Matyu 13:19 - Yesus Aqa Anjam Bole

¹⁹ Saga yago qudei gam qalaq ainabqa qebari naŋgi bosib uyekriteb qaji di aqa utru endegsi unu. Qotei laŋ qureq di unu qaji a tamo uŋgasari naŋgo Mandor Koba sosiq naŋgi taqatnjreqnu. Anjam di tamo qudei naŋgi qusib naŋgo are miligiq di esoqnibqa ariya naŋgi anjam di aqa utru poinjrosaiamqa Satan a bosim anjam Qotei na naŋgo are miligiq di atej qaji di olo yainjrqas.

Matyu 13:19 ပူးပေါင်းရင်းမြစ်များ

Matyu 12:26

Dego kere Satan na aqa segi mondor uge naŋgi winjrqas di naŋgi poaiyelqab. Deqa a kiersim aqa mondor uge naŋgi olo taqatnjrqas? Di keresai.

Matyu 13:20

Saga yago qudei mandam lanjaq di aieb qaji di aqa utru endegsi unu. Tamo qudei naŋgi Qotei aqa anjam qusib tulaŋ areboleboleinjrimqa anjam di oqujatosib naŋgo areq atqab.

Matyu 13:38

Wit wau di agi mandam endi. Wit yago di agi tamo uŋgasari naŋgi Qotei na taqatnjreqnu qaji. Ariya pilagiŋ yago di Satan aqa segi tamo uŋgasari naŋgi.

Matyu 4:23

Yesus a dena walwelosiqa Galili sawa keretoqnsiqa Juda naŋgo Qotei tal miligiq giloqnsiqa Qotei aqa anjam palontosiq minjroqnej. Qotei a tamo uŋgasari naŋgo Mandor Koba sosiq naŋgi taqatnjreqnu. Anjam bole di Yesus na palontosiq minjroqnej. Osiqa tamo ma utru segi segi so qaji naŋgi boletnjroqnej.

Matyu 5:37

Niŋgi anjam bei marqa osibqa iŋgi bei na siŋgilataib. Od qa segi marsib said qa dego segi mariye. Niŋgi anjam bei totorysib marqab di niŋgi Satan aqa areqalo dauryqab.”

Mak 4:15

Saga yago qudei gam qalaq ainabqa qebari naŋgi bosib uyekriteb qaji di aqa utru endegsi unu. Tamo qudei naŋgi Qotei aqa anjam qusib naŋgo are miligiq di esoqnibqa Satan a urur bosim anjam Qotei na naŋgo are miligiq di atej qaji di olo yainjrqas.

Luk 10:9

Niŋgi qure dia sosibqa tamo uŋgasari ma ti unub qaji naŋgi boletnjroqnsib endegsib minjroqniye, ‘Qotei a bosim nuŋgo Mandor Koba sosim niŋgi taqatŋgwajqa bati agi jojomqo.’

Luk 9:2

Siŋgila enjrsiq qariŋnjrsiqa minjrej, “Niŋgi giloqnsibqa Qotei a tamo uŋgasari naŋgo Mandor Koba sosiqa naŋgi taqatnjreqnu anjam di minjre minjre laqnsibqa naŋgo ma kobotetnjroqniye.”

Jon 18:38

Onaqa Pailat na minjej, “Anjam bole di kie?” Osiqa Pailat a olo tigelosiq oqedosiqa Juda tamo kokba naŋgoq gilsiqa minjrej, “E tamo endi aqa jejamuq di une bei unosai.

Jon 8:43

“Kiyaqa niŋgi ijo anjam endi poiŋgosai? Utru endegsi merŋgwai. Niŋgi ijo anjam quqwa keresai deqa.

Aposel 17:32

Pol a Atens qureq dia tamo uŋgasari naŋgi anjam degsi minjrnaqa naŋgi Yesus subq na tigelej anjam di qusibqa naŋgi qudei Pol kikiyeb. Ariya naŋgi qudei na Pol minjeb, “Anjam di bunuqna ni na olo mergim iga quqwom.”

Aposel 18:15

Ariya niŋgi bosib nuŋgo segi dal anjam qa ti nuŋgo segi moma naŋgo ñam qa ti maronub deqa e na nuŋgo anjam di gereiyqasai. Di ijo wau sai. Niŋgi segi na gereiyiye.”

Aposel 20:25

“Deqa niŋgi quiye. E nami nuŋgo ambleq di sosimqa anjam endegsi plaltosim merŋgoqnem, ‘Qotei a nuŋgo Mandor Koba sosiq niŋgi taqatŋgeqnu.’ Ariya bini e qalieonum, e niŋgi uratŋgitqa niŋgi ijo ulatamu olo unqasai.

Aposel 28:23

Osib olo koroqajqa bati ateb. Onaqa koro bati brantonaqa Juda tamo kokba tulaŋ gargekoba naŋgi nobqolo bosib Pol aqa talq di koroeb. Koroonabqa Pol a naŋgo ambleq di tigelosiqa anjam utru atsiq anjam gargekoba naŋgi minjreqnaq gilsiq bilaqtej. Qotei a tamo uŋgasari naŋgo Mandor Koba sosiq naŋgi taqatnjreqnu anjam di aqa utru plaltosiqa minjroqnej. Moses aqa dal anjam dena ti Qotei aqa medabu o tamo naŋgo anjam nami neŋgreŋyeb qaji dena ti anjam mutu quja quja eleŋoqnsiqa naŋgo are qametnjrimqa naŋgi are bulyosib Yesus qa naŋgo areqalo siŋgilatqajqa deqa siŋgila na minjroqnej.

Rom 1:28

Naŋgi Qotei aqa sorgomq di sqajqa are qalosaieqnub deqa Qotei a na naŋgi uratnjreqnaqa naŋgi naŋgo segi areqalo uge uge dauryoqnsib kumbra uge uge yeqnub.

Rom 14:17

Iga iŋgi ti ya ti uyoqnqom kumbra dena Qotei a gago Mandor Koba sosim iga taqatgwasai. Ariya iga kumbra tiŋtiŋ yoqnsim lawo kumbra dauryoqnsim Qotei aqa Mondor aqa wau na areboleboleigim sqom kumbra dena Qotei a gago Mandor Koba sosim iga taqatgwas.

Rom 2:8

Ariya tamo qudei naŋgi naŋgo segi jejamu qa are qaloqnsib deqa naŋgi anjam bole gotraŋyoqnsib kumbra uge uge dauryeqnub. Deqa Qotei a tamo naŋgi deqaji qa minjiŋ oqimqa awai ugedamu enjrqas.

Efesus 3:8

Qotei aqa tamo uŋgasari kalil naŋgi na e tulaŋ buŋbejunub. Ariya Qotei a e qa are boleiyosiq wau ebej. E na sawa bei bei qaji tamo naŋgi Kristus aqa anjam bole minjre minjre laqajqa deqa osiq e wau ebej. Anjam bole di aqa utru agiende. Kristus na iga laŋ qaji iŋgi bole bole egeqnu. Iŋgi bole bole di aqa utru iga na ubtsim marqa keresai.

2 Tesalonaika 2:12

Deqa iga qalieonum, tamo kalil Qotei aqa anjam bole naŋgo areqaloq di siŋgilatosaioqnsib kumbra uge uge yqajqa arearetnjreqnu qaji naŋgi di Qotei na ŋolawotnjrsim awai uge enjrqas.

Hibru 2:1

Qotei aqa Ŋiri a ñam kobaquja ej deqa aqa anjam iga nami quoqnem qaji di iga olo siŋgila na ojsim dauryqom. Iga dauryqasai di iga uloŋosim olo aqa anjam dauryqa urato uge.

1 Jon 3:12

Iga Kein aqa kumbra dauryqasai. Kein a Satan aqa tamo. A na aqa aube Abel qalnaq moiej. Kiyaqa a na aqa aube qalnaq moiej? Utru agiende. A kumbra uge yo qaji tamo deqa. Ariya Abel a kumbra tiŋtiŋ yoqnej deqa Kein na a qalnaq moiej.

1 Jon 5:18

Iga qalie, tamo kalil Qotei aqa aŋgro tiŋtiŋ unub qaji naŋgi une atosaieqnub. Tamo kalil Qotei aqa aŋgro tiŋtiŋ unub qaji naŋgi Qotei na geregere taqatnjreqnu deqa tamo uge Satan a na naŋgi ugeugeinjrqa keresai.

1 Jon 5:20

Iga qalie, Qotei aqa Ŋiri a bosiq iga powo egej. Yim iga Qotei qa bole qalieqajqa deqa. Iga Qotei beteryejunum. Iga aqa Ŋiri Yesus Kristus dego beteryejunum. Yesus a segi Qotei bole. A segi ŋambile gaigai sqajqa utru.