Matyu 12:38 - Yesus Aqa Anjam Bole

³⁸ Onaqa dal anjam qalie tamo qudei ti Farisi qudei ti naŋgi na kamba Yesus minjeb, “O Qalie Tamo Koba, ni endego Qotei aqa maŋwa bei babtimqa iga unsim dena poigwas, bole, ni Qotei aqa wau ojeqnum.”

Matyu 12:38 ပူးပေါင်းရင်းမြစ်များ

Matyu 12:37

Ino anjam boleamqa Qotei na mermqas, ‘Ni tamo bole.’ Ino anjam ugeamqa Qotei na mermqas, ‘Ni tamo uge.’”

Luk 11:16

Onaqa tamo qudei naŋgi Yesus aqa siŋgila laŋa tenemtqa marsibqa deqa gisaŋyosib minjeb, “Ni Qotei laŋ goge di unu qaji aqa siŋgila bei babtimqa iga unsim marqom, ‘Bole, ni Qotei aqa Ŋiri.’”

Luk 11:29

Onaqa tamo uŋgasari tulaŋ gargekoba naŋgi beleŋosib Yesus aqa areq di koroeqnabqa a naŋgi endegsi minjroqnej, “Tamo uŋgasari bini bati endeqa unub qaji naŋgo kumbra tulaŋ ugedamu. Naŋgi gaigai ijo maŋwa laŋa unqajqa metbeqnub. Deqa e na ijo maŋwa bei naŋgi osornjrqasai. Qotei aqa medabu o tamo Jona nami soqnej qaji aqa maŋwa segi osornjritqa naŋgi unqab.

Jon 2:18

Yesus a na tamo naŋgi di winjrnaqa Juda tamo kokba naŋgi unsibqa deqa nenemyeb, “Ni Qotei aqa siŋgila kie babtimqa iga unsim dena poigwas, ‘Bole, Qotei na ni qariŋmqoqa bosim tamo naŋgi di winjronum’?”

Jon 4:48

Onaqa Yesus na qaja tamo di minjej, “Nuŋgo segi ŋamdamu na ijo maŋwa bei unqasai di niŋgi e qa nuŋgo areqalo siŋgilatqasai.”

Jon 6:30

Onaqa naŋgi Yesus aqa anjam di qusibqa olo nenemyeb, “Ni Qotei aqa maŋwa kie babtim iga unsim ni qa gago areqalo siŋgilatqom? Nami gago moma naŋgi wadau sawaq di sosib laŋ qure qa bem uyoqneb. Agi Qotei aqa anjam bei nami endegsib neŋgreŋyeb unu, ‘A na laŋ qure qa bem tamo uŋgasari naŋgi anainjreqnaq uyoqneb.’ Degsib neŋgreŋyeb. Ariya ni wau kie yim iga unsim ni qa poigim gago areqalo ni qa siŋgilatqom?”

1 Korin 1:22

Juda naŋgi Qotei aqa maŋwa unqajqa mareqnub. Grik naŋgi powo oqajqa tulaŋ siŋgilaeqnub.