Matyu 14:15 - Yesus Aqa Anjam Bole

¹⁵ Ariya bilaq Yesus aqa aŋgro naŋgi aqa areq bosib minjeb, “O Tamo Koba, endi wadau sawa. Seŋ aieqnu. Qoloqas. Deqa ni na tamo uŋgasari naŋgi minjrimqa mati qure qureq gilsib di iŋgi awaiysib uyqab.”

Matyu 14:15 ပူးပေါင်းရင်းမြစ်များ

Matyu 14:13

Onaqa Yesus a anjam di qusiqa a sawa di uratosiq qobuŋ bei gogetosiqa wadau sawaq gilej. Aqa aŋgro naŋgi ti gileb. A gileqnaqa tamo uŋgasari kalil naŋgi di qusibqa naŋgo segi qure qureq dena tigelosibqa siŋga na gurgurosib Yesus ŋamqajqa gileb.

Matyu 14:14

Deqa Yesus a qobuŋ na gilsiq tiryosiqa ŋam atej tamo uŋgasari tulaŋ gargekoba nami tiryqa sawaq dia tariŋesonab unjrej. Unjrsiqa naŋgi qa are ugeiyej. Deqa a naŋgo areq aisiqa naŋgo ma tamo kalil boletnjroqnej.

Matyu 14:16

Onaqa Yesus na minjrej, “Naŋgi kiyaqa qure qureq gilqab? Niŋgi segi na iŋgi anainjriye.”

Matyu 15:23

Onaqa Yesus a uŋa di aqa anjam qusiq quosaibulosiq anjam bei kamba minjosai. A mequmej. Deqa aqa aŋgro naŋgi aqa areq bosib minjeb, “O Tamo Koba, uŋa di a siŋgila na iga pailgoqnsiqa daurgeqnu. Deqa ni na saidyimqa a puluosim ulaŋqas.”

Mak 8:3

Naŋgi qudei isaq na beb. Deqa e naŋgi mam ti suweinjritqa gamq dia naŋgi mam na lao uge.”

Luk 9:12

Onaqa seŋ aisiq bilaqteqnaqa Yesus aqa aŋgro 12-pela naŋgi aqa areq bosib minjeb, “O Tamo Koba, ni na tamo uŋgasari naŋgi minjrimqa mati qure qureq gilsib di iŋgi uysib ŋereŋqab. Endi wadau sawa. Iŋgi saiqoji.”