabu waqtosimqa aqa medabu miligiq di silali bei soqnim unqam. Unsim silali di osi gilsim gago aiyel qa takis atqa osimqa takis o qaji tamo naŋgi enjre.” Onaqa Pita a Yesus aqa anjam di dauryosiqa aisiq qe aqa medabu miligiq di silali itsiqa osi gilsiq takis o qaji tamo naŋgi enjrej.

2 Korin 6:3

Tamo naŋgi gago wau endi uge qa maraib deqa iga na naŋgi kumbra uge bei enjrosaieqnum. Yim naŋgi uloŋosib uneq aio uge.

Galesia 2:5

Aisib naŋgi na iga mergeb, “Niŋgi na Taitus osib muluŋ waiyiye.” Onaqa iga naŋgo anjam di quetnjrosai. Naŋgi Kristus aqa anjam bole olo bulbulyaib deqa iga na naŋgi saidnjrem. Yim niŋgi Kristus aqa anjam bole siŋgila na ojsib gaigai dauryqajqa deqa.

Jems 3:17

Ariya tamo naŋgi Qotei aqaq dena areqalo bole ti powo ti eqnub qaji naŋgi kumbra tulaŋ boledamu yeqnub. Naŋgi kumbra jigat dauryosaieqnub. Naŋgi lawo na sosib tamo naŋgi jiŋga na gereinjroqnsib naŋgi qa duloqnsib kumbra bole bole enjreqnub. Naŋgi na tamo kalil naŋgi turtnjroqnsib kumbra qujai enjreqnub. Naŋgi gisaŋoqnsib laŋa babaŋ na kumbra bole dauryosaieqnub. Naŋgi bole dauryeqnub.