Matyu 12:10 - Yesus Aqa Anjam Bole

¹⁰ Qotei tal miligiq dia tamo bei baŋ qandamyej qaji a soqnej. Deqa tamo qudei naŋgi Yesus aqa jejamuq di anjam laŋa qametqa marsibqa endegsib nenemyeb, “Yori bati qa tamo boletqajqa di kere kio?”

Matyu 12:10 ပူးပေါင်းရင်းမြစ်များ

Matyu 12:2

Naŋgi degsib gileqnabqa Farisi tamo qudei naŋgi bosib naŋgi unjrsib Yesus minjeb, “Ni une. Ino aŋgro naŋgi gago dal anjam grotonub. Yori bati qa kumbra degyo di getento koba.”

Matyu 19:3

Onaqa Farisi naŋgi olo Yesus aqa areq bosibqa a anjam bei grotimqa qusib naŋgi a ojqajqa deqa laŋa gisaŋyosib endegsib nenemyeb, “Tamo bei aqa ŋauŋ aqa jejamuq di une kiñala bei soqnimqa a na uratqa kere e? Gago dal anjamq di degsi unu e?”

Mak 3:2

Onaqa Farisi naŋgi Yesus koqyoqneb. Naŋgi are qaleb, “Yesus a yori bati qa tamo di boletqas kio? Yimqa minjqom, ‘Ni na yori bati grotonum.’” Deqa naŋgi Yesus koqyoqneb.

Luk 11:54

A anjam bei grotimqa naŋgi a ojqajqa deqa anjam gargekoba nenemyoqnsib a dadauryoqneb.

Luk 13:14

Onaqa Qotei tal taqato tamo a Yesus aqa kumbra di unsiqa minjiŋ oqetej. Di kiyaqa? Yesus a yori bati qa uŋa di boletej deqa. Deqa Qotei tal taqato tamo na tamo uŋgasari naŋgi endegsi minjrej, “Bati 6-pela iga waueqnum. Deqa wau qa bati segi nuŋgo ma boletqajqa boqniye. Yori bati qa nuŋgo ma boletqajqa baib.”

Luk 20:22

Deqa ni iga merge. Iga Sisar takis yqom e? Yqasai e? Ni kiersi are qalonum?”

Luk 23:2

Tigeltosib Pailat minjeb, “Iga Yesus uneqnum, a na Juda tamo uŋgasari naŋgi kumbra uge uge yqajqa deqa areqalo tigeltetnjreqnu. A na naŋgi mandor koba Sisar takis yqajqa saidnjroqnsiqa minjreqnu, ‘E segi nuŋgo Mandor Koba. E segi Kristus.’” Naŋgi degsib gisaŋosib Yesus aqa jejamuq di anjam qameteb.

Jon 5:10

Deqa Juda tamo kokba naŋgi na tamo boleej qaji di unsib minjeb, “Bini gago yori bati. Iga wauqa getento. Deqa ni ino sapera qoboiyaim.”

Jon 5:3

Dia tamo ma ti, tamo ŋam qandimo, tamo siŋga uge, tamo jejamu lainjro qaji tulaŋ gargekoba soqneb. Naŋgi ya anŋilqajqa tariŋoqnsib soqneb.

Jon 7:23

Niŋgi Moses aqa dal anjam geregere dauryqa oqnsib deqa niŋgi yori bati qa nuŋgo aŋgro naŋgi muluŋ breinjreqnub. Ariya e yori bati qa tamo qujai aqa jejamu boletonumqa niŋgi unsibqa kiyaqa e qa ŋiriŋonub?

Jon 8:6

Naŋgi Yesus laŋa are qameteb. Naŋgi endegsib are qaleb, “Iga Yesus laŋa are qametonam a anjam bei grotimqa qusim a ojqom.” Onaqa Yesus a kamba naŋgi anjam bei minjrosai. A mana qamsiq turuosiqa baŋ gei na mandamq di neŋgreŋyoqnej.

Jon 9:16

Onaqa Farisi qudei naŋgi endegsib mareb, “Iga qalie, Qotei na Yesus qariŋyosai. Di kiyaqa? A yori bati gentqo deqa.” Ariya tamo qudei naŋgi mareb, “Sai. Une tamo a kiersim maŋwa deqaji babtqas?” Farisi naŋgi anjam deqa ŋiri ŋiriŋosib poaiyeleb.