Matyu 12:32 - Yesus Aqa Anjam Bole

³² Tamo bei na e Tamo Aŋgro misiliŋbqas une di Qotei na kobotqa kere. Ariya tamo bei na Qotei aqa Mondor Bole misiliŋyqas une di Qotei na kobotqa keresai. Bini bati endeqa Qotei na kobotqasai. Mondoŋ dego Qotei na kobotqasai.”

Matyu 12:32 ပူးပေါင်းရင်းမြစ်များ

Matyu 11:19

Ariya e Tamo Aŋgro bosimqa iŋgi ti wain ti uyeqnamqa tamo naŋgi e nuboqnsib mareqnub, ‘Niŋgi uniye. Yesus a qunjaŋ ani. A wain uyo ani. A takis o qaji tamo ti une tamo ti naŋgi koba na walweleqnub.’ Tamo naŋgi e qa misiliŋ anjam degsib mareqnub. Ariya niŋgi Qotei aqa wau unqab di niŋgi poiŋgwas, Qotei a qalie bole.”

Matyu 12:31

“Deqa e niŋgi endegsi merŋgwai. Tamo uŋgasari naŋgo une kalil Qotei na kobotetnjrqas. Tamo uŋgasari naŋgo misiliŋ anjam kalil dego Qotei na kobotetnjrqas. Ariya tamo a Qotei aqa Mondor misiliŋyqas une di Qotei na kobotqasai.

Matyu 12:8

E Tamo Aŋgro. Deqa e segi na yori bati taqatejunum. E segi yori bati aqa Tamo Koba.”

Matyu 13:22

Saga yago qudei sil luwit ambleq aieb qaji di aqa utru endegsi unu. Tamo qudei naŋgi Qotei aqa anjam qusibqa naŋgo areqalo miligiq di esoqnibqa ariya bunuqna naŋgi olo mandam qa iŋgi iŋgi qa are koba qaloqnsibqa silali koba oqnqajqa are prugnjroqnqas. Yimqa naŋgo areqalo dena naŋgi wala walainjrsim Qotei aqa anjam naŋgo are miligiq di tentimqa di loumqas. Deqa a gei boletosai.

Matyu 13:39

Jeu tamo pilagiŋ yago breiyej qaji di Satan. Wit geiteleŋo bati di agi diŋo bati. Ariya wau tamo naŋgi wit otoreleŋeb qaji di agi laŋ aŋgro naŋgi.

Matyu 13:40

Deqa niŋgi quiye. Wau tamo naŋgi bosib pilagiŋ otorosib ŋamyuoq di koiteleŋeb qaji naŋgo utru endegsi merŋgwai. Diŋo batiamqa laŋ aŋgro naŋgi degyqab.

Matyu 13:55

Iga qalie, aqa siqali a laŋa tal gereiyo qaji tamo. Aqa aniqali Maria. A Jems na Josep na Saimon na Judas na naŋgo was.

Matyu 8:20

Onaqa Yesus na minjej, “Bauŋ juwaŋ naŋgi tal ti. Agi sub miligiq di ŋereŋeqnub. Qebari naŋgi simi ti. Deqa naŋgi simiq di ŋereŋeqnub. Ariya e Tamo Aŋgro ŋeiqajqa tal saiqoji. Deqa ni e daurbqajqa gulube koba.”

Mak 3:28

“Niŋgi quiye. E bole merŋgwai. Tamo uŋgasari naŋgo une kalil Qotei na kobotetnjrqas. Tamo uŋgasari naŋgo misiliŋ anjam kalil dego Qotei na kobotetnjrqas.

Mak 3:29

Ariya tamo a Qotei aqa Mondor Bole misiliŋyqas une di Qotei na kobotqasai. Une di tamo aqa jejamuq di gaigai sqas.”

Luk 12:10

“Tamo bei na e Tamo Aŋgro misiliŋbqas aqa une di Qotei na kobotqa kere. Ariya tamo bei na Qotei aqa Mondor Bole misiliŋyqas une di Qotei na kobotqa keresai.

Luk 16:8

“Onaqa ñoro tamo a aqa ñoro taqato tamo aqa kumbra gisaŋ di poiyonaqa aqa ñam soqtosiq minjej, ‘Ni keretonum.’ Degsi minjej. Di kiyaqa? Ñoro taqato tamo uge di a powo ti sosiq deqa kumbra gisaŋ di yej. Deqa niŋgi quiye. Mandam endeqa tamo uŋgasari naŋgi mandam qa kumbra dauryqajqa naŋgo powo kobaquja. Ariya niŋgi Qotei aqa segi tamo uŋgasari suwaŋoq di unub qaji niŋgi mandam qa kumbra dauryqajqa nuŋgo powo kiñala.

Luk 23:34

Yesus a ŋamburbas goge di sosiqa a endegsi Qotei pailyej, “O Abu, ni na naŋgo une di kobotime. Naŋgi une yonub di naŋgi qaliesai.” Ariya qaja tamo naŋgi Yesus aqa gara eleŋqa marsib gilteleŋeb. Osib meniŋ silali alaŋeb. Tamo yai aqa meniŋ na buŋnjrqas a na gara oqas. Degsib marsib meniŋ silali alaŋosib gara eleŋeb.

Luk 7:34

Ariya e Tamo Aŋgro bosimqa iŋgi ti wain ti uyeqnamqa niŋgi e nuboqnsib mareqnub, ‘Niŋgi uniye. Yesus a qunjaŋ ani. A wain uyo ani. A takis o qaji tamo ti une tamo ti naŋgi koba na walweleqnub.’

Jon 7:12

Onaqa tamo uŋgasari naŋgi segi segi anjam gargekoba laŋa laŋa Yesus qa maroqneb. Qudei naŋgi mareb, “Yesus a tamo bolequja.” Qudei naŋgi mareb, “Sai. A na tamo uŋgasari naŋgi gisa gisaŋnjreqnu.”

Jon 7:39

Yesus a ya qa marej di a Qotei aqa Mondor qa sigitosiqa yawo anjam marej. Yesus a laŋ qureq oqsiq ñam koba osaisoqnej deqa Qotei aqa Mondor bosaisoqnej. A bunuqna oqsim Qotei aqa Mondor qariŋyim bamqa tamo naŋgi Yesus qa naŋgo areqalo siŋgilatqab qaji naŋgi Qotei aqa Mondor oqab. Deqa Yesus a yawo anjam degsi marej.

Jon 7:52

Onaqa Farisi naŋgi na kamba minjeb, “Ni dego Galili qaji tamo kio? Qotei aqa anjam nami neŋgreŋyeb qaji di geregere peleiye. Peleiyqam endegsi poimqas, Qotei aqa medabu o qaji tamo bei Galili sawaq dena bqasai.”

Aposel 3:19

“Deqa niŋgi quiye. Niŋgi na nuŋgo une kalil torei uratosib are bulyosib Qotei aqaq babqa a na nuŋgo une kalil kobotetŋgimqa niŋgi aqa aŋgro bole sqab.

Efesus 1:21

Deqa Kristus a na mondor siŋgila ti gate kokba ti mandor ti tamo kokba ti kalil naŋgi tulaŋ buŋnjrsiqa goge kobaq di unu. A na tamo kalil bini bati endeqa ñam koba ti unub qaji naŋgi ti tamo kalil bunuqna ñam koba ti sqab qaji naŋgi ti tulaŋ buŋnjrsiqa agi goge kobaq di unu.

1 Timoti 1:13

Bole, nami e Yesus aqa ñam misiliŋyoqnsim a jeutoqnsim a qa anjam uge maroqnem. Ariya e qalie, e nanari tamo sosim a qa ijo areqalo siŋgilatosaioqnem deqa e kumbra di yoqnem. Deqa bati di a e qa olo dulej.

1 Timoti 1:15

Kristus Yesus a na iga tamo uŋgasari une yeqnum qaji iga eleŋqa marsiq deqa mandamq aiej. Anjam di bole. Tamo kalil naŋgi qusib marqab, “Bole.” O Timoti, e nami une gargekoba yoqnem deqa e na une tamo kalil naŋgi tulaŋ buŋnjroqnem.

1 Timoti 4:8

Ni qalie, iga gago jejamu siŋgilatqa osim gaigai qaloqnsim siŋgilatoqnqom kumbra dena iga kiñala aqaryaigwas. Di kiyaqa? Gago jejamu di laŋa mandam qaji jejamu. Ariya iga Qotei aqa kumbra qa are qalsim siŋgilatoqnsim dauryoqnqom kumbra dena iga bole aqaryaigimqa iga mandamq endia so bole sosim mondoŋ dego iga ŋambile gaigai sqom.

1 Timoti 6:17

O Timoti, ni na tamo naŋgi mandam qa silali ti ñoro ti ejunub qaji naŋgi endegsim minjroqne. Niŋgi diqosib nuŋgo segi ñam soqtaib. Nuŋgo ñoro di urur koboqas deqa niŋgi ñoro deqa are siŋgilataib. Niŋgi Qotei qa nuŋgo areqalo siŋgilatosib soqniye. Qotei agi a na iŋgi bole bole kalil iga egeqnaqa iga oqnsim areboleboleigeqnu.

2 Timoti 4:10

Ni que. Demas a mandam endeqa kumbra qa tulaŋ areareteqnu. Deqa a na e uratbosiqa Tesalonaika qureq gilej. Ariya Kresens a Galesia sawaq gilej. Taitus a Dalmesia sawaq gilej.

Taitus 2:12

Qotei a iga qa are tulaŋ boleiyeqnu aqa kumbra dena iga endegsi osorgeqnu. Iga Qotei qoreiyqajqa kumbra torei uratqom. Osim mandam endeqaji areqalo uge uge dego uratosim areqalo bole ti sosim kumbra bole segi dauryoqnqom. Bole, iga mandam tamo uŋgasari naŋgo ambleq endi unum. Ariya Qotei a iga qa are boleiyeqnu aqa kumbra dena iga endegsi osorgeqnu. Iga Qotei aqa kumbra segi dauryoqnqom.

Jems 1:27

Iga Kristen tamo uŋgasari iga kumbra bole endeqaji yoqnqom. Iga na aŋgro mandum naŋgi ti uŋa qobul naŋgi ti geregereinjroqnsim naŋgo gulube kalil qoboiyetnjroqnqom. Osim iga gago segi walwel geregere taqatosim mandam endeqa kumbra jigat kalil uratekritqom. Iga kumbra degsi yoqnqom di iga Qotei aqa ŋamgalaq di Kristen tamo boledamu une saiqoji sqom.