Matyu 13:41 - Yesus Aqa Anjam Bole

⁴¹ Bati di e Tamo Aŋgro na ijo laŋ aŋgro naŋgi qariŋnjritqa aisib iŋgi uge uge kalil tamo naŋgo areqalo ugetetnjreqnub qaji naŋgi ti tamo kalil kumbra uge uge yeqnub qaji naŋgi ti pilagiŋ bul breinjrqab. Deqa Qotei na naŋgi olo taqatnjrqasai.

Matyu 13:41 ပူးပေါင်းရင်းမြစ်များ

Matyu 13:49

Kumbra deqaji diŋo bati qa brantqas. Laŋ aŋgro naŋgi bosib tamo bole bole naŋgo ambleq dena tamo uge uge naŋgi eleŋosib breinjribqa ŋamyuoq aiqab. Ŋamyuo koba dia naŋgi akamkobayoqnsib pailoqnsib naŋgo jaqatiŋ qa qalagei anjam atoqnqas.”

Matyu 18:7

“Mandamq endia tamo qudei naŋgi na tamo qudei naŋgi kumbra ugeq breinjreqnub. Bole, kumbra di gaigai brantoqnqas. Ariya tamo naŋgi kumbra di yeqnub qaji naŋgi tulaŋ padalougetqab.

Matyu 24:31

Yimqa e siŋgila na gul anjamosiy ijo laŋ aŋgro naŋgi qariŋnjritqa naŋgi sawa sawa kalil keretosib Qotei aqa segi tamo uŋgasari nami giltnjrej qaji naŋgi laŋ utru utruq dena koroinjrqab.”

Matyu 3:12

Aqa baŋq di a savol ojejunu. A bosim savol dena wit ñoqoryosim damu eleŋosim aqa talq di atqas. Ariya a suwi olo eleŋosim ŋamyuo gaigai yuejunu qaji dia breinjrimqa yuekritqab.”

Matyu 8:20

Onaqa Yesus na minjej, “Bauŋ juwaŋ naŋgi tal ti. Agi sub miligiq di ŋereŋeqnub. Qebari naŋgi simi ti. Deqa naŋgi simiq di ŋereŋeqnub. Ariya e Tamo Aŋgro ŋeiqajqa tal saiqoji. Deqa ni e daurbqajqa gulube koba.”

Mak 13:27

Yimqa bati deqa e na ijo laŋ aŋgro naŋgi qariŋnjritqa naŋgi sawa sawa kalil keretosib Qotei aqa segi tamo uŋgasari nami giltnjrej qaji naŋgi laŋ utru utruq dena koroinjrqab.”

Hibru 1:14

Laŋ aŋgro naŋgi mondor. Naŋgi Qotei aqa wau ojeqnub. Agi Qotei na naŋgi qariŋnjreqnaqa naŋgi giloqnsib tamo uŋgasari a na oqas qaji naŋgi aqaryainjreqnub.

Uli Anjam 21:27

Ariya iŋgi jiga ti tamo naŋgi kumbra uge uge yeqnub qaji naŋgi ti tamo naŋgi gisaŋ anjam mareqnub qaji naŋgi ti qure di miligiq gilqa keresai. Tamo uŋgasari naŋgo ñam ŋambile qa buk miligiq di Qotei na neŋgreŋyej qaji naŋgi segi qure di miligiq gilqa kere. Ŋambile qa buk di agi Kaja Du aqa segi buk.