Matyu 11:30 - Yesus Aqa Anjam Bole

³⁰ E na niŋgi are otetŋgeqnum deqa niŋgi are gulube saiqoji unub. Wau e na niŋgi eŋgeqnum qaji di gulube sai. Di oto.”

Matyu 11:30 ပူးပေါင်းရင်းမြစ်များ

Matyu 12:1

Ariya bunuqna Juda naŋgo yori bati bei qa Yesus aqa aŋgro naŋgi ti wau ambleq na giloqnsibqa aqa aŋgro naŋgi mamnjrnaq deqa wit gei eleŋoqnsib uye uye giloqneb.

Jon 16:33

Niŋgi na e beterbosib are lawo na sqajqa deqa e na anjam endi niŋgi merŋgonum. Niŋgi mandamq endia sosib niŋgi gulube koba oqnqab. Deqa uŋgum. Niŋgi are siŋgilatiye. E segi na mandam endeqa siŋgila kalil gotraŋyosim tigelejunum.”

Aposel 15:10

Deqa niŋgi kiyaqa Kristen tamo uŋgasari naŋgi muluŋ unsib Moses aqa dal anjam dauryqajqa anjam di minjroieqnub? Nuŋgo kumbra dena niŋgi na naŋgi gulube koba enjreqnub. Gulube di nami gago moma naŋgi oqa keresai. Bini iga na dego gulube di oqa keresai. Niŋgi endegsib are qalonub kio, ‘Qotei a gago kumbra di unqasai.’ Degosib niŋgi yonub.

Aposel 15:28

O was niŋgi quiye. Iga kalil Qotei aqa Mondor ombla na areqalo qujaitosim anjam endegsi qosonum. Iga niŋgi gulube koba eŋgwasai. Niŋgi gago anjam truquyala endi segi qusib dauryqab di kereqas. Gago anjam truquyala agiende.

2 Korin 4:17

Di kiyaqa? Iga qalieonum, gulube ti jaqatiŋ ti iga bini eqnum qaji di tulaŋ kokba sai. Naŋgi sokiñalayosib koboqab. Iga gulube di eqnum deqa mondoŋ iga laŋ qureq dia so bole gaigai sqom. Iga qalieonum, iŋgi bole bole iga mondoŋ oqom qaji di tulaŋ boledamu. Iŋgi iŋgi dena mandam qa iŋgi iŋgi kalil tulaŋ buŋnjresqas.

Galesia 5:1

Kristus a na iga eleŋej deqa dal anjam na iga olo bunu taqatgwasai. Deqa niŋgi siŋgila na tigelosib tamo qudei naŋgi na niŋgi olo osib dal anjam aqa sorgomq di atqa laqnib saidnjroqniye.

Galesia 5:18

Ariya niŋgi Qotei aqa Mondor aqa kumbra dauryqab di niŋgi olo dal anjam aqa sorgomq di sqasai.

Filipai 4:13

Kristus a segi na e siŋgilatbeqnu deqa aqa siŋgila dena e kumbra kalil yqa kere.

1 Jon 5:3

Iga Qotei qalaqalaiyqom di iga aqa dal anjam dego dauryqom. Iga Qotei aqa dal anjam dauryqajqa di gulube sai. Di oto.