Matyu 13:39 - Yesus Aqa Anjam Bole39 Jeu tamo pilagiŋ yago breiyej qaji di Satan. Wit geiteleŋo bati di agi diŋo bati. Ariya wau tamo naŋgi wit otoreleŋeb qaji di agi laŋ aŋgro naŋgi. အခန်းကိုကြည့်ပါ။ |
Saga yago qudei sil luwit ambleq aieb qaji di aqa utru endegsi unu. Tamo qudei naŋgi Qotei aqa anjam qusibqa naŋgo areqalo miligiq di esoqnibqa ariya bunuqna naŋgi olo mandam qa iŋgi iŋgi qa are koba qaloqnsibqa silali koba oqnqajqa are prugnjroqnqas. Yimqa naŋgo areqalo dena naŋgi wala walainjrsim Qotei aqa anjam naŋgo are miligiq di tentimqa di loumqas. Deqa a gei boletosai.
Ariya iga tamo gargekoba naŋgi bul sai. Agi tamo gargekoba naŋgi Qotei aqa anjam mareqnub di naŋgi silali oqajqa deqa osib waueqnub. Ariya iga degyosaieqnum. Qotei na iga wau egej deqa iga gisaŋ na wauosaieqnum. Iga Kristus koba na areqalo qujaitosim Qotei aqa ŋamgalaq di aqa anjam bole geregere marsim laqnum.
Qotei aqa laŋ aŋgro naŋgi na amal di osib waiyonab mandamq aiej. Amal di nami soqnej qaji. Aqa ñam Satan. Aqa ñam bei, “Tamo Uŋgasari Kalil Naŋgo Ñam Ugetetnjro Qaji Tamo.” A na tamo uŋgasari kalil mandamq di so qaji naŋgi gisa gisaŋnjroqnej. A ti aqa laŋ aŋgro naŋgi ti kalil wainjrnab mandamq aieb.
A na maŋwa di wagme juwaŋ e nami unem qaji aqa ŋamgalaq di yoqnsiqa kumbra dena tamo uŋgasari mandamq di unub qaji naŋgi gisa gisaŋnjroqnej. Osiqa naŋgi endegsi minjroqnej, “Niŋgi na sulum gereiyiye. Gereiyqa osibqa wagme juwaŋ aqa ulatamu bul gereiyosib aqa ñam soqtoqniye.” Wagme juwaŋ di agi nami serie na qalnab moisiq olo tigelosiqa ŋambile soqnej.
Ariya tamo hos quraq di awesoqnej qaji a na wagme juwaŋ wo Satan aqa gisaŋ anjam maro tamo wo naŋgi aiyel ŋambile sonab ojsiqa wainjrnaq ŋamyuoq aieb. Ŋamyuoq dia meniŋ kalil yusiq ñaŋgaeqnu. Satan aqa gisaŋ anjam maro tamo di nami wagme juwaŋ aqa ŋamgalaq dia maŋwa tulaŋ kokba yoqnej. Aqa kumbra dena a na tamo uŋgasari wagme juwaŋ aqa toqor osib aqa sulum biŋiyoqneb qaji naŋgi gisa gisaŋnjroqnej.