Matyu 12:18 - Yesus Aqa Anjam Bole

¹⁸ “Endi ijo wau tamo qujai e segi na giltem qaji. E a tulaŋ qalaqalaiyeqnum. E a qa tulaŋ areboleboleibqo. E na ijo Mondor aqaq di atitqa a na tamo uŋgasari kalil mandamq endi unub qaji naŋgi kumbra tiŋtiŋ qa minjroqnqas.

Matyu 12:18 ပူးပေါင်းရင်းမြစ်များ

Matyu 12:17

Yesus a kumbra di yej deqa anjam bei Qotei aqa medabu o tamo Aisaia nami marej qaji di aqa damu brantej. A endegsi marej,

Matyu 17:5

Pita a degsi mareqnaqa laŋbi tulaŋ suwaŋo aisiqa naŋgi kabutnjrej. Onaqa laŋbi miligiq dena anjam bei endegsi brantonaq naŋgi queb, “Endi ijo Aŋgro qujai e na tulaŋ qalaqalaiyeqnum qaji. E a qa tulaŋ areboleboleibeqnu. Deqa niŋgi aqa anjam quetoqniye.”

Mak 1:11

Awoonaqa laŋ goge dena Qotei na Yesus metonaqa aqa kakoro quej. A endegsi minjnaq quej, “Ni ijo Aŋgro qujai. E na ni tulaŋ qalaqalaimeqnum. E ni qa tulaŋ areboleboleibqo.”

Mak 9:7

Onaqa laŋbi aisiqa naŋgi kabutnjrnaqa laŋbi miligiq dena anjam bei endegsi brantonaq naŋgi queb, “Endi ijo Aŋgro qujai e na tulaŋ qalaqalaiyeqnum qaji. Niŋgi aqa anjam quetoqniye.”

Luk 23:35

Ariya tamo uŋgasari kalil naŋgi tigelesosib Yesus koqyeqnabqa Juda gate kokba naŋgi na Yesus misiliŋyosib maroqneb, “A na tamo uŋgasari naŋgi aqaryainjroqnej. Ariya a na aqa segi jejamu aqaryaiyqa keresai. A segi Kristus boleamqa a na aqa segi jejamu aqaryaiyosim ŋamburbas uratosim mandamq aiem.”

Luk 3:22

Laŋ waqonaqa Qotei aqa Mondor binoŋ bulosiq laŋ goge dena aisiqa Yesus aqa jejamuq di awoej. Awoonaqa laŋ goge dena Qotei na Yesus metonaqa aqa kakoro quej. A na endegsi minjnaq quej, “Ni ijo segi aŋgro qujai. E na ni tulaŋ qalaqalaimeqnum. E ni qa tulaŋ areboleboleibqo.”

Luk 4:18

“Tamo Koba Qotei na e giltbej deqa aqa Mondor ijoq di unu. A na e giltbosiqa endegsi merbej, ‘Ni na tamo uge uge naŋgi ijo anjam bole plaltosim minjroqne.’ Agi Qotei na e qariŋbonaq mandamq aiem deqa e na tamo uŋgasari naŋgo segi une na siŋgila na ojejunu qaji naŋgi Qotei aqa anjam bole minjroqnitqa naŋgo une uratoqnqab. E na tamo ŋam qandimo unub qaji naŋgi boletnjroqnitqa naŋgi olo ŋamdamu poinjroqnqas. Tamo naŋgi naŋgo jeu tamo na ugeugeinjreqnub qaji naŋgi aqaryainjroqnitqa naŋgo gulube kobooqnqas.

Luk 9:35

Onaqa laŋbi miligiq dena anjam bei endegsi brantonaq naŋgi queb, “Endi ijo Aŋgro qujai e segi na giltem qaji. Niŋgi aqa anjam quetoqniye.”

Jon 3:34

Tamo Qotei na qariŋyej qaji a Qotei aqa anjam babtosiq mergeqnu. Di kiyaqa? Qotei na aqa Mondor aqa siŋgila potosiq taqal bei segi Yesus yosai. A na aqa siŋgila kalil Yesus yekritej.

Aposel 10:38

Qotei na aqa Mondor siŋgila koba ti unu qaji di Yesus yonaqa a walweloqnsiqa kumbra bole bole yoqnsiqa tamo uŋgasari Satan na ugetnjro qaji naŋgi kalil boletnjroqnej. Qotei a Yesus ombla soqneb deqa a siŋgila ti wauoqnej.

Aposel 11:18

Onaqa Juda tamo Pita ŋiriŋteb qaji naŋgi aqa anjam di qusibqa naŋgo ŋiriŋ koboej. Osib naŋgi Qotei aqa ñam soqtosib mareb, “Bole, Qotei a sawa bei bei qaji tamo naŋgi dego are bulyetnjreqnu. Deqa naŋgi dego ŋambile gaigai sqab.”

Aposel 14:27

Aisib Yesus aqa tamo uŋgasari naŋgi koroinjrsibqa naŋgi aiyel qure qureq dia laqnsibqa Qotei na naŋgi aqaryainjreqnaqa naŋgi kumbra kalil yoqneb qaji deqa naŋgi sainjroqneb. Sainjroqnsib endegsib minjroqneb, “Qotei na sawa bei bei qaji tamo naŋgi dego gam waqtetnjreqnaqa naŋgi are bulyoqnsib Yesus qa naŋgo areqalo siŋgilateqnub.”

Efesus 1:6

Aqa segi Aŋgro qujai Yesus a tulaŋ qalaqalaiyeqnu qaji aqa ñam na a iga qa are tulaŋ boleiyej. Deqa iga aqa kumbra deqa are qaloqnsim aqa ñam soqtoqnqom.

Kolosi 1:1

E Pol. Kristus Yesus na e qariŋbej deqa e aqa anjam marsim laqnum. Qotei aqa segi areqalo na e merbej, “Ni Yesus aqa wau oje.” Onaqa e Qotei aqa areqalo di dauryosim agi e Yesus aqa wau ojeqnum.

Kolosi 1:13

Nami iga ambruq di soqnem. Ambru aqa siŋgila dena iga taqatgesoqnej. Onaqa bunuqna Qotei na iga ambruq dena eleŋosiqa aqa segi Ŋiri qujai tulaŋ qalaqalaiyeqnu qaji aqa sorgomq di iga atej. Deqa bini Yesus a gago Mandor Koba sosiqa iga taqatgejunu.

1 Pita 2:4

Tamo Koba Yesus a tal aqa ai bul siŋgila na tigelejunu. Tal aqa ai di ŋambile unu. Niŋgi tal aqa ai deq boiye. Tal aqa ai di tamo uŋgasari naŋgi na unsibqa uge qa marsib taqal waiyeb. Ariya Qotei na olo tal aqa ai di giltosiqa marej, “Tal aqa ai di tulaŋ boledamu.”

2 Pita 1:17

Abu Qotei a na Yesus ñam kobaquja yosiqa aqa segi riaŋ aqaq di atej. Qotei a segi laŋ qaji riaŋq di sosiqa Yesus qa endegsi marej, “Endi ijo Aŋgro e na tulaŋ qalaqalaiyeqnum qaji. E a qa tulaŋ areboleboleibeqnu.”