Matyu 14:19 - Yesus Aqa Anjam Bole

¹⁹ Onaqa naŋgi na bem ti qe ti di osi bosib Yesus yonabqa a na tamo uŋgasari kalil naŋgi minjrej, “Niŋgi kalil ñiŋq di awoeleŋoiye.” Onaqa naŋgi kalil awoonabqa Yesus na bem 5-pela ti qe aiyel ti di osiqa laŋ goge tarosiq Qotei pailyej. Pailyo koboonaqa bem ti qe ti giŋgeŋyosiqa aqa aŋgro naŋgi enjrnaqa naŋgi na osi giloqnsibqa tamo uŋgasari naŋgi jeisib enjreqnab uyoqneb.

Matyu 14:19 ပူးပေါင်းရင်းမြစ်များ

Matyu 14:18

Onaqa Yesus na minjrej, “Bem ti qe ti di ijoq osi boiye.”

Mak 6:39

Onaqa Yesus na tamo uŋgasari kalil naŋgi minjrej, “Niŋgi qur segi segi ysibqa ñiŋq di awoeleŋoiye.”

Mak 6:41

Awoonabqa Yesus a na bem 5-pela ti qe aiyel ti di osiqa laŋ goge tarosiq Qotei pailyej. Pailyo koboonaqa bem giŋgeŋyosiqa aqa aŋgro naŋgi enjrsiqa minjrej, “Bem endi jeisib tamo uŋgasari naŋgi anainjriye.” Osiqa qe aiyel dego giŋgeŋyosiqa aqa aŋgro naŋgi enjrsiqa minjrej, “Qe endi dego jeisib tamo uŋgasari naŋgi anainjriye.” Degsi minjrnaqa naŋgi bem ti qe ti osi giloqnsibqa tamo uŋgasari naŋgi jeisib enjreqnab uyoqneb.

Mak 7:34

Osiqa laŋ tarosiqa are tulaŋ gulubekobaiyonaqa jagwa titsiqa marej, “Efata.” Di Hibru anjam. Anjam di aqa damu, “Dabkala waqeme.”

Luk 22:17

Osiqa a wain osiqa gambaŋq di bilentosiqa Qotei pailyosiqa aqa aŋgro naŋgi endegsi minjrej, “Niŋgi wain gambaŋ endi osib uyiye.

Luk 22:19

Yesus a na naŋgi degsi minjrsiqa olo Qotei pailyosiqa bem osiq giŋgeŋyosiqa naŋgi enjrsiqa endegsi minjrej, “Endi ijo jejamu. E na niŋgi aqaryaiŋgwajqa deqa ijo jejamu endi niŋgi eŋgwai. Deqa niŋgi ijo jejamu osib uyiye. Bunuqna niŋgi gaigai uyoqnsib e qa are qaloqniye.”

Luk 24:30

Sosib awoosib iŋgi uyoqnsib Yesus a bem osiq Qotei pailyosiqa bem giŋgeŋyosiqa naŋgi aiyel anainjrej.

Luk 9:14

Naŋgi degsi mareb. Di kiyaqa? Tamo 5,000 soqneb deqa. Onaqa Yesus a kamba aqa aŋgro naŋgi endegsi minjrej, “Niŋgi na tamo uŋgasari naŋgi minjribqa naŋgi qur segi segi 50 awoeleŋqab.”

Luk 9:16

Awoonabqa Yesus na bem 5-pela ti qe aiyel ti di osiqa laŋ goge tarosiqa Qotei pailyej. Pailyo koboonaqa bem ti qe ti giŋgeŋyosiqa aqa aŋgro naŋgi enjreqnaqa naŋgi na osi giloqnsib tamo uŋgasari naŋgi jeisib enjreqnab uyoqneb.

Jon 11:41

Degsi minjnaqa naŋgi meniŋ kobaquja di taqal atnabqa Yesus a laŋ goge tarosiqa Qotei endegsi pailyej, “O Abu, ni ijo pail endi quonum deqa e ni qa tulaŋ areboleboleibqo.

Jon 6:23

Ariya qobuŋ qudei Taiberias qure uratosib bosib sawa Tamo Koba Yesus a nami Qotei pailyosiq tamo uŋgasari naŋgi iŋgi anainjrnaq uyeb qaji sawa di jojom di tiryeb.

Aposel 27:35

Pol a na tamo kalil naŋgi degsi minjrsiqa bem bei osiq naŋgo ulatamuq dia Qotei pailyosiqa bem di gentosiq uyej.

Rom 14:6

Tamo qudei naŋgi yori bati qudei uneqnub. Di naŋgi Tamo Koba Yesus qa are qalsib deqa uneqnub. Tamo qudei naŋgi iŋgi iŋgi kalil uyeqnub. Di naŋgi Tamo Koba Yesus qa are qalsib deqa iŋgi iŋgi kalil uyeqnub. Di kiyaqa? Naŋgi iŋgi uyqa oqnsib Qotei pailyoqnsib uyeqnub. Tamo qudei naŋgi iŋgi qudei getenteqnub. Di naŋgi Tamo Koba Yesus qa are qalsib deqa getenteqnub. Naŋgi dego iŋgi getentqa oqnsib Qotei pailyoqnsib getenteqnub.

1 Korin 10:16

Wain gambaŋ iga Qotei pailyosim uyeqnum qaji di iga Kristus aqa leŋ qa are qalsim deqa a ti korooqnsim uyeqnum. Bem iga giŋgeŋyosim uyeqnum qaji di iga Kristus aqa jejamu qa are qalsim deqa a ti korooqnsim uyeqnum.

1 Korin 10:31

Deqa niŋgi iŋgi ti ya ti uyqa oqnsib niŋgi Qotei aqa ñam soqtetoqnsib uyoqniye. Niŋgi kumbra bei yqa oqnsib niŋgi Qotei aqa ñam soqtetoqnsib yoqniye.

Kolosi 3:17

Nuŋgo anjam maro na ti nuŋgo wau na ti nuŋgo kumbra kalil na ti niŋgi Tamo Koba Yesus aqa ñam na yoqniye. Osib niŋgi aqa ñam na Qotei Abu biŋiyoqniye.