Matyu 14:14 - Yesus Aqa Anjam Bole

¹⁴ Deqa Yesus a qobuŋ na gilsiq tiryosiqa ŋam atej tamo uŋgasari tulaŋ gargekoba nami tiryqa sawaq dia tariŋesonab unjrej. Unjrsiqa naŋgi qa are ugeiyej. Deqa a naŋgo areq aisiqa naŋgo ma tamo kalil boletnjroqnej.

Matyu 14:14 ပူးပေါင်းရင်းမြစ်များ

Matyu 14:15

Ariya bilaq Yesus aqa aŋgro naŋgi aqa areq bosib minjeb, “O Tamo Koba, endi wadau sawa. Seŋ aieqnu. Qoloqas. Deqa ni na tamo uŋgasari naŋgi minjrimqa mati qure qureq gilsib di iŋgi awaiysib uyqab.”

Matyu 4:23

Yesus a dena walwelosiqa Galili sawa keretoqnsiqa Juda naŋgo Qotei tal miligiq giloqnsiqa Qotei aqa anjam palontosiq minjroqnej. Qotei a tamo uŋgasari naŋgo Mandor Koba sosiq naŋgi taqatnjreqnu. Anjam bole di Yesus na palontosiq minjroqnej. Osiqa tamo ma utru segi segi so qaji naŋgi boletnjroqnej.

Matyu 9:36

Tamo uŋgasari tulaŋ gargekoba naŋgi Yesus aqa areq beleŋeqnabqa a naŋgi unjrsiqa a naŋgi qa are ugeiyej. Di kiyaqa? Naŋgi tulaŋ so ugetesoqneb. Naŋgi kaja bul mandor saiqoji.

Mak 6:34

Onaqa Yesus a qobuŋ na gilsiq tiryosiqa ŋam atej tamo uŋgasari tulaŋ gargekoba nami tiryqa sawaq dia tariŋesonab unjrej. Naŋgi kaja bul mandor saiqoji. Deqa Yesus a naŋgi qa are ugeiyej. Osiqa naŋgo areq aisiqa Qotei aqa anjam gargekoba minjroqnej.

Mak 9:22

Mondor uge na a qalsim moiotqa oqnsiqa bati gaigai a ŋamyuoq o yaq waiyeqnu. Deqa ni na iga aqaryaigwa kereamqa aqaryaige.”

Luk 19:41

Yesus a naŋgi degsi minjrsiqa aisiq Jerusalem qure jojomyosiqa ŋam atej. Ŋam atsiqa Jerusalem qure unsiqa akamej.

Luk 7:13

Onaqa Tamo Koba Yesus a uŋa di unsiqa a qa tulaŋ dulosiqa minjej, “Ni akamaim.”

Hibru 2:17

Utru deqa a aqa was kalil naŋgi bulosiq tamo brantej. Deqa bini a atra tamo kobaquja sosiq Qotei aqa wau ojeqnu. A tamo uŋgasari naŋgi qa dulosim naŋgi aqaryainjrqajqa deqa marsiq atra tamo kobaquja brantej. A Qotei aqa anjam kalil dauryoqnsiqa aqa wau ojeqnu. Aqa wau agiende. A na tamo uŋgasari naŋgo une kobotetnjroqnsiqa Qotei aqa minjiŋ taqal ateqnu.

Hibru 4:15

Iga segi siŋgila saiqoji. Deqa iga na gago une aqa siŋgila kobotqa keresai. Ariya gago atra tamo kobaquja unu agi Yesus. Deqa iga endegsi are qalqasai, Yesus a gago une qa iga aqaryaigwa keresai. Iga degsi are qalqasai. Satan na iga walawalaigoqnsiqa uneq waigwa laqnu dego kere Satan na Yesus dego uneq waiyqa maroqnsiq walawalaiyoqnej. Ariya Yesus a segi une saiqoji.

Hibru 5:2

Atra tamo kokba naŋgi iga bul mandam tamo. Naŋgi dego siŋgila saiqoji unub deqa naŋgi une yoqnqa kere. Deqa naŋgi na tamo uŋgasari Qotei aqa kumbra geregere qaliesai qaji naŋgi ti tamo uŋgasari Qotei aqa gam groteqnub qaji naŋgi ti naŋgo une qa jiŋga na gereinjreqnub.