Matyu 11:25 - Yesus Aqa Anjam Bole

²⁵ Bati deqa Yesus a endegsi Qotei pailyej, “O Abu, ni segi laŋ qa ti mandam qa ti Koba. Deqa e ni biŋimosim ino ñam soqtonum. Di kiyaqa? Ijo anjam e na tamo uŋgasari naŋgi minjreqnum qaji di ni na tamo powo ti unub qaji naŋgi qa ulitoqnsimqa tamo aŋgro du du bul naŋgi segi qa babteqnam naŋgi poinjreqnu.

Matyu 11:25 ပူးပေါင်းရင်းမြစ်များ

Matyu 16:17

Pita na kamba Yesus degsi minjnaqa a na minjej, “O Saimon, Jona aqa ŋiri, ni tulaŋ areboleboleimeme. Di kiyaqa? Ino anjam merbonum di mandam tamo bei na babtosiq mermosai. Ijo Abu laŋ qureq di unu qaji a segi na anjam di babtosiq mermqo.

Matyu 21:16

Osib Yesus minjeb, “Aŋgro du du naŋgi leleŋoqnsib anjam mareqnub di ni queqnum e?” Onaqa Yesus na kamba minjrej, “Od, e naŋgo anjam queqnum. Deqa e niŋgi merŋgwai. Qotei aqa anjam bei nami endegsib neŋgreŋyeb unu, ‘O Abu, aŋgro du du naŋgi na ino ñam soqteqnub.’ Anjam di niŋgi nami sisiyosai kio?”

Luk 22:42

A endegsi pailyej, “O Abu, ni na marimqa gulube endi e qa baiq.” Degsi pailyosiqa olo urur are qalsiq endegsi pailyej, “Uŋgum, ni ijo areqalo dauryaim. Ni ino segi areqalo dauryosim ye.”

Luk 23:34

Yesus a ŋamburbas goge di sosiqa a endegsi Qotei pailyej, “O Abu, ni na naŋgo une di kobotime. Naŋgi une yonub di naŋgi qaliesai.” Ariya qaja tamo naŋgi Yesus aqa gara eleŋqa marsib gilteleŋeb. Osib meniŋ silali alaŋeb. Tamo yai aqa meniŋ na buŋnjrqas a na gara oqas. Degsib marsib meniŋ silali alaŋosib gara eleŋeb.

Jon 11:41

Degsi minjnaqa naŋgi meniŋ kobaquja di taqal atnabqa Yesus a laŋ goge tarosiqa Qotei endegsi pailyej, “O Abu, ni ijo pail endi quonum deqa e ni qa tulaŋ areboleboleibqo.

Jon 12:27

Osiqa Yesus a olo anjam endegsi marej, “Endego e are tulaŋ gulubekobaibqo. Deqa e endegsi Qotei pailyqai kio, ‘O ijo Abu, ni na marimqa gulube e qa bqa laqnu endi e qa baiq’? Uŋgum, e degsi Qotei pailyqasai. Gulube aqa bati endi e qa branteme. E deqa mandamq aiem.

Jon 12:28

O ijo Abu, ni na ino ñam tulaŋ kobaqujatime.” Yesus a anjam degsi marnaqa laŋ goge dena anjam endegsi bej, “E ijo ñam agi kobaqujatonum. Deqa olo kobaqujatqai.”

Aposel 17:24

“Qotei di a laŋ ti mandam ti iŋgi iŋgi kalil dego gereiyeleŋej. A segi qujai laŋ qa ti mandam qa ti Tamo Koba. Deqa atra tal tamo na gereiyo qaji a dia sqasai.

1 Korin 2:10

O was qu, anjam di nami uliesonaqa Qotei na aqa Mondor aqa wau na babtosiq mergej. Mondor a iŋgi iŋgi kalil qa qalie. Qotei aqa areqalo kalil uliejunu qaji di Mondor a qalie.

2 Korin 3:14

Israel naŋgo areqalo geteŋnjresoqnej deqa naŋgi dal anjam namij sisiyoqneb di naŋgi anjam aqa utru poinjrosaioqnej. Naŋgi nami degsib soqneb agi bini unub. Naŋgo areqalo gara mutu na kabutobulejunu. Tamo bei na gara di taqal atqa keresai. Kristus aqa wau na segi Qotei na gara di olo taqal ateqnu.