Matyu 12:43 - Yesus Aqa Anjam Bole

⁴³ Osiqa Yesus a olo anjam endegsi minjrej, “Mondor uge a tamo bei aqa jejamuq di sosimqa a na tamo di uratosim ulaŋosim sawa kaŋgraŋoq gilqas. Gilsim dia laqnsimqa aqaratqajqa sawa ŋamam ugeiyim marqas,

Matyu 12:43 ပူးပေါင်းရင်းမြစ်များ

Matyu 12:44

‘E olo puluosiya ijo tal uratem qaji deq olo gilqai.’ A degsi marsimqa gilsim tal dia tamo bei sosai degsim unqas. Tal di nami maŋ solsib iŋgi iŋgi kalil gereiyeb milalejunu di unsimqa olo puluosim aisim mondor uge 7-pela tulaŋ ugedamu naŋgi joqsim bosim koba na tal dia sqab. Soqnibqa tamo di aqa so tulaŋ ugeqas. Aqa so uge namij dego sai. Aqa so tulaŋ ugedamuqas. Dego kere tamo uŋgasari bini bati endeqa kumbra uge uge yoqnsib laqnub qaji naŋgi degsib sougetesqab.”

Matyu 8:29

Naŋgi aiyel Yesus aqa areq bosib leleŋkobayosib minjeb, “O Qotei aqa Ŋiri, ni iga kiergwajqa bonum? Iga padalqajqa bati bosaisonaqa ni laŋa ambleq di iga jaqatiŋ egwa bonum e?”

Aposel 8:13

Onaqa quñam tamo Saimon a dego Filip aqa anjam di qusiqa quñam uratosiq are bulyosiq aqa areqalo Yesus qa siŋgilatej. Deqa Filip na Saimon dego osiq yansej. Yansonaqa Saimon a Filip daurysiq laqnsiqa Qotei na Filip aqa baŋ na maŋwa gargekoba yeqnaq unoqnsiqa tulaŋ koba prugoqnej.

1 Pita 5:8

Niŋgi nuŋgo segi walwel geregere taqatosib ŋam atsib soqniye. Bauŋ juwaŋ naŋgi tulaŋ leleŋoqnsib tamo ñumoqnsib uyeqnub dego kere nuŋgo jeu tamo Satan a na gaigai tamo uŋgasari naŋgi padaltnjrqajqa ŋamosiq laqnu.