Matyu 12:46 - Yesus Aqa Anjam Bole

⁴⁶ Yesus a na tamo uŋgasari naŋgi anjam degsi minjreqnaqa aqa was naŋgi aqa aniqali ombla na Yesus qa bosib talq di iteb. Yesus a warum miligiq di sonaqa naŋgi anjam bei minjqajqa deqa oqeq di tigelesoqneb.

Matyu 12:46 ပူးပေါင်းရင်းမြစ်များ

Matyu 1:18

Yesus Kristus a endegsi ŋambabej. Aqa aniqali Maria Josep na oqajqa saga qameb. Ariya Josep a Maria ombla ŋereŋosaisonabqa Qotei aqa Mondor Maria aqaq ainaqa a gumaŋej.

Matyu 12:47

Onaqa tamo bei na Yesus minjej, “Ni que. Ino was naŋgi ino ai ombla na ni anjam bei mermqa bonub agi oqeq di tigelejunub.”

Matyu 13:55

Iga qalie, aqa siqali a laŋa tal gereiyo qaji tamo. Aqa aniqali Maria. A Jems na Josep na Saimon na Judas na naŋgo was.

Matyu 2:11

Onaqa naŋgi tal miligiq gilsib aŋgro aqa aniqali Maria wo sonab unjrsibqa aŋgro aqa areq di siŋga pulutosib a qa loueb. Osib naŋgo qasaŋ iŋgi iŋgi qudei ti gol ti goreŋ ti qa ti walaqajqa quleq bole bole di eleŋosib aŋgro atraiyeb. Iŋgi iŋgi di naŋgi nami silali kokba na awaiyeleŋeb qaji.

Matyu 2:20

“Ni tigelosim aŋgro Yesus aqa aniqali Maria wo joqsim olo Israel sawaq aie. Tamo naŋgi aŋgro Yesus qalsib moiotqa maroqneb qaji naŋgi moreŋekritonub deqa ni olo aie.”

Mak 2:21

Tamo bei a gara jugo bunuj osim dena mutu gentosim gara jugo sari braŋoq di qandimqa keresai. Degsi qandimqas di bunuqna a na gara jugo sari di yansimqa gara mutu bunuj a kiñalaosim gara jugo sari di uratim braŋ qelikobaqas. Gara mutu bunuj osim gara jugo bunuj braŋoq di qandimqab di kere.

Mak 6:3

Iga qalie, a laŋa tal gereiyo qaji tamo. A Maria aqa ŋiri. A Jems na Joses na Judas na Saimon na naŋgo was. Aqa nawi kalil naŋgi agi iga koba na endi unum.” Naŋgi degsib yomu anjam marsib Yesus qa ugeeb.

Luk 1:43

O Maria, ni ijo Tamo Koba aqa aniqali. E uŋa kiero deqa ni ijo talq bonum?

Luk 2:33

Simion a degsi marnaqa Yesus aqa ai wo abu wo naŋgi anjam di qusib are koba qaloqneb.

Luk 2:34

Onaqa Simion a naŋgi aiyel qa Qotei pailyosiqa Yesus aqa ani Maria minjej, “Ni que. Qotei na aŋgro endi giltqo deqa Israel tamo gargekoba naŋgi uloŋqab. Gargekoba dego olo tigelqab. A toqor bul sqas deqa tamo gargekoba naŋgi a jeutoqnqab.

Luk 2:48

Onaqa aqa ai wo abu wo naŋgi a unsibqa are koba qaleb. Osib aqa ai na minjej, “O ijo aŋgro, ni kiyaqa aqo ino abu wo kumbra deggonum? Ni que. Aqo aiyel tulaŋ are gulubeigwoqa ni qa ŋamoqnam.”

Luk 2:51

Onaqa Yesus a tigelosiqa aqa ai wo abu wo naŋgi daurnjrsiqa Nasaret qureq gileb. Gilsib dia a naŋgo aiyel anjam geregere dauryoqnsiqa naŋgo sorgomq di soqnej. Onaqa aqa aniqali na aqa kumbra di unsiqa tulaŋ arearetonaqa aqa areqaloq di atnaq soqnej.

Luk 8:10

Nenemyonabqa a na kamba endegsi minjrej, “Yawo anjam di aqa utru agi merŋgwai. Niŋgi quiye. Qotei a tamo uŋgasari naŋgo Mandor Koba sosiq naŋgi taqatnjreqnu. Anjam di aqa utru uliejunu. Di e na babtitqa ijo aŋgro niŋgi segi utru qalieqab. Ariya tamo uŋgasari qudei naŋgi yawo anjam segi quoqnqab. Deqa naŋgi bati gargekoba ŋam atoqnqab ijo anjam aqa damu unqasai. Naŋgi bati gargekoba dabkala na ijo anjam laŋa quoqnqab utru poinjrqasai.”

Jon 19:25

Yesus aqa ai wo aqa ani yala wo ŋamburbas utruq di tigelesoqneb. Maria Makdala qaji wo Klopas aqa ŋauqali Maria wo naŋgi aiyel dego bosib koba na tigelesoqneb.

Jon 2:1

Bati aiyel koboonaqa Kana qure agi Galili sawaq di unu dia aŋgro wala bei aqa uŋa baŋ ojej. Deqa tamo uŋgasari naŋgi koroosib iŋgi goieb. Anjam qariŋyonab Yesus aqa aniqali a koro deq gilej.

Jon 2:12

Ariya uŋa baŋ ojo bati di koboonaqa Yesus aqa aube naŋgi ti aqa aŋgro naŋgi ti aqa aniqali koba na Kana qure uratosib Kaperneam qureq aieb. Aisib dia bati qudei soqneb.

Jon 2:5

Onaqa aqa aniqali na kaŋgal tamo naŋgi endegsi minjrej, “Yesus a anjam kie merŋgimqa di dauryiye.”

Jon 7:10

Ariya aqa aube naŋgi yori bati di unqajqa gilnabqa a dego gilej. A boleq na gilosai. A loumosiq gilej. Yim tamo naŋgi a unaib deqa.

Jon 7:3

Deqa Yesus aqa aube naŋgi na minjeb, “Ni Galili sawa endi saim. Ni sawa endi uratosim Judia sawaq gile. Gilsim dia ino maŋwa babtoqnimqa ino aŋgro naŋgi unoqnqab.

Jon 7:5

Yesus aqa aube naŋgi a qa naŋgo areqalo siŋgilatosai deqa naŋgi degsib misiliŋ anjam minjeb.

Aposel 1:14

Naŋgi ti uŋgasari qudei ti Yesus aqa was naŋgi ti aqa aniqali Maria dego naŋgi koba na gaigai warum dia korooqnsibqa are qujaitoqnsib Qotei pailyoqneb.

1 Korin 9:5

Iga uŋa oqa are soqnim Kristen uŋa osim laqnqa kere e? Agi Tamo Koba Yesus aqa wau tamo qudei naŋgi ti aqa was naŋgi ti Pita ombla na uŋa oqnsib laqnub.

Galesia 1:19

E Jerusalem di soqnem bati di e Yesus aqa anjam maro tamo bei unosai. E Tamo Koba Yesus aqa aube Jems a segi unem.