Matyu 14:5 - Yesus Aqa Anjam Bole

⁵ Jon a tonto talq di sonaqa Herot a endegsi are qaloqnej, “E na Jon qalit moiqas.” Ariya tamo uŋgasari kalil naŋgi maroqneb, “Jon a tamo bole. A Qotei aqa medabu o qaji tamo.” Naŋgi degsib maroqneb deqa Herot a naŋgi ulainjrsiq Jon qalqa uratej.

Matyu 14:5 ပူးပေါင်းရင်းမြစ်များ

Matyu 11:9

Deqa niŋgi kiyaqa wadau sawaq gileb? Niŋgi Qotei aqa medabu o qaji tamo bei unqajqa gileb kio? Od. Agide. Niŋgi deqa unqa gileb. Deqa e niŋgi endegsi merŋgwai. Jon a Qotei aqa medabu o qaji tamo kobaquja. A na Qotei aqa medabu o qaji tamo kalil naŋgi tulaŋ buŋnjrejunu.

Matyu 21:26

Ariya iga minjqom, ‘Tamo bei na Jon qariŋyej,’ degsi minjqom di tamo uŋgasari naŋgi ŋiriŋosib bosib iga lugwab. Di kiyaqa? Naŋgi mareqnub, ‘Jon a Qotei aqa medabu o qaji tamo bole.’”

Matyu 21:32

Di kiyaqa? Jon yansnjro qaji tamo a nuŋgoq bosiqa Qotei aqa kumbra bole niŋgi osorŋgonaqa niŋgi Jon aqa anjam quetosai. Ariya takis o qaji tamo ti gam qaji uŋa ti naŋgi Jon aqa anjam geregere queteb. Naŋgi quetonabqa niŋgi unsibqa ariya niŋgi olo are bulyosai. Osib niŋgi Jon aqa anjam quetosai dego.”

Luk 20:6

Ariya iga minjqom, ‘Tamo bei na Jon qariŋyej’ degsi minjqom di tamo uŋgasari naŋgi ŋiriŋosib bosib iga meniŋ na lugwab. Di kiyaqa? Naŋgi mareqnub, ‘Jon a Qotei aqa medabu o qaji tamo bole.’”

Aposel 4:21

Onaqa Juda tamo kokba naŋgi na olo naŋgi aiyel Yesus aqa ñam marqajqa siŋgila na saidnjrsib uratnjrnab gileb. Naŋgi aiyel na tamo siŋga qandamo boletonabqa tamo uŋgasari tulaŋ gargekoba unsib deqa tulaŋ areboleboleinjrnaqa Qotei aqa ñam soqtoqneb. Deqa Juda tamo kokba naŋgi tamo uŋgasari naŋgi ulainjreb. Osib endegsib are qaleb, “Iga naŋgo aiyel jejamuq di une bei unosai. Deqa iga naŋgi aiyel ñumqa keresai. Ñumqom di tamo uŋgasari naŋgi minjiŋ oqetnjrimqa iga kamba lugwab.” Utru deqa Juda tamo kokba naŋgi tamo uŋgasari naŋgi ulainjrsib naŋgi aiyel uratnjrnab gileb.

Aposel 5:26

Degsi minjrnaqa atra tal taqato tamo naŋgo gate ombla na tigelosib atra tal miligiq gilsib ŋam ateb Yesus aqa aŋgro 12-pela naŋgi na tamo uŋgasari naŋgi anjam minjreqnab unjreb. Unjrsib naŋgi ojeleŋosib joqsib gileb. Siŋgila na ojsib gilosai. Jiŋga na joqsib gileb. Tamo uŋgasari naŋgi ŋiriŋosib meniŋ osib naŋgi ñumaib deqa ulaosib jiŋga na joqsib gileb.